YEHEZKIEL 8:10 - KITAB NU TUMPU ALLA LELE MA'IMAI'

¹⁰ Aku ninsoopmo ka' tinoangkumo. Songko-songko na pimpi'nyo anu aijo' i unonyo pinaha gambalanmo nu ngangahan nu ulo tiba to bina-binatang anu madi' toho' okaan, ka' mule' ngangahan nu gambalan nu pilogot anu nu sombah nu aha mian Israel.

YEHEZKIEL 8:10 ပူးပေါင်းရင်းမြစ်များ

NOSABATMO 20:4

Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

YESAYA 44:13

Tukang kau' mongukun kau'. Nu gambar na patong aijo' nu kapur, ka' nu bau nu pakakas ka' nu potimbalimo patong susumo mian anu ontinganan hondo lantas nu pokokomo i uno nu laigannyo.

YEREMIA 16:18

Dosa' tiba palabuatan ma'idek nu aha Ku balosakonmo nu hukuman pinduan lipat, kalana aha nohenyuimo lipu'-Ku nu pilogot manjoo' hondo. Pilogot haha aijo' madi' konyawanyo sumomo ahi' bangke' nu mian anu sinilakamo.”

YEREMIA 3:9

ka' madi' hondo-hondo mongoa'i ambang. Ia nasala' kalana nonsombahmo batu tiba kau'sahingga lipu' aiya nahumimi'mo.

YEREMIA 44:21

“Te osangka nu belemiu na Tumpu madi' monsumbu' kabai nongkolilimimo sinin na koloban anu sinombahkonmo ikota-kota' Yehuda tiba ijalan-jalan kiijo' i Yerusalem nonsombahkonmo na mompolee' nu belemiu, ka' mule' to tomu-tomundo' tiba to mia-mian anu ko pangkatnyo atina' hi belemiu, ka' mule' mian da'isan ilipu' aiya ka' mule' belemiu suele?

YEREMIA 44:4

Aku saja'mo nompokau namba hi belemiu to posa-posaihon-Ku aijo'mo to nabi-nabi, anu nontewa' aha da bolimo mombau palabuatan anu ma'idek anu Ku ka'ideki aijo'.

YEHEZKIEL 11:12

Sahingga nu sumbu'je nu belemiu taalu' Akumo ahi' na Tumpu, ka'belemiu Ku hukumo kalana nolanggaimo iwi-iwi na atulan-Ku ka' madi'mo nontuluti iwi-iwi' na palentah-ngKu panyo nontulutimo iwi-iwi na atulan nu bansa-bansa anu mompaha ohani belemiu.”

YEHEZKIEL 23:14

Kinopipinnyo nompaka palagantamo mule' na Oholiba. Ia talalo hondo' mongka'ima'i gambalan anu gamba-gamban i pimpi' ka' anu obuhiti nu set anu momea' susumo baso'. Gambalan haha aijo' molambangakon suludadu nu Babel anu toto tangka-tangkas na pangkatnyo koko pombutu'nyo mae toto ima-ima' tiba singgannyo anu ko lawe-lawenyo.

YEHEZKIEL 8:11

Aha pitumpulu' na to pola-polaya' nu bansang Israel daagi' ikiijo' tua-tuangmo suele ikiijo' na i Yaasaya anak i Safan. Toto samian montoongi sa'angu' na anu pinompapuanmo kamangian anu kinopuha-puhamo na tibuknyo.

YEHEZKIEL 8:9

Ia notataemo mae hi belengku, “Pinsoop ka' soba toa na palabuatan-palabuatan anu mahumimi' ka' okahegati anu binaumo nu aha ikiijo'.”

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

PO'ULE' INGULIT 14:3

“Boli mongkaan binatang anu pinoto'imo nu Tumpu madi' toho' okaan.

PO'ULE' INGULIT 4:16

Jadi obala'ingati da belemiu boli baladosa' kalana belemiu nombaumo patong da osombah binau sumo mo'ane kabai boune,

PO'ULE' INGULIT 4:23

Tutugi ima-ima'! Boli okolilimi na anu jinanji'mo nu Tumpu Allah miu hi belemiu. Tuluti na palentah-Nyo; boli hondo-hondo mombau patong na belemiu maumo sumo apaa da osombah,

PO'ULE' INGULIT 4:25

Ka' mule' de belemiu saidi' mae pinmo na jojoong i lipu' aijo' ka' ko makumpumo, boli baladosa' kalana mombaumo patung maumo pa' sumo apaa. Palabuatan anu sumo aijo' sa'angu' na han anu ma'idek hi mata nu Tumpu Allah nu belemiu ka' monsaduakon Ia da motambuha'.