YEHEZKIEL 7:23 - KITAB NU TUMPU ALLA LELE MA'IMAI'

²³ Iwi-iwi' na lipu' kalangkabutmo; iyaya mae daagi'mo ko anu opatei ka' singkapmo singgi.

YEHEZKIEL 7:23 ပူးပေါင်းရင်းမြစ်များ

2 TOMU-TOMUNDO' 21:16

Misa' ola nonsaduakonmo mian nu Yehuda binaladosa'mo hi Tumpu kalana binapilogotmo, panyo suele i Manasye nompateimo manjoo' hondo na mian anu madi' ko sala'nyo sahingga baso' no'ilimo iyaya mae i Yerusalem.

2 TOMU-TOMUNDO' 24:4

Anu talalo hondo aijo'mo iwi-iwi' na anu binaunyomo nompatei to mia-mian anu madi' ko sala'nyo. Tumpu madi'mo daagi' mongampuni sinin na lalakuan i Manasye aijo'.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YESAYA 59:3

Belemiu sinala'mo kalana binaleko'mo ka' mule' nombaumo anu madi' totu'u kalana talalomo ahi' sininggi ka' sola'mo nompatei mian.

YESAYA 59:7

Belemiu saja' balatanga' mombau anu ma'idek ka' gagalan sampa obau. Madi' bata-bata na belemiu mompatei mian anu madi' ko sala'nyo. Mau moya na belemiu mamba, belemiu mompala'i anu singkapmo ma'idek tiba kasilaka'an.

YEREMIA 2:34

Baju' nu belemiu binanodamo nu baso' nu mian kasiasi tiba mian anu madi' kosala'nyo, misa' baso' nu mian anu saja' montomang na ihakop. Panyo maumo ahi' sumo aijo',

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

YEREMIA 27:2

da mombau kahohon te kilit na obau tiba tokon te kau na obau, ka' opokona itundunku.

YEREMIA 40:1

Tumpu notataemo mae hi belengku salatan i Nebuzaradan, kamundan nu suludadu aijo' nompobebasmo mae aku kiijo' i Rama. Aku binoamo kiijo' mae hau-haunyo pinungumo nu lante' besak tiba iwi-iwi' na mian sangga'at anu lengkat mae i Yerusalem ka' Yehuda anu hau-haunyomo binoa salaku mian anu ihakop binoa i Babel.

YEREMIA 6:7

Susumo mata nu uee tataap monsabatakon mae uee anu molino, sumo aijo'mo na kota' aijo' tataap mompodaagi' palabuatan anu ma'idek. Ola lele kabuhingisan ka' palabuatan sola' montololangi na anu Ku hongo ikota' aiya; bela tiba panyakit na anu Ku toa iyaya mae.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

MOHAANGI 3:7

Tiba pompungu anu madodo pinungu-Nyomo na aku, sahingga madi'mo ko jalan sangga'at na aku.

YEHEZKIEL 11:6

Talalomo hondo nanjoo' na mian anu pinateanmo nu belemiu sahingga jalan iwi-iwi' i uno nu kota' kahomo bangke' nu manusia.

YEHEZKIEL 12:19

Poto'iakonmo hi iwi-iwi' na bansang apaa na anu pinoto'ing-Kumo, Aku Tumpu Anu Matangkas na Kuasanyo, taloakon hi mian anu jojoong i Yerusalem anu daagi' jinojoong itano' nu aha. Aha saidi' mae langkakatanmo de hau-haunyomo mongkaan ka' mule' langkakatanmo de hau-haunyomo monginum. Tano' nu aha saidi' mae kunmo, kalana iwi-iwi' na mian anu jojoong ikiijo' me saja' molanggai atulan.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 22:13

Panyo uuka aiya Ku pateimo na to tolo-tololang tiba anu saja' mompatei.

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

YEHEZKIEL 22:9

Daagi' ko anu atina' jojoong hi beleyum na sola' mombebee'i sisik anu ma'idek ka' saja' monsisik anu madi' totu'u mian sangga'at da obee'i hukuman mate. Daagi' mule' ko mian anu mongka'ima'i mongkan ponoha' anu kinolobanakonmo hi pilogot. Daagi' mule' ko mian anu mongka'ima'masala'.

YEHEZKIEL 45:9

Tumpu Anu Matangkas na Kuasanyo notatae, “Sukupmo na dosa' nu beleyum haha atina', o to mia-mian anu balakuasa i Israel! Bolimo daagi' belemiu talalo mongkabisa'i mian da'isan haha aijo'. Soba bau apaa na anu ma'ima' ka' mule' anu adin. Bolimo daagi' hondo-hondo molaa' aha anu palesayamo hi belengku mompala'i tano' nu aha. Aku, Tumpu Anu Matangkas na Kuasanyo nompalentahkonmo aijo' hi beleyum.

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.

YEHEZKIEL 8:17

Tumpu notatae hi belengku, “O, manusia anu madi' tumuu' batu, tinoamo nu beleyum na aijo'? Aha mian nu Yehuda haha aiya madi' puas de ola mombau hahan anu okahegati haha aijo' ka' palabuatan-palabuatan anu misa'mo palabuatan nu manusia isongko-songko na lipu'. Panyo aha mombau mule' ahi' palabuatan haha aijo' i uno nu Laigan-Ku aiya ka' nonsaduakonmo Aku da nompaka potambuha' mule'. Soba toa mosia na aha mongambangimo mae Aku nu palabuatan anu mahumimi' hondo aiya!

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.

HOSEA 4:2

Aha binasumpa'mo, panyo aha madi' mongganapi; aha baleko', mompatei, montomang ka' masala'. Palabuatan ma'idek mompaka pintuangmo ka' mompatei saja'mo obau.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

NAHUM 3:10

Maumo sumo aijo' mian anu jojoong i Tebe i hakopmo ka' binoamo i pinompojoongan aha. I iwi-iwi na sangan nu jalan to ana-anaknyo lewa'mo binanda ka' sinilakamo. To pola-polaya' nu aha pinungumo nu lante ka' binagi-bagimo nu aha anu nohakop mae.