YEHEZKIEL 8:6 - KITAB NU TUMPU ALLA LELE MA'IMAI'

⁶ Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu jinadimo? Palahatikan na palabuatan-palabuatan anu okahegati bibinaumo nu aha Israel anu nompojo'onmo Aku i Laigan-Ku! Imbo'da Kupotoa hi beleyum hahan anu lebe mahumimi' mule'.”

YEHEZKIEL 8:6 ပူးပေါင်းရင်းမြစ်များ

2 TAWARIKH 29:5

ka' pinoto'inyomo hi aha kiijo' mae. Ia notatae, “Belemiu to mia-mian nu Lewi tionyo ahi' mompatikolomo butong nu belemiu da mombau apaa na anu nukahanda'i nu Tumpu, ka' momposusi' Laigan nu Tumpu. Tumpu Allah nu mompolee' nu belemiu. Iwi-iwi' na anu nompohenyu Laigan nu Tumpu aijo' tionyo o'alini.

MAZMUR 78:60

Pinala'ian-Nyomo na Kema'Nyo kiijo' i Silo, anu binau kajojoongan-Nyo sama-sama nosangalu aha.

AMSAL 5:14

Madi' ingepe mata nu mian da'isan na'idekmo na nontoa mae aku.”

YEREMIA 11:18

Tumpu nompoto'imo mae hi belengku tanga'an ma'idek nu aha anu mongka'ideki mae aku.

YEREMIA 23:11

Tumpu notatae, “Nabi tiba imam madi'mo mongka'oho' tulu-tulutan hi beleng-Ku. Pakalaus mule' i uno nu Laigan-Ku ihumpak-Kumo na aha nombaumo palabuatan anu ma'idek.

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEREMIA 3:6

Tempo'nyo i Tomundo' Yosia nompalentah, Tumpu notataemo mae hi belengku sumo uuka; “Pa' tinoamo nu beleyum apaa na anu binaumo nu aha Israel, boune anu madi' tulu-tulutan aijo'? Ia nompala'imo Aku ka' nombaumo palabuatan masala' aita' mae itoto sa'angu' na puge'nyo anu matunjo ka' mule' ipatuu nu kau toto sangkau anu tambok na honnyo.

YEREMIA 32:34

Pakalaus laigan anu binau da bau tampat ponsomban mae Aku ihumimi'anmo nu aha aijo'mo aha nompo una'mo bapilogotan nu aha anu mompobubun ilu itampat aijo'.

YEREMIA 7:17

Pinosi toamo nu beleyum apaa na anu binaumo nu aha isinin na kota' nu Yehuda ka' mule' isinin na jalan i Yerusalem!

YEREMIA 7:30

Aha mian nu Yehuda nombaumo palabuatan anu ma'idek. Pilogot nu aha anu singkap Ku ka'ideki aijo' pinaha po una'mo nu aha i uno nu Laigan-Ku sahingga nohenyuimo.

YEHEZKIEL 10:18

Lantas jingka anu majingka hondo salaku tanda Tumpu tokamo, ka' mompala'imo sabatan pinsoopan i Laigan nu Tumpu ka' molalinmo mokiita' i malaekat haha aijo'.

YEHEZKIEL 10:19

Tinoangku na malaekat haha aijo' nombokamo polipiknyo ka' ilumahap nompala'imo tano' lantas nambamo, ka' bola nu loda haha aijo' suele ahi' batu-batuk. Lantas aha belentimo koko sabatan daka' i Laigan nu Tumpu anu isasu kabete'an, panyo jingka anu majingka hondo na tataap ahi' monjingkai aha.

YEHEZKIEL 11:22

Malaekat haha aijo' ilumahapmo ka' bola nu loda haha aijo' suele ahi' nombatukimo. Jingka anu majingka hondo salaku tanda Tumpu nu aha Israel tinokamo, aita' mae ibuan nu aha.

YEHEZKIEL 11:23

Lapas aijo' jingka anu majingka hondo aijo' nompala'imo Yerusalem ka' nolalinmo aita' ibungkutnyo isasu kabete'an nu kota' aijo'.

YEHEZKIEL 14:6

Poto'i mule' ahi' hi aha mian nu Israel taalu' Aku, Tumpu Anu Matangkas na Kuasanyo mompoto'i hi aha, ‘Balatobatmo bolimo daagi' mombau dosa' nu belemiu ka' mule' pala'imo na pilogot nu belemiu haha atina anu mompobubun mae.’

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 43:8

Naipuan mae tomundo' nu aha haha aijo' nombaumo buan nu aita' sabatan tiba ohi' nu sabatan nu laigan nu aha golo-golot ka' buan nu sabatan tiba ohi' nu sabatan nu Laigan-Ku, sahingga me sa'angu' na pimpi' na mongoloti. Aha nohumimi'imo sanggong-Ku anu susi' nu saduakon nu palabuatan nu aha anu okahegatimo. Kalana aijo' Ku silakaimo na aha nu tambuha'-Ku.

YEHEZKIEL 47:6

Lantas mian aijo' notataemo mae hi belengku, “O manusia anu madi' tumuu' batu, palahatikan ima-ima' na aiya iwi-iwi'.” Lapas aijo' po ule'mo aku binoanyo ninsusule' nontusakonmo kaunyo aijo',

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

YEHEZKIEL 8:13

Lantas Tumpu notataemo hi belengku, “Beleyum montoaje aha mombau han anu lebe mule' okahegati.”

YEHEZKIEL 8:14

Lantas binoa-Nyomo na aku isabatan daka' sasu utara Laigan nu Tumpu ka' pinotoa-Nyomo hi belengku na to bou-boune mohaangi Pilogot Tamus sinilakamo.

YEHEZKIEL 8:7

Lantas binoa-Nyomo na aku isabatan pinsoopan ipopasan anu isambiha'nyo ka' mule' pinotoa-Nyomo mae na sa'angu' na bolo' ipagan mesen.

YEHEZKIEL 8:9

Ia notataemo mae hi belengku, “Pinsoop ka' soba toa na palabuatan-palabuatan anu mahumimi' ka' okahegati anu binaumo nu aha ikiijo'.”

HOSEA 5:6

Aha nambamo nolio Tumpu ka' nomboamo domba tiba sapi' da bau koloban panyo iwi-iwi' aijo' madi'mo kinogunanyo. Kalana Tumpu nompala'imo aha ka' mule' aha madi'mo daagi nompahakabot tiba Ia.