YEHEZKIEL 9:7 - KITAB NU TUMPU ALLA LELE MA'IMAI'

⁷ Tumpu notataemo hi aha, “Humimi'imo na Laigan-Ku aiya! Pobuke'imo na popasannyo haha aiya nu bangke' nu manusia. Donganmo tampu'uni!” Sahingga aha nontampu'unimo nompatei to mia-mian anu i uno nu kota'.

YEHEZKIEL 9:7 ပူးပေါင်းရင်းမြစ်များ

2 TAWARIKH 36:17

Tumpu nompotuka'mo kinyonyoa i tomundo Babel da montumbuhimo aha. Tomundo aijo' nompateimo mian nu Yehuda anu toto oli-olitau ka' toto lalangkoyang tibamo aha anu kiijo' i Laigan nu Tumpu. Mau pe'e samian madi' ko anu kinalibosannyo, mau anu langkai'mo ka' bengkele'mo, kabai anu daagi' olitau ka' langkoyang, to momo'ane kabai to boboune, anu masakit kabai anu madi' masakit. Aha iwi-iwi' binee'mo nu Tumpu Allah hi tomundo Babel.

MOHAANGI 2:20

O Tumpu toamo ahi' ka' palahatikan na aha anu sinsalamo nu belento aijo'! Pa' daagi ko anu toho'mo binau nu belento susumo aijo'? Tinanyo nongkaanmo posi anaknyo anu talalo hondo nu kalibosi, imam tiba nabi pinateanmo i uno nu Laigan nu belento anu susi'.

LUKAS 13:1

Tempo'nyo aijo' mian nonsisikmo hi Yesus mongkona aha sangkuka na mian nu Galilea anu pinatean i Pilatus, hau-haunyo aha monsombahkon koloban hi Tumpu.