YEHEZKIEL 8:11 - KITAB NU TUMPU ALLA LELE MA'IMAI'

¹¹ Aha pitumpulu' na to pola-polaya' nu bansang Israel daagi' ikiijo' tua-tuangmo suele ikiijo' na i Yaasaya anak i Safan. Toto samian montoongi sa'angu' na anu pinompapuanmo kamangian anu kinopuha-puhamo na tibuknyo.

YEHEZKIEL 8:11 ပူးပေါင်းရင်းမြစ်များ

2 TOMU-TOMUNDO' 22:12

Lantas pinalentahmo i tomundo' sumo uuka na koonyo hi Imam Hilkia, i Ahikam anak i Safan, i Akhbor anak i Mikha, i Safan gulu tulis nu negara ka' i Asaya anu saja' monsangalui i tomundo':

2 TOMU-TOMUNDO' 22:14

Sahingga nambamo na i Hilkia, i Ahikam, tiba i Akhbor, i Safan tiba i Asaya hi samian na boune sanggonyo i Hulda mompoita pikilan pa' mosia na koonyo. Ia nabi jojoong i kampung anu sala'je binau i kota' Yerusalem. Sanggo nu langkai'nyo i Salum anak i Tikwa, makumpu i Harhas; ia mian anu saja' mongkalesang baju' anu opusok de monsombahmo Tumpu, i Laigan nu Tumpu. Salatan i Hulda nohongomo apaa na anu sinisikmo nu aha,

2 TOMU-TOMUNDO' 22:3

I Tomundo' Yosia ko gulu tulisnyo samian sanggonyo i Safan anak i Azalya, makumpu i Mesulam. I taun ko sampulu'nyo ka' ualu' na taun na i Tomundo' Yosia nompalentah, i tomundo' nombee'imo palentah hi gulu tulisnyo sumo uuka. “Lako' hi Imam Hilkia Imam Daka' kiijo' i Laigan nu Tumpu, ka' poto'i hi ia da nu poto'i mae pa' sangkukamo na konjoo'nyo nu Doi anu lewa'mo i limu'an nu to ima-imam anu monjaga i sabatan pinso-pinsoopan i Laigan nu Tumpu.

2 TOMU-TOMUNDO' 22:8

Jadi palentah i tomundo' pinoto'imo i Safan hi Hilkia, lantas i Hilkia nonsisikmo hi Safan tukoonyo ia nohumpakmo kitab atulan nu Tumpu i Laigan nu Tumpu. I Hilkia nombee'mo kitab aijo' hi Safan ka' binasa'mo i Safan.

2 TOMU-TOMUNDO' 25:22

Lapas aijo' i Tomundo' Nebukadnezar nohangkatmo i Gedalya anak i Ahikam lee' mae i Safan, binau gubernur i Yehuda da mompalentah aha iwi-iwi' na mian anu daagi' jinojoong kiijo' mae.

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

2 TAWARIKH 26:19

Tempo'nyo aitu i Uzia tinjo-tinjo koko mezbah nu kamangian i Laigan nu Tumpu ka' sulu' anu bau pompapui kamangian totoongmo i limanyo. Ia notambuha'mo hi imam haha aijo', ka' monti-montiik kinonamo nu panyakit kilit anu ma'idek hondo i siakannyo.

2 TAWARIKH 34:20

Lantas pinalentahmo i tomundo na i Hilkia, i Ahikam anak i Safan, i Abdon anak i Mikha, i Safan julutulis nu negara tiba i Asaya anu saja' monsangalui i tomundo,

NOSABATMO 24:1

Lapas aijo' Tumpu notataemo hi Musa, “Pindakomo mae mangadap hi beleng-Ku, beleyum tiba i Harun, i Nadap ka' i Abihu, ka' aha pitumpulu' na to pola-polaya' nu bansa, ka' tolodadupumo mae nonsombah Aku, atina' mae jo'o-jo'on.

NOSABATMO 24:9

Lapas aijo' i Musa, i Harun, i Nadab, i Abihu, ka' aha pitumpulu' na to pola-polaya' haha aijo' nindakomo i bungkutnyo,

YESAYA 44:13

Tukang kau' mongukun kau'. Nu gambar na patong aijo' nu kapur, ka' nu bau nu pakakas ka' nu potimbalimo patong susumo mian anu ontinganan hondo lantas nu pokokomo i uno nu laigannyo.

YEREMIA 19:1

Tumpu nompalentahmo aku namba nongoli selekan tano', ka' nonsale'imo pa' aha sanggkuka na to pola-polaya' nu bansa tiba pa' aha sangkuka na to ima-imam anu langkai'mo,

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 26:22

Panyo pinalentahmo i Tomundo' Yoyakim na i Elnatan anak i Akhbor tiba mian sangga'at pa' aha sangkuka da mamba i Mesir ka' mompoboa mae i Uria.

