YEHEZKIEL 7:2 - KITAB NU TUMPU ALLA LELE MA'IMAI'

² “O, manusia anu madi' tumuu' batu, Aku Tumpu Anu Matangkas na Kuasanyo montaloakonmo sumo uuka hi aha tano' nu Israel; Uukamo na kamingkotan nu sisiknyo nu lipu' aiya!”

YEHEZKIEL 7:2 ပူးပေါင်းရင်းမြစ်များ

KAJADIAN 6:13

Lantas Tumpu Allah notataemo hi Nuh, “Aku nontantukanmo da omingkotimo na kantumuu'an nu iwi-iwi' apaa na anu ko nyawanyo. Aku mohopu'imo aha tiba dunia, kalana dunia nobuke'mo nu ka uwesanan nu aha.

2 TAWARIKH 34:7

Iwi-iwi na mezbah ka' to pato-patong Asyera anu i songko-songko na Kalaja'an sasu Utara i hobo'akonmo i Yosia, lantas to pato-patongnyo ka' iwi-iwi' na mezbahnyo anu pompapuan kamangian pinahan ideannyomo. Lapas aijo' i Yosia ninsusule'mo namba i Yerusalem.

YESAYA 47:7

Nu sangka nu beleyum, beleyum timbalimo tomundo' boune sampe toka sidu-sidutu', ka' madi' mompangalati'i kabai mompopikilakon ka ahenannyo mae.

YEREMIA 12:4

Daagi' toka hipian na kopinnyo lipu' aiya manggasmo ka' hemputnyo magayoumo i iwi-iwi na ale'? Tomonsi' tiba binatang sangga'at natemo kalana palabuatan ma'idek nu bansa mami. Aha notatae, tukoonyo nu aha aku madi'mo montoa pa' mosia na ka ahenannyo saidi' mae na aha.”

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEREMIA 51:13

Lipu' aijo' kaya hondo ka' mule' manjoo' na kaunyo, panyo kasampatan nu ia tumuu' ningkotmo; kamingkotan nu kantumuu'annyo tinokamo.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

MOHAANGI 4:18

Kami madi' moko posabat mokiijo' i jalan, kalana saja' nupalahatikan nu sampobali'. Kahimpusan nu kantumuu'an mami ohanimo, kalana sina nu kantumuu'an mami ginanapmo.

YEHEZKIEL 11:13

Hau-haunyo aku montaloakon potatae aijo', monti-montiik ahi' i Pelaca notua'mo ka' sinilakamo. Sahingga aku mule' tinolodadupumo nonsombah ka' notatae daka-daka', “Ibeh Tumpu Anu Matangkas na Kuasanyo! Pa' iwi-iwi' na Israel anu tinon tuha' aiya nu pateimo nu Belento?”

YEHEZKIEL 12:22

“O, manusia anu madi' tumuu' batu, kadaka' aha mian nu Israel mongka'ima'i sola' monsanggo potatae sumo uuka: ‘Tempo' na mobolo-bolos, panyo anu nu poto'i mae nu Tumpu madi' ko anu jadi'’?

YEHEZKIEL 21:2

“O, manusia anu madi' tumuu' batu, kutukimo na Yerusalem. Kutukimo na tampat-tampat ponsomban nu aha kiijo' mae. Pokinde'imo na tano' nu Israel,

YEHEZKIEL 21:25

Ka' hi tomundo' nu Israel Ku poto'i, ‘O, tomundo' anu ma'idek na kinyonyoanyo ka' palaganta! Sinaa anu pupusnyomo na beleyum ohukum malia'mo mae toka.

YEHEZKIEL 21:4

Bajak-Kumo aiya na bau pongewang-Ku iwi-iwi' na mian anu lengkat mae isasu utara toka-toka isasu salatan.

YEHEZKIEL 21:7

De aha mompokilawa kadaka' beleyum nososonmo saba' poto'i taalu' beleyum sinusa'mo na kinyonyoa kalana lele nu balaa' anu saidi' mae toka. Lele aijo' mompolangkakatanmo kinyonyoa nu aha, lima nu aha lundengmo, ka' ike-ike' nu aha suele langkakatanmo ahi', aha madi'mo daagi' bilak. Memang sinaanyo aijo' tokamo mae, ka' iwi-iwi' aijo' tionyo ahi' jadimo. Aku, Tumpu Anu Matangkas na Kuasanyo notataemo.”

YEHEZKIEL 35:5

Salatanmo pe'e naipuan mae na belemiu monsampobali' Israel ka' mompojohok aha opatei tempo'nyo aha nu tokaimo nu balaa' salaku hukuman mo nu aha kalana dosa' nu aha.

YEHEZKIEL 40:2

Nontoamo anu pinotoa, Tumpu Allah nomboamo aku i tano' nu aha Israel ka' pinojoong-Nyomo na aku i bungkutnyo anu matangkas. I ahopku tinoangkumo na sanggombu na laigan anu pokakana susumo kota'.

YEHEZKIEL 7:1

Tumpu notataemo mae hi belengku,

YEHEZKIEL 7:3

Tumpu notatae, “O, Israel, uuka aiya tinokamo na ka ahenannyo nu beleyum. Beleyum mongoa'imo tambuha'-Ku. Kuputusimo na hukuman nu beleyum sitimbang tiba palabuatan nu beleyum mahu-mahumimi' atina'.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

AMOS 8:10

Iwi-iwi' na lamean nu belemiu Ku bali'i timbali mohangi anu silaka, ka' nyanyian nu belemiu timbalimo montando'i. Ku bauje na belemiu mongkiis bulu nu ubakum ka' mompake hude kalung pontandai molibosmo. Belemiu timbalimo susumo tina tuuma anu mohangi anaknyo anu sa'a-sa'angu'nyo sinilakamo. Sinaa aijo' kapupusannyo talalo hondo mompopolibos.”

AMOS 8:2

Pinokilawa nu Tumpu, “Beleyum nontoa apaa, Amos?” Tinamaan-Ku, “Sa'angu' na kalanjang isinyo bua' nu kau' anu nahamo.” Tumpu notatae, “Tempo'nyo i nahamo na aha mian-Ku Israel anu palesayamo. Aku madi'mo daagi' mombabali'i tanga-an-Ku, ka' memang ku hukumo na aha.

MATIUS 24:6

Komiu mohongoje lintup nu pahampatean ka' lele nu pahampatean, panyo boli mabuhuk. Kalana hahan aijo' tionyo timbali, panyo aijo' misa' alati'nyo tempo'mo nu kakiamatan.

PO'ULE' INGULIT 32:20

Ia notatae, ‘Aku madi'mo montulungi aha; pojohok Ku toaje pa' mosia na ka ahenannyo mae na aha. Kalana bansa aijo' talalo hondo panggaga ka' madi' hondo mohongo-hongo.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

ANU PINOTO'I HI YOHANES 20:8

ka' ia mambamo mongakali to bansa-bansa anu nololomo i songko-songko na dunia, atina'mo i Gog ka' i Magog. Ibilis momposihukmo aha da mahampatemo, manjoo' hondo, sumo konjoo'nyo nu bone' i ambai.

ANU PINOTO'I HI YOHANES 7:1

Lapas aitu, aku nontoamo opat na malaikat tinuminjo i opa-opat na pasu'nyo nu dunia. Aha nontahanmo opa-opat na pasu'nyo nu mombun i dunia da bolimo ko mombunnyo anu tobung i katano'an, kabai i ambai, kabai mule' i to kau-kau'.