YEHEZKIEL 7:15 - KITAB NU TUMPU ALLA LELE MA'IMAI'

¹⁵ I songko-songko na jalan daagi' ko pahampaten, isongko-songko na laigan daagi'mo ko panyakit anu molele ka' madi'mo ko anu okaan. Maumo pa' ihe na anu isambiha' nu kota' saidi' mae silakamo i uno nu pahampatean ka' anu jojoong i kota' silakamo nu panyakit ka' silakamo nu ohop.

YEHEZKIEL 7:15 ပူးပေါင်းရင်းမြစ်များ

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

MOHAANGI 1:20

O, Tumpu! Palahatikan mae na aku, kinyonyoangku madi' sanang ka' pinusingmo i hansunmo kalana palabuatan mai-ma'idek u'utu mae. I songko-songko na jalan daagi' ko anu monsilakai, i uno nu laigan daagi' ko anu sinilakamo.

MOHAANGI 4:9

Aha sinansala'mo ka' sinilaka kinomayu-mayu'annyoje kalana madi' hondo-hondo ko anu okaan; anu sinilaka i pahampatean, lebe ko untungnyo tiba anu sinilaka nu ohop.

YEHEZKIEL 12:16

Ola sangkiding na bagian na aha aijo' na Ku posalamat da madi' silaka i uno nu pahampatean, kabai silaka nu ohop, ka' panyakit anu molele, da kiijo' mae hi aha bansa-bansa nu mian anu isalipu'an aijo' aha sinsumbu'je taalu' aha nombaumo anu mahumimi' hondo. Sahingga aha mongakuije taalu' Akumo ahi' na Tumpu.”

YEHEZKIEL 5:12

Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

YEHEZKIEL 6:11

Tumpu Anu Matangkas na Kuasanyo notataemo, “Lasaimo na kasusa'an! Polotando'mo, Haangmo moli-molibos kalana iwi-iwi' na palabuatan ma'idek ka' anu moko pahumimi' bibinaumo nu bansa Israel. Aha silakamo kalana lewa' mahampate, kalana madi'mo ko anu okaan tiba panyakit anu molele.

YEHEZKIEL 6:12

Aha iwi-iwi' mongoa'imo tambuha'-Ku anu taha-tahahumo. Aha tomia-mian anu majo'on kiijo' mae i pinomboan ka' pinompojoongan masakitmo lantas silakamo; anu aiya ohani silakamo kalana mahampate, ka' tuha'nyo silakamo kalana madi'mo ko anu okaan.