YEHEZKIEL 9:2 - KITAB NU TUMPU ALLA LELE MA'IMAI'

² Lia-lia tinokamo mae na mian aha anom lengkat mae isambiha' nu sabatan daka anu sasu Utara Laigan nu Tumpu, toto samian nomboa mae toongon bau pahampate. Hingga-hinggat mae tiba aha daagi' ko mian baju'nyo hude lenan ka' nomboa mae anu bau pontulisan. Aha ninsoopmo ka' tinuminjo koko mezbah tambaga.

YEHEZKIEL 9:2 ပူးပေါင်းရင်းမြစ်များ

2 TOMU-TOMUNDO' 15:35

Panyo moko sala'nyo tampat anu lewa' ponsomban pilogot madi' ingideannyo sahingga mian da'isan saja' ahi' monsombahkon ko koloban ka' mompapui kamangian i kiijo'. I Yotam na mombau Sabatan Daka' sasu Utara i Laigan nu Tumpu.

2 TAWARIKH 27:3

Aitumo i Yotam na nombau Sabatan Daka' sasu Utara i Laigan nu Tumpu, ka' nompaka pohoson pagan mesen nu Yerusalem i da'erah anu osanggohi ofel.

2 TAWARIKH 4:1

I Tomundo Salomo nombaumo sa'angu' na mezbah tambaga komantannyo ka' ko bolanyo pokakana 9 na meten ka' ko tangkasnyo 4,5 na meten.

NOSABATMO 40:29

ka' i ahop nu sabatan aijo' pinokokonyomo na mezbah bau pontunuan koloban. I mezbah aijo' sinombahkonnyomo na koloban anu otunui tiba koloban roti anu osombahkon.

YEREMIA 1:15

Ku palentahmo mae na bansa iwi-iwi' anu isasu utara da tokamo mae mongkuasai Yerusalem. Pagan mesen haha aiya anu montikubi kota' aiya ka' mule' sabatan toto daka-daka' tiba iwi-iwi' na kota' nu Yehuda nu alamo nu aha.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 26:10

Salatan to mia-mian anu toto tangka-tangkas na pangkatnyo i uno nu pamalentahan Yehuda nohongomo apaa na anu jinadimo aijo', aha sampamo mae nosabat aijo' iLaigan nu tomundo' lantas nambamo iLaigan nu Tumpu, ka' sinumuhangmo i Sabatan Daka' anu salaje' Binau.

YEREMIA 4:6

Potiju' na jalan mamba i Sion, puge'nyo nu Tumpu, palia-lia'mo popalai boli ola momohokot. Tumpu mompotokamo mae balaa' ka' kahansunan anu daka' hondo lengkat mae isasu utara.

YEHEZKIEL 10:2

Lapas aijo' Tumpu notataemo hi aha mian anu singkap nompusok hude lenan aijo', “Pinsoopmo i olot nu bola nu loda haha aijo' anu i aluk nu malaekat haha aijo' pongala mae sangkakup na oba nu apu. Lantas okakambuhakonmo na oba aijo' ikota'.” Ia nontulutimo, ka' pinalahatikankumo.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

YEHEZKIEL 9:11

Lapas aijo' mian anu nompusok hude lenan aijo' ninsusule'mo ka' nompoto'i hi Tumpu, ia notatae, “Iwi-iwi' na palentah nu belento Tumpu binaumo.”

YEHEZKIEL 9:3

Lantas jingka anu majingka hondo salaku tanda Tumpu nu Israel tinokamo, jingkanyo lengkat mae aijo' hi to mala-malaekat, lantas nolalinmo namba i sabatan pinsoopan i Laigan nu Tumpu. Lantas ilagamo nu Tumpu na mian anu nompusok hude lenan aijo' ka' Ia notatae,

DANIEL 10:5

Aku nonsinda nokiita' lantas tinoangku samian na anu nompusok baju' hude lenan ka' mule' pombutu'nyo mosoni' anu madi' ko galo'nyo.

DANIEL 12:6

Samian nompokilawamo hi anu tinuminjo lebe ohani i mata nu kaunyo, “Hipianje na lapas na kajadian-kajadian haha aijo' anu okabangangi?”

IMAMAT 16:4

Ka' mule' i Harun tionyo ahi' saja' mongintomakon atulan haha aiya. Ma'isa pe'e minsoop i Salipi' anu Susi' hondo ia tionyo ahi' mindii' pe'e lantas mompusok baju' nu imam, aijo'mo baju', saluan kodo', pombutu' ka' suluban, iwi-iwi' lenan na binau.

AMOS 9:1

Aku nontoa Tumpu tinuminjo koko mezbah. Ia nombee'i palentah aiya, “Santib hoso-hoson na puusnyo nu ohi' nu Laigan-Ku da gandalia iwi-iwi' tolohunjong. Tua'akon na to ohi haha aijo' i ubak nu mian haha aijo'. Aha anu madi' silaka Ku pateije i uno nu pahampatean. Madi' ko samian pe'e na noko palaiakon butong, madi' ko samian pe'e na moko ala mopalai.

ANU PINOTO'I HI YOHANES 15:6

Lantas popi-popitu' na malaikat tiba popi-popitu' na balaa' aijo' nosabatmo mae lengkat i Laigan nu Tumpu. Baju' nu aha lenan na kina'ut anu belesi' hondo ka' jongkilaban. Ka' aha nompake pongkukubi saha'an mosoni' na binau.