YEHEZKIEL 9:4 - KITAB NU TUMPU ALLA LELE MA'IMAI'

⁴ “Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

YEHEZKIEL 9:4 ပူးပေါင်းရင်းမြစ်များ

KAJADIAN 4:15

Panyo Tumpu notatae, “Madi'. De beleyum opatei, saba' salaku pombalosi popitu' na mian tibamo anu mompatei beleyum aijo' suele opatei.” Lapas aijo' Tumpu nompokonaimo tanda hi Kain da ihe na singkabot tiba ia boli mompatei ia.

2 TOMU-TOMUNDO' 22:13

“Lako' mamba hi Tumpu ka' pokilawa mae mosia na isi nu kitab aiya mongkona aku ka' mongkona iwi-iwi' na mian da'isan nu Yehuda. Tumpu notambuha'mo hi kita kalana mompolee'to madi'mo nompojalan palentah haha aijo' anu tinulismo i unonyo.”

MAZMUR 119:136

Lolu'ku no ilimo susumo kaunyo, kalana atulan nu Belento madi'mo tinulutan.

MAZMUR 119:53

Tinambuha'ankumo hondo na mian anu ma'idek na kinyonyoanyo, kalana aha nompala'imo atulan nu Belento.

NOSABATMO 12:13

Baso' anu i sabatan nu laigan nu belemiu bau pontandai laigan haha atina' kajojoongan nu belemiu. De Ku toamo na baso' aijo' belemiu so'mo Ku liu-liu ka' madi' Ku silakai de Aku mohukumo Mesir!

NOSABATMO 12:23

Salatan Tumpu lumajangmo monsongkohi lipu' aiya kahanda mompateimo to ana-anak nu Mesir, nutoa nu Tumpu na baso' anu aijo' i ohua' na ohi' ka' aita' i buan nu sabatan i laigan nu belemiu, saba' ia ola lamba-lamba ka' madi' mompobee' Malaekat Kapatean mompinsoopi laigan nu belemiu, mompatei belemiu.

NOSABATMO 12:7

Baso'yo sangkiding tionyo ahi osapuakon i ohu-ohua' na ohi' nu sabatan, ka' aita' i buannyo nu sabatan nu laigan anu pongkaanan nu aha.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

YEHEZKIEL 21:6

O, manusia anu madi' tumuu' batu, polotando'mo ka' pososonmo i ahop nu to mia-mian Israel, susumo au'aitu beleyum madi'mo ko halapan.

YEHEZKIEL 6:11

Tumpu Anu Matangkas na Kuasanyo notataemo, “Lasaimo na kasusa'an! Polotando'mo, Haangmo moli-molibos kalana iwi-iwi' na palabuatan ma'idek ka' anu moko pahumimi' bibinaumo nu bansa Israel. Aha silakamo kalana lewa' mahampate, kalana madi'mo ko anu okaan tiba panyakit anu molele.

YEHEZKIEL 9:5

Ihongongku na Tumpu notatae hi mian sangga'at, “Batuki na ia mamba isongko-songko na kota' ka' pateimo na mian madi' timbali o, ampuni.

YEHEZKIEL 9:6

Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

AMOS 6:6

Belemiu monginum anggur i galas anu ingisian buke-buke' ka' belemiu mompake minya-minya' anu manohong, panyo belemiu madi' molibos na kinyonyoa i kahansunan nu Israel.

ZEFANYA 1:12

Tempo'nyo aitu Aku mongalamo potong ka' mompalesa ka' molio apa-apaa kiijo' i kota' Yerusalem. Ku hukumo na mian anu jojoong ikiijo' ka' anu madi' montapali ka' anu ola mosi pa'osa nu butongnyo ka' anu bapikin tukoonyo Aku, Tumpu anu madi' toho' mombau sumo aiya kabai sumo aijo'.

ZEFANYA 3:18

Kalana belemiu Ia ilame'mo, susumo mian anu hau-haunyo nombau-bauonmo.” “Balaa' anu nontuda'imo belemiu madi'mo po ule' Ku potoka mae. Kasala'an nu belemiu ihapus-Kumo.

MALEAKHI 3:16

Lantas aha to mia-mian anu mongkabuhuk Tumpu notatae hi samian ka' samian. Nu hongo nu Tumpu ka' mule' nu palahatikan apaa na anu nu taloakon nu aha. To mia-mian anu moholomati Ia ka' mule' mongkabuhuk Ia otulismo na sanggo-Nyo, i sa'angu' na kitab anu bau pontulisan anu kiita i ahop-Nyo.

2 KORINTUS 1:22

Kalana han aijo' sahingga Tumpu nompotantumo kita, iamo na tumpu-Nyo, ka' nombee'imo Roh-Nyo i kinyonyoanto salaku tanda pompohoson saba' tionyo nu bee' hi kita iwi-iwi' na anu jinanji'-Nyomo.

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

GALATIA 6:17

Ka' mule' bolimo ko samian pe'e na po'ule' monsusa'i aku, kalana i butongku daagi'mo kinotopia-piangkuka na ko bukuti'nyo na aku nombatukimo i Yesus.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

ANU PINOTO'I HI YOHANES 14:1

Lapas aijo' aku nontoamo, Anak nu Domba aijo' tinjo-tinjo aita' i Bungkutnyo nu Sion. Tiba Ia, daagi' mule' ko 144.000 na mian ka' i siakan nu aha toto samian bubu' tinulis na sanggo-Nyo ka' sanggo nu Tuuma-Nyo.

ANU PINOTO'I HI YOHANES 20:4

Lantas tinoangkumo na to kasu-kasuhangan, ka' to mia-mian anu sinumuhang i to kasu-kasuhangan haha aijo' binee'anmo kuasa da momputusi hukuman. Aku nontoa suele santuu' nu to mia-mian anu kinolongmo na ubaknyo kalana aha nompototu'umo i Yesus, ka' nompolelemo potuunon lengkat mae hi Tumpu. Mian haha aijo' madi' monsombah binatang kabai patongnyo. Aha mule' madi' toho' nontalima tanda nu binatang aijo' i siakan kabai i lima nu aha. Sahingga aha po'ule'mo tinumuu' ka' po'ule'mo nompalentah salaku tomundo tiba i Kristus kopinnyo samadala na taun.

ANU PINOTO'I HI YOHANES 9:4

Aha madi' opobee' na mongidei hemput, kabai to kau-kau', kabai sangga'at anu tumuu' i tano'. Aha ola timbali mombosik to mia-mian anu madi' ko tanda segen i siakannyo anu pinokona nu Tumpu.