YEHEZKIEL 7:7 - KITAB NU TUMPU ALLA LELE MA'IMAI'

⁷ Iwi-iwi' sinampemo na tempo'nyo hi beleyum, o, bansa anu jojoong itano' aiya. Uuka aiya madi'mo daagi' sola' mombau bau-bauon itampat-tampat mezbah anu aita' mae i bungkutnyo, anu daagi' memo ahi' pahampatean.

YEHEZKIEL 7:7 ပူးပေါင်းရင်းမြစ်များ

KAJADIAN 19:15

Subu-subu hondo ua'aha na malaekat aijo' sabole-bolehmo nonsai i Lot da sampamo mamba, “Palia-lia',” na koonyo nu aha. “Lako'mo tiba bengkele' nu beleyum ka' ua'ahana anak langkoyang nu beleyum pala'imo na tampat aiya, da komiu boli silaka de kota aiya ohansunimo.”

KAJADIAN 19:24

Monti-montiik Tumpu nontudunakonmo ujan alilang anu ko apunyo hi Sodom ka' Gomora.

YESAYA 13:22

Huu' nu dedeng nu alas tiba serigala ohongomo lengkat mae aijo' ilaigan lewa-lewa' ponsombahan pilogot ka' ilaigan nu tomundo' Babel. Kahansunannyo malia'mo toka na tempo'nyo ka' tempo' aijo' madi'mo daagi' otunda.”

YESAYA 16:10

Madi'mo daagi' ko samian pe'e na anu lame' i ale' anu toto lumba-lumba' haha aijo'. Madi'mo daagi' ko anu mompao' anggur da obau anggur inumon. Aku nontewa'mo aha sola' montaligalai.

YESAYA 17:14

De malomo o, oa'i tukan ahi' mabuhukmo hondo, panyo de ohanimo mopatas madi'mo ko anu otoa. Sumo aijo'mo na ukun nu mian anu lewa' mompahuhui kita.

YESAYA 22:5

Memang Tumpu Anu Daka' na Kuasanyo nontantukanmo sinaa aiya salaku sinaa anu kalangkabutmo, ka' kahengge'anmo nu mian, ka' bingungmo na mian i Bangka'nyo nu Pinontoan. Iwi-iwi' na pagan mesen nu kota' pinaha hobo'akonmo. Loboo' momoita tulung ihongomo i iwi-iwi na puge'nyo.

YEREMIA 20:7

O Tumpu, Belento pagalamo nonsale'i aku ka' tinulutankumo. Belento na mohungku'i kahosonanku ka' nohungku'imo aku. Aku sola'mo kinokojoan nu to mia-mian pinopo ambangmo lengkat pe'e daagi' subu sangkutnyo sampe mamalom.

YEREMIA 50:27

Pateimo iwi-iwi' na suludadu nu aha! Hopu'imo na aha! Silakamo na bansa Babel! Tinokamo na tempo'nyo aha ohukumo!” (

YEHEZKIEL 12:28

Mokonyo aijo' poto'i hi aha taalu' Aku Tumpu Anu Matangkas na Kuasanyo nontaloakonmo: Iwi-iwi' na anu tinaloakon-Kumo tionyo ahi jadimo madi'mo daagi' mongabali'. Aku, Tumpu Anu Matangkas na Kuasanyo notataemo!”

YEHEZKIEL 7:12

Tempo'nyo malia'mo toka, sinaanyo ingohanimo! Mian anu mongoli tiba mian anu mompobaluk madi'mo daagi' ko anu opihumpa-humpak na ka untungannyo, kalana hukuman nu Tumpu mongkonamo iwi-iwi' na mian.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

AMOS 4:13

Bungkutnyo ka' mombun, Tumpu na nompotimbali; tanga'an-Nyo pinotoa-Nyomo hi manusia. Binau-Nyomo na sinaa tiba pihi; i buannyo nu dunia, na Ia i lumajangmo. Tumpu Anu Daka' Na Kuasanyo aijo'mo na sanggo-Nyo.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?