YEREMIA 26:24

Panyo uuka aiya kalana balakat tinulunganmo mae i Ahikam anak i Safan, aku i Yeremia madi'mo binee' hi aha mian da'isan da pinatean.

YEREMIA 29:3

Aku nompakatumo sulat da binoakon i Elasa anak i Safan, tiba hi Gemarya anak i Hilkia anu sinai i Zedekia tomundo' nu Yehuda namba hi Nebukadnezar tomundo' nu Babel. Sulat aijo' onyi'nyo,

YEREMIA 36:10

Lantas binasa'akonmo i Barukh na kitab anu ilulun aijo' iwi-iwi' na anu kiijo' ikitab apaa na anu pinoto'ingkumo ka' iwi-iwi' na mian nohongomo. Nombasa' aijo' binau kiijo' i uno nu Laigan nu Tumpu ikantoon i Gemarya anak i Salum julutulis nu negara. Kantoon aijo' binau ipopasan sasu aita' mae, koko jalan pinsoopan i Sabatan Daka' Bu'ou kiijo' i Laigan nu Tumpu.

YEREMIA 44:21

“Te osangka nu belemiu na Tumpu madi' monsumbu' kabai nongkolilimimo sinin na koloban anu sinombahkonmo ikota-kota' Yehuda tiba ijalan-jalan kiijo' i Yerusalem nonsombahkonmo na mompolee' nu belemiu, ka' mule' to tomu-tomundo' tiba to mia-mian anu ko pangkatnyo atina' hi belemiu, ka' mule' mian da'isan ilipu' aiya ka' mule' belemiu suele?

YEREMIA 5:5

Sahanyo aku mamba hi aha to pama-pamalentah ka' mompoto'i hi aha. Tantu nu sumbu' nu aha apaa na nu kahanda'i tiba nu tuntut nu Tumpu Allah hi aha.” Panyo aha iwi-iwi' suele madi' ahi' mongka'oho' nu palentah nu Tumpu; aha madi' mongka'oho' montuluti Ia.

YEREMIA 52:27

idaerah Hamat. Ikiijoo' mae aha sinakisamo lantas pinateanmo. Sumo aijo' na to mia-mian nu Yehuda binoamo lengkat mae ilipu' nu aha ka' binoamo itampat pinompojoongan aha,

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

YEHEZKIEL 20:1

Kakona itangganmo sampulu' bitu'on ko olima'nyomo i taun anu ko popitu'nyomo tempo'nyo kami ihakop ka' binoamo, daagi' kinoto pia-piangkuka na aha polaya' nu Israel tinokamo mae hi belengku da momoita pokinde hi Tumpu. Salatan aha sinumuhangmo i ahopku,

YEHEZKIEL 8:10

Aku ninsoopmo ka' tinoangkumo. Songko-songko na pimpi'nyo anu aijo' i unonyo pinaha gambalanmo nu ngangahan nu ulo tiba to bina-binatang anu madi' toho' okaan, ka' mule' ngangahan nu gambalan nu pilogot anu nu sombah nu aha mian Israel.

YEHEZKIEL 9:6

Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

DANIEL 9:8

To tomu-tomundo' mami, to pola-polaya' tiba aha mompolee' mami nonombaumo hahan anu moko ambang ka' mule' binaladosa'mo hi Belento o, Tumpu.

NOMBILANGMO 11:16

Lantas Tumpu notataemo hi Musa, “Posihuk, mae na aha bansa Israel pitumpulu' na to tu'a-tu'anyo anu o akui salaku to pola-polaya' nu bansa. Boa mae na aha aiya hi beleng-Ku, i uno nu Kemah-Ku, ka' pokau na aha tuminjo atina' i sohipi' nu beleyum.

NOMBILANGMO 11:25

Lantas Tumpu nintatau'mo mae i kundom ka' notataemo hi Musa. Tumpu nongalamo sambagian na kakuasa'an anu binee'-Nyomo hi Musa lantas binee'-Nyomo hi aha pitumpulu' na polaya' aijo'. Salatan Roh nu Tumpu aijo' nintatau'mo hi aha, nontampu'unimo na aha lewa' notatae susumo nabi, panyo madi' pinin.

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

LUKAS 10:1

Lapas aijo' Tumpu nompile'i mule' pitumpulu' na anu saja' mombatuki, lantas nonsai aha toto ua'aha mamba i moona i toto sa'angu' na kota ka' tampat anu okahanda'i o lambani.