YEHEZKIEL 9:5 - KITAB NU TUMPU ALLA LELE MA'IMAI'

⁵ Ihongongku na Tumpu notatae hi mian sangga'at, “Batuki na ia mamba isongko-songko na kota' ka' pateimo na mian madi' timbali o, ampuni.

YEHEZKIEL 9:5 ပူးပေါင်းရင်းမြစ်များ

1 TOMU-TOMUNDO' 18:40

Sahingga notataemo na i Elia, “Hakop na nabi Baal aijo'! Boli opotuha' mau ola samian!” Lantas i hakopmo nu to mia-mian na nabi Baal haha aijo', ka' binoamo i Elia i Kaunyo Kison, ka' i kiijo' mae pinateannyomo na aha iwi-iwi'.

NOSABATMO 32:27

ka' ia notataemo hi aha, “Tumpu Allah nu aha Israel nompalentahmo belemiu toto samian da mongkeat bajak miu ka' lumajang motulu i Kemah aiya lengkat i sabatan daka' aijo' lau-laus mokiijo' i sabatan daka' sangga'at ka' opatei na to Utu-utus, to sanga-sangalu ka' anu mompaha ohani kemah nu belemiu.”

YESAYA 13:18

Tiba pompelet nu aha ka' mule' hihisnyo nu pateimo nu aha na to oli-olitau. Aha madi' mongkalibosi bunga mea' ka' mule' madi' molibos hi to ana-anak.

YESAYA 22:14

Tumpu Anu Matangkas na Kuasanyo ka' Anu Daka' na Kuasanyo nanintoamo hi belengku ka' notataemo mae, “Totu-totu'u palabuatan nu aha ma'i-ma'idek aijo' madi'mo daagi' Ku ampuni sampe aha silaka. Aku, Tumpu notataemo.”

YESAYA 5:9

Ihongongku Tumpu Anu Daka' na Kuasanyo binasumpa'mo, “Iwi-iwi na laigan anu to daka-daka' haha aiya ka' mule' anu to ima-ima' haha aiya iwi-iwi' aijo' longkangmo madi'mo ko anu monjojoongi.

YEREMIA 9:21

Kapatean ninsoopmo nontulu tolongan, ka' ninsoopmo i uno nu laigan nu tomundo'; ia nongkaanmo to ana-anak anu aijo' ijalan tiba olitau ka' langkoyang aijo' ilapangan.

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 43:3

Anu tinoa aijo' pokakanamo susumo anu tinoangku tempo'nyo Tumpu tinoka mae nohansuni Yerusalem, ka' mule' pokakana susumo anu tinoangkumo i Kaunyo Kebar. Lantas aku tinolodadupumo ka' nonsombah.

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

YEHEZKIEL 7:4

Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

YEHEZKIEL 7:9

Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

YEHEZKIEL 9:6

Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

1 SAMUEL 9:15

Memang na bongi sina-sinaa Tumpu nompotuunmo Hi Samuel sumo uuka na koonyo,