YEHEZKIEL 7:16 - KITAB NU TUMPU ALLA LELE MA'IMAI'

¹⁶ Sambagian na tumuu' ahi' ka' mopalaimo mamba ibungkutnyo. Ikiita' mae aha sumomo to tomo-tomonsi' dara anu ilaa'mo lengkat mae isongko-songko na bangka'nyo; iwi-iwi' mohehengakonmo dosa-dosa' nu aha.

YEHEZKIEL 7:16 ပူးပေါင်းရင်းမြစ်များ

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

MAZMUR 55:2

O Tumpu, potombihingakon mae na do'angku, boli ola mosiloi de mohongomo anu ku kakase.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YESAYA 37:31

Aha mian nu Yehuda anu daagi' tutuu' sanangmo na kantumuu'an nu aha susumo sosu'anon anu maleeng hondo na bakatnyo ka' saidi' mae mimbua'mo.

YESAYA 38:14

Potataengku ko ise-ise'nyomo ka' madi'mo mahoson, susumo tomonsi' dara aku saja'mo mompele-pele'. Matangku napoe'mo na saja' monsinda langit, Tumpu pobebasakonmo mae na aku da madi'mo susa' susumo aiya.

YESAYA 59:11

Kami nabuhukmo ka' sinusa'mo; kami molio ka'adilan, panyo imadi'an; kami montaha'imani kasalamatan, panyo ola ahi' pinalasuma.

YESAYA 59:12

Manjoo' hondo na palabuatan ma'idek mami hi Belento; dosa' mami haha aiya nomposala'mo kami. Kami totu-totu'unyo mongakuimo palabuatan mami anu ma'idek, ka' nonsumbu'mo dosa-dosa' mami.

YEREMIA 3:21

Aita' mae ibawo nu to bungku-bungkutnyo ihongomo na potatae anu ihengge'mo; aijo' potatae nu aha mian Israel anu ihumangmo ka' lewa' mongkakase, kalana aha binaladosa'mo ka' nongkolilimimo Tumpu Allah nu aha.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YEREMIA 44:14

Aha mian nu Yehuda anu daagi' tinontuha' anu nambamo i Mesir, ka' jojoongmo kiijo' mae madi'mo daagi' ko samian na daagi' tumuu' kabai madi' silaka. Madi'mo daagi' ko samian na daagi' minsusule' mae i Yehuda maumo ahi' han aijo' talalo hondo nu ka'ima'i nu aha. Totu-totu'u madi'mo daagi' ko anu minsusule' mae, boli mompiakon pa' to pia-piangkuka na mian anu moko ala mopalai.”

YEREMIA 44:28

Me pa' to pia-piangkuka na mian na daagi' tumuu' ka' daagi' minsusule' i Yehuda lengkat mae i Mesir. Sahingga iwi-iwi' na mian nu Yehuda anu kiijo' i Mesir montoaje pa' potatae nu aha kabai pa' potataeng-Ku na anu ko bukutinyo.

YEREMIA 9:19

Kiita' mae i Sion ihongomo na lewo' nu mian humang, “Kita silakamo ka' talalomo ingambangan. Lipu'to tionyo ahi' opala'intomo, laiganto iwi-iwi' hansunmo ka' motanatamo.”

YEHEZKIEL 14:22

De bisuanyo ko anu moko ala mopalai ka' moko ala momposalamat to ana-anaknyo palahatikan na aha de maluanyo aha tokamo mae hi belemiu. Toa na ko ideknyo na palabuatan nu aha sahingga belemiu mangalti'je taalu' memang madi' ahi' sala' na Aku nohukumo Yerusalem.

YEHEZKIEL 34:6

Sahingga dombang-Ku haha aijo' lewa'mo namba ito puge-puge'nyo anu matangkas ka' mule' ito bungku-bungkutnyo. Aha noga'a-ga'atmo namba isongko-songko na dunia, madi' kinosamian na anu mompalahatikan aha kabai molio aha.

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

NAHUM 2:7

Tomundo' boune pinoko alamo ihakop, to posa-posaihon boune anu monjagai tomundo' boune aijo' nolokihismo, ka' nontando'imo, aha notusa'mo susumo tomonsi' dara, ka' nontalundangimo saha'an kalana sinusa'mo ko anumo sinilaka.

ZEFANYA 1:14

Sinaa pomputusianmo nu Tumpu malia'mo mae toka ya malia'mo mae, ka' memang malia'mo mae toka. Sinaa aijo' manjoo' hondo na kasansala'an sahingga to sulu-suludadu anu talalo hondo baani maha loboo'anmo kalana madi'mo ko anu otaha'imani!