YEHEZKIEL 7:14 - KITAB NU TUMPU ALLA LELE MA'IMAI'

¹⁴ Tolompet ingumonyi'mo ka' iwi-iwi' na mian nosadiamo. Panyo mau pe'e samian madi' ahi' ko anu namba nahampate itampat pahampatean, kalana tambuha' nu Tumpu nongkonamo iwi-iwi' na mian.

YEHEZKIEL 7:14 ပူးပေါင်းရင်းမြစ်များ

YEREMIA 12:12

Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 4:5

Puuhimo na tolompet isongko-songko na lipu'! Poloboo'mo nasa-nasa. Palentah na mian anu jojoong i Yehuda tiba Yerusalem popalaimo lako' mamba ikota-kota' anu ko bentengnyo.

YEREMIA 51:27

“O, tomundo' anu lengkat mae isasu utara! Bee'imo mae tanda da otumbuhimo! Po onyi'mo na tolompet da nu hongomo nu to bansa-bansa! Tipaha'imo na to bansa-bansa da mahampatemo mongewa Babel! Palentahmo na kalaja'an Ararat, Mini tiba Askenas da montumbuhimo. Pohangkatmo samian na bau talenga' da mompimpin belemiu montumbuhi aijo'. Tipaha'imo na ajