YEHEZKIEL 9:1 - KITAB NU TUMPU ALLA LELE MA'IMAI'

¹ Lapas aijo' Tumpu Allah notataemo daka-daka', “Po uukamo mae o, tomia-mian anu montalimamo hukuman-Ku ikota' aiya. Boa mae na iwi-iwi' na toongon nu belemiu anu bau pahampate.”

YEHEZKIEL 9:1 ပူးပေါင်းရင်းမြစ်များ

2 TOMU-TOMUNDO' 10:24

Lantas i Yehu ka' i Yonadab nonsombahkonmo koloban hi Baal. I sambiha'nyo nu laigan aijo' kino anumo monjagai aha 80 na mian ka' suludadu anu toto tangka-tangkas na pangkatnyo pinalentah i Yehu monjagai i kiijo'. Ka' ia mule' nompalentahmo aha sumo uuka. “Tionyo ahi' opatei nu belemiu iwi-iwi' na mian haha aijo'. Ihe na mompolapas mian haha aijo' mau ola samian, ia suele opatei!”

1 TAWARIKH 21:15

Lapas aitu Tumpu nonsai mule mae samian na malaikat tinoka kijo i ohani pongututan gandum i Arauna mian nu Yebus. Tumpu nombaliimo tanga'annyo. Mohukum bansa aijo ia notatae hi malaikat; sukupo! Belentimo!

NOSABATMO 12:23

Salatan Tumpu lumajangmo monsongkohi lipu' aiya kahanda mompateimo to ana-anak nu Mesir, nutoa nu Tumpu na baso' anu aijo' i ohua' na ohi' ka' aita' i buan nu sabatan i laigan nu belemiu, saba' ia ola lamba-lamba ka' madi' mompobee' Malaekat Kapatean mompinsoopi laigan nu belemiu, mompatei belemiu.

YESAYA 6:8

Lantas ihongongkumo na potatae nu Tumpu nompoto'i, “Ihe na Kusai? Ihe na momboa lele lengkat aiya hi kita?” Tinaamankumo, “Aiya na aku. Saimo mae na aku!”

YEREMIA 4:6

Potiju' na jalan mamba i Sion, puge'nyo nu Tumpu, palia-lia'mo popalai boli ola momohokot. Tumpu mompotokamo mae balaa' ka' kahansunan anu daka' hondo lengkat mae isasu utara.

YEHEZKIEL 43:3

Anu tinoa aijo' pokakanamo susumo anu tinoangku tempo'nyo Tumpu tinoka mae nohansuni Yerusalem, ka' mule' pokakana susumo anu tinoangkumo i Kaunyo Kebar. Lantas aku tinolodadupumo ka' nonsombah.

ANU PINOTO'I HI YOHANES 14:7

Malaikat aijo' notatae daka-daka', “Pabuhukmo hi Tumpu Allah ka' o puji' na katalasanggoan-Nyo! Kalana tempo'nyomo na Tumpu momputusimo mian. O sombah na Ia anu nompotimbalimo langit, tano', ambai ka' iwi-iwi' na mata nu uee!”