YEHEZKIEL 7:9 - KITAB NU TUMPU ALLA LELE MA'IMAI'

⁹ Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

YEHEZKIEL 7:9 ပူးပေါင်းရင်းမြစ်များ

YESAYA 9:13

Kalana aijo' i uno nu sansinaa Tumpu nohukumo to pola-polaya' nu aha Israel tiba aha mian da'isan. Kinolong-Nyomo ka' ingalin-Nyomo na ubaknyo tiba ikunyo.

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEREMIA 21:7

Beleyum tiba aha mian anu kopangkatnyo ka' mule' anu madi' silaka i uno nu pahampatean, kasusa'an i anu okaan, tiba panyakit anu molele, iwi-iwi' Ku pojohokmo da nu hakop i Tomundo' Nebukadnezar tibamo sinin na sampobali' nu belemiu anu kahanda'mo mompatei belemiu. Nu pateimo i Nebukadnezar na belemiu iwi-iwi' madi'mo daagi' ko ampunnyo ka' mule' madi'mo daagi' kokalibosan. Aku, Tumpu notataemo.”

YEREMIA 36:31

Beleyum tiba lee' nu beleyum tiba to mia-mian nu beleyum anu ko pangkatnyo Ku hukumo kalana dosa'-dosa' anu binaumo nu belemiu. Ku potokamo mae hi belemiu iwi-iwi' na balaa' anu toho'mo pinoto'ing-Ku hi belemiu, kalana mau beleyum kabai mian anu jojoong i Yerusalem tiba Yehuda madi'mo nompajuli apa-apaa na anu pinoto'ing-Ku.”

MOHAANGI 2:17

Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

YEHEZKIEL 22:22

Susumo salaka ohansunimo i uno nu ponsuangan, sumo aijo'mo na aha ohansunimo kiijo' i Yerusalem. Sahingga nu sumbu'je nu aha taalu' Akumo ahi' na Tumpu anu nompotudunmo tambuha'-Ku hi aha.”

YEHEZKIEL 23:49

O, Ohola tiba i Oholiba, Ku hukumo na belemiu, kalana belemiu nasala'mo ka' mule' nonsombahmo pilogot. Sahingga nu sumbu'je nu belemiu taalu' Akumo ahi' na Tumpu Anu Matangkas na Kuasanyo.”

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

YEHEZKIEL 7:10

Sinaa katokaan mae nu balaa' bansa Israel tinokamo. Kasinggian nu mompalentah jadimo iyaya mae. Kasombongan nu mian mompaka jadimo.

YEHEZKIEL 7:8

Madi'mo daagi' pin na belemiu mongoa'imo tambuha'-Ku anu taha-tahahumo. Ku putusimo na hukuman nu beleyum sitimbang tiba palabuatan nu beleyum. Ku balosakonmo hi beleyum iwi-iwi na palabuatan nu beleyum anu talalo mahumimi'.

MIKHA 6:9

Talalo hondo pande na pikilan de mabuhuk hi Tumpu. Ia notataemo daka-daka' hi mian anu jojoong i kota', “Potombihing mae o, belemiu anu sinihukmo i kota'!

GALATIA 6:7

Boli tagoda ihan anu madi' ma'ima'. Tumpu madi' timbali opahaikakon! Apaa na anu sinu'anmo, aijo'mo na anu o ala na bua'nyo.

ANU PINOTO'I HI YOHANES 20:13

Lantas ambai nombee'mo to mia-mian anu sinilakamo, anu kiijo' i unonyo. Kapatean ka' Dunia Kapatean suele nombee'mo to mia-mian anu sinilakamo anu daagi' kiijo' hi ia. Ka' mian haha aijo' anu sinilakamo iwi-iwi' pinokonanmo hukuman anu sinitimbangmo tiba anu binaumo nu aha.