YEHEZKIEL 7:4 - KITAB NU TUMPU ALLA LELE MA'IMAI'

⁴ Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

YEHEZKIEL 7:4 ပူးပေါင်းရင်းမြစ်များ

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEREMIA 16:18

Dosa' tiba palabuatan ma'idek nu aha Ku balosakonmo nu hukuman pinduan lipat, kalana aha nohenyuimo lipu'-Ku nu pilogot manjoo' hondo. Pilogot haha aijo' madi' konyawanyo sumomo ahi' bangke' nu mian anu sinilakamo.”

YEREMIA 25:14

Iwi-iwi' na palabuatan nu aha mian nu Babel Ku balosimo; aha nu botuanimo nu to tomu-tomundo' toto daka-daka' na kakuasa'annyo ka' mule' manjoo' na to bansa-bansa anu mombotuani'.’ ”

YEHEZKIEL 11:21

Panyo aha to mia-mian anu saja' mongka'ima'i monsombah pilogot anu mahumimi' ka' okahegati Ku hukumo kalana kalakuan nu aha anu ma'idek aijo'.” Sumo uuka na potatae nu Tumpu Anu Matangkas na Kuasanyo.

YEHEZKIEL 12:20

Kota-kota' anu tempo uuka aiya kaho ko miannyo anu monjojoongi saidi' mae ohansunimo ka' mule' ale' nu aha iwi-iwi' mategesmo. Sahingga nu sumbu'je nu aha taalu' Akumo ahi' na Tumpu.”

YEHEZKIEL 16:43

Aku mohukumo beleyum kalana beleyum madi'mo daagi' nonginau'mae mosia na Aku nompalakaimo beleyum tempo'nyo nai puan mae daagi' ise'. Palabuatan nu beleyum ma'i-ma'idek atina' na nonsabapi Aku nontambuha'i beleyum. Kadaka' palabuatan nu beleyum anu oka-okahegati atina' iwi-iwi' daagi' mule' nu paka tuangi nu palabuatan masala'? Aku Tumpu Anu Matangkas na Kuasanyo notataemo.”

YEHEZKIEL 22:31

Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

YEHEZKIEL 23:31

Beleyum nontihomo kalakuan nu utus tu'a nu beleyum, kalana aijo' beleyum Ku hukumo nu hukuman anu pokakana.”

YEHEZKIEL 23:49

O, Ohola tiba i Oholiba, Ku hukumo na belemiu, kalana belemiu nasala'mo ka' mule' nonsombahmo pilogot. Sahingga nu sumbu'je nu belemiu taalu' Akumo ahi' na Tumpu Anu Matangkas na Kuasanyo.”

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 33:29

De Ku hukumo na bansa aijo' kalana iwi-iwi na dosa' nu aha ka' mompojadimo lipu' aijo' liingmo hondo, nu sumbu'je nu aha taalu' Akumo ahi' na Tumpu.”

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

YEHEZKIEL 6:14

Memang Ku tangkakonmo na limang-Ku ka' mohansunimo lipu' nu aha, sahingga timbalimo liing hondo lengkat pe'e mae itampat anu Mateges sasu Salatan toka-toka ikota' Ribla anu isasu utara. Itampat-tampat anu nu jojoongi nu aha mian Israel madi' ko samian na anu oposalamat. Sahingga nu sumbu'je nu aha mian iwi-iwi' taalu' Akumo ahi' na Tumpu.”

YEHEZKIEL 6:7

Iyaya mae daagi' ko anu opatei, ka' aha anu daagi' tumuu' monsumbu'je taalu' Akumo ahi' na Tumpu.

YEHEZKIEL 7:27

Itomundo' tumando'mo na lewa' humang, anak mo'ane nu tomundo' madi'mo ko anu otaha'imani ka' mule aha mian da'isan lengkatanmo bau nu buhuk. Aku mohukumo beleyum sitimbang tiba palabuatan iwi-iwi' nu beleyum ka' momputusimo hukuman nu beleyum susumo belemiu mombee'i hukuman hi mian sangga'at. Sahingga nu sumbu'je nu beleyum taalu' Akumo ahi' na Tumpu.”

YEHEZKIEL 7:3

Tumpu notatae, “O, Israel, uuka aiya tinokamo na ka ahenannyo nu beleyum. Beleyum mongoa'imo tambuha'-Ku. Kuputusimo na hukuman nu beleyum sitimbang tiba palabuatan nu beleyum mahu-mahumimi' atina'.

YEHEZKIEL 7:9

Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

HOSEA 12:2

Iwi-iwi' apaa na anu binaumo nu bansa Israel lengkat pe'e daagi' subu sampe malom madi' ko gunanyo ka' saja' ko kinyonyoa mompatei susumo mombun nu kabete'an. Katageo'an tiba kabuhingisan ko sida-sidanyomo aijo' hi aha. Aha sola'mo mombau palajanjian tiba Asyur ka' momboa lanya' i Mesir salaku tanda mompahabela'mo.”

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

AMOS 7:8

Ia nompokilawamo hi belengku, “Beleyum nontoa apaa Amos?” Tinamaan-Ku, “Kahohon na pinotinjo hodi-hodi Tumpu.” Lantas Tumpu notatae, “Aku nompake kahohon bau pongukun aiya da bau ponsumbu'an saba' mian-Ku anu palesayamo sumomo pagan mesen anu madi' hodi'. Aku madi'mo daagi' mombabali'i tanga'an Ku, Aku memang mohukumo aha.

ZAKHARIA 11:6

Aku madi'mo daagi' kokalibosan maumo pa'hihe na mian ilipu' aiya. Ku bee'mo iwi-iwi' na miannyo hi aha anu balakuasa. Aha aijo' mohansunimo lipu' aiya, ka' Aku madi'mo mompo ago aijo' ikakuasa'an nu aha.”

IBRANI 10:30

Osumbu'to ihe na Ia anu notataemo, “Ku balosije! Ku hukumje!” ka' anu notataemo, “Tumpu momputusije mian anu palesayamo hi ia.”