YEHEZKIEL 8:17 - KITAB NU TUMPU ALLA LELE MA'IMAI'

¹⁷ Tumpu notatae hi belengku, “O, manusia anu madi' tumuu' batu, tinoamo nu beleyum na aijo'? Aha mian nu Yehuda haha aiya madi' puas de ola mombau hahan anu okahegati haha aijo' ka' palabuatan-palabuatan anu misa'mo palabuatan nu manusia isongko-songko na lipu'. Panyo aha mombau mule' ahi' palabuatan haha aijo' i uno nu Laigan-Ku aiya ka' nonsaduakonmo Aku da nompaka potambuha' mule'. Soba toa mosia na aha mongambangimo mae Aku nu palabuatan anu mahumimi' hondo aiya!

YEHEZKIEL 8:17 ပူးပေါင်းရင်းမြစ်များ

KAJADIAN 6:11

Panyo iwi-iwi' na mian sangga'at nutoa nu Tumpu Allah ma'idek na kinyonyoa nu aha, ka' ka uwesanan tinokamo iyaya mae.

KAJADIAN 6:13

Lantas Tumpu Allah notataemo hi Nuh, “Aku nontantukanmo da omingkotimo na kantumuu'an nu iwi-iwi' apaa na anu ko nyawanyo. Aku mohopu'imo aha tiba dunia, kalana dunia nobuke'mo nu ka uwesanan nu aha.

2 TOMU-TOMUNDO' 21:16

Misa' ola nonsaduakonmo mian nu Yehuda binaladosa'mo hi Tumpu kalana binapilogotmo, panyo suele i Manasye nompateimo manjoo' hondo na mian anu madi' ko sala'nyo sahingga baso' no'ilimo iyaya mae i Yerusalem.

2 TOMU-TOMUNDO' 24:4

Anu talalo hondo aijo'mo iwi-iwi' na anu binaunyomo nompatei to mia-mian anu madi' ko sala'nyo. Tumpu madi'mo daagi' mongampuni sinin na lalakuan i Manasye aijo'.

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 20:8

Setiap aku motataemo, tionyo ahi' ku loboo'akon hoso-hoson, “Balaa'! Anu taha-tahahumo tokame mae!” O Tumpu aku lewa' okokojoi ka' opopo ambang sansina-sinaa kalana saja' monsisikakon potuunon nu Belento.

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

YEREMIA 6:7

Susumo mata nu uee tataap monsabatakon mae uee anu molino, sumo aijo'mo na kota' aijo' tataap mompodaagi' palabuatan anu ma'idek. Ola lele kabuhingisan ka' palabuatan sola' montololangi na anu Ku hongo ikota' aiya; bela tiba panyakit na anu Ku toa iyaya mae.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

YEHEZKIEL 11:6

Talalomo hondo nanjoo' na mian anu pinateanmo nu belemiu sahingga jalan iwi-iwi' i uno nu kota' kahomo bangke' nu manusia.

YEHEZKIEL 16:26

Mesir anu mompaha ohani beleyum talalo hondo masawala' hi to bou-boune sinampoduhusmo nu beleyum. Tinotonggolakonmo nu beleyum na masala' da Aku motambuha'.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 23:25

Kalana Aku notambuha'mo hi beleyum, sahingga Ku pojohokmo na aha da pa' nu posiamo nu aha na beleyum. Sung tiba bihing nu beleyum nu sayu'akonmo nu aha ka' mule' to ana-anak nu beleyum nu alamo nu aha ka' opapuimo titu-tituu'.

YEHEZKIEL 28:16

Beleyum talalo tasiaga badagang ka' aijo'mo na nonsaduakon beleyum da binuhingison ka' binaladosa'mo. Sahingga Ku laa'mo na beleyum da bolimo jojoong atina' ibungkutnyo anu susi' anu Aku na tumpunyo ka' malaekat anu monjagai beleyum molaa'mo beleyum da madi'mo jojoong atina' itotonga' nu palamata anu lonyingkaban hondo atina'.

YEHEZKIEL 45:9

Tumpu Anu Matangkas na Kuasanyo notatae, “Sukupmo na dosa' nu beleyum haha atina', o to mia-mian anu balakuasa i Israel! Bolimo daagi' belemiu talalo mongkabisa'i mian da'isan haha aijo'. Soba bau apaa na anu ma'ima' ka' mule' anu adin. Bolimo daagi' hondo-hondo molaa' aha anu palesayamo hi belengku mompala'i tano' nu aha. Aku, Tumpu Anu Matangkas na Kuasanyo nompalentahkonmo aijo' hi beleyum.

YEHEZKIEL 7:11

Kasinggian mompalentah mongahenanmo lebe manjoo' mule' na palabuatan anu ma'idek. Iwi-iwi' na kakaya'an, kaholomatan tiba kakaya'an nu aha mingkotmo madi'mo daagi' ko apa-apaanyo.

YEHEZKIEL 7:23

Iwi-iwi' na lipu' kalangkabutmo; iyaya mae daagi'mo ko anu opatei ka' singkapmo singgi.

YEHEZKIEL 8:6

Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu jinadimo? Palahatikan na palabuatan-palabuatan anu okahegati bibinaumo nu aha Israel anu nompojo'onmo Aku i Laigan-Ku! Imbo'da Kupotoa hi beleyum hahan anu lebe mahumimi' mule'.”

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

AMOS 6:3

Belemiu panggaga au'aitu sinaanu kasusa'an daagi' pin, panyo iwi-iwi' na kalakuan nu belemiu ola mompolia' da toka mae na sinaa ka'idekan aijo'.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

ZEFANYA 1:9

Ku hukumo na mian iwi-iwi' anu monsombah susumo mian anu madi' monsumbu' Aku, ka' anu mombuling ka' anu lewa' mompatei da bau pongalapan bau pomposukup isi nu laigan nu tuan nu aha tiba to bala-balang anu ingagoan.”