YEHEZKIEL 9:6 - KITAB NU TUMPU ALLA LELE MA'IMAI'

⁶ Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

YEHEZKIEL 9:6 ပူးပေါင်းရင်းမြစ်များ

KAJADIAN 4:15

Panyo Tumpu notatae, “Madi'. De beleyum opatei, saba' salaku pombalosi popitu' na mian tibamo anu mompatei beleyum aijo' suele opatei.” Lapas aijo' Tumpu nompokonaimo tanda hi Kain da ihe na singkabot tiba ia boli mompatei ia.

2 TAWARIKH 36:17

Tumpu nompotuka'mo kinyonyoa i tomundo Babel da montumbuhimo aha. Tomundo aijo' nompateimo mian nu Yehuda anu toto oli-olitau ka' toto lalangkoyang tibamo aha anu kiijo' i Laigan nu Tumpu. Mau pe'e samian madi' ko anu kinalibosannyo, mau anu langkai'mo ka' bengkele'mo, kabai anu daagi' olitau ka' langkoyang, to momo'ane kabai to boboune, anu masakit kabai anu madi' masakit. Aha iwi-iwi' binee'mo nu Tumpu Allah hi tomundo Babel.

NOSABATMO 12:23

Salatan Tumpu lumajangmo monsongkohi lipu' aiya kahanda mompateimo to ana-anak nu Mesir, nutoa nu Tumpu na baso' anu aijo' i ohua' na ohi' ka' aita' i buan nu sabatan i laigan nu belemiu, saba' ia ola lamba-lamba ka' madi' mompobee' Malaekat Kapatean mompinsoopi laigan nu belemiu, mompatei belemiu.

YEREMIA 16:6

Mian anu kaya tiba mian anu kasiasi ilipu' aiya saidi' mae de silakamo madi'mo daagi' ko anu molamun aha. Madi'mo daagi' kosamian anu monsakisa butongnyo kabai mongkis ubaknyo salaku tanda susa' kalana ko anumo sinilaka na aha.

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

YEREMIA 44:7

Ka' uuka aiya Aku, Tumpu Anu Balakuasa hondo, Tumpu Allah Israel mompokilawamo kadaka' belemiu nombaumo palabuatan anu timbali monsaduakon kasilaka'an anu daka' aijo' hi butong nu belemiu. Te belemiu kahanda'mo monsilakai iwi-iwi' na mian – mo'ane, boune, to ana-anak, tiba bungamea' – sahingga madi'mo daagi' ko samian na bansa nu belemiu na daagi' tontuha'?

YEREMIA 44:8

Kadaka' belemiu nombaumo hahan anu monsabapimo Aku motambuha'? Belemiu tinokamo i Mesir ka' jinojoongmo, ilipu' anu ma'isa osumbu-sumbu' nu belemiu aijo' lantas belemiu monsombahmo pilogot ka' monsombahkonmo koloban hi to pilo-pilogot nu lipu' aijo'! Te belemiu kahanda'mo mohansuni posi butong nu belemiu da belemiu nu alumo nu bansa iwi-iwi' idunia aiya ka' mule' sanggo nu belemiu lewa'mo opake salaku bau pontotobi'akon?

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEREMIA 9:21

Kapatean ninsoopmo nontulu tolongan, ka' ninsoopmo i uno nu laigan nu tomundo'; ia nongkaanmo to ana-anak anu aijo' ijalan tiba olitau ka' langkoyang aijo' ilapangan.

YEHEZKIEL 11:1

Lantas aku ihangkatmo nu Roh nu Tumpu ka' binoamo isabatan daka' Timur i Laigan nu Tumpu, sabatan anu mo'ahop sasu kabete'an. Ikiijo' tinoangku 25 na mian, galu-galumo ikiijo' ua'aha na polaya' nu bansa aijo'mo i Yaazanya anak i Azur tiba Pelaca anak i Benaya.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

YEHEZKIEL 9:5

Ihongongku na Tumpu notatae hi mian sangga'at, “Batuki na ia mamba isongko-songko na kota' ka' pateimo na mian madi' timbali o, ampuni.

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

LUKAS 12:47

Posaihon anu monsumbu' pongka'oho' nu tuannyo, panyo madi' mosadia ka' madi' mombau kahanda' nu tuannyo aijo', o doke maho-mahoson.

PO'ULE' INGULIT 2:34

Tempo'nyo aitu mule' kita nongalamo ka' nongideimo toto sa'angu' na kota, ka' nompateimo iwi-iwi' na miannyo, to momo'ane tiba to bou-boune tiba to ana-anak. Madi' ko anu pinobee' tumuu'!

PO'ULE' INGULIT 3:6

Iwi-iwi' na kota haha aijo' ingideantomo, ka' iwi-iwi' na mo'ane, boune ka' to ana-anak nu aha pinateantomo, susumo anu binauntomo i kota-kota i Tomundo Sihon anu lengkat mae i Hesybon.

PO'ULE' INGULIT 32:23

Sabole-bole saja'mo Ku potoka na balaa' pana'-Ku iwi-iwi' Ku peletakonmo hi aha.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.

ANU PINOTO'I HI YOHANES 7:3

Malaikat haha aijo' notatae, “Bolimo pe'e mongidei katano'an ka' ambai kabai to kau-kau' de kami ma'isa mombee'i tanda segen i siakan hi to posa-posaihon nu Tumpunto.”

ANU PINOTO'I HI YOHANES 9:4

Aha madi' opobee' na mongidei hemput, kabai to kau-kau', kabai sangga'at anu tumuu' i tano'. Aha ola timbali mombosik to mia-mian anu madi' ko tanda segen i siakannyo anu pinokona nu Tumpu.

1 SAMUEL 15:3

Jadi lako'mo ka' tumbuhimo na aha mian nu Amalek ka' o idei na apa-apaa na anu nu aha iwi-iwi'. Boli opotuha' maumo pa' apa-apaa; patei iwi-iwi' na to momo'ane, to bou-boune tiba to ana-anak, ka' mule' to bunga-bungamea'; ka'suele sapi', domba, unta tiba keledai.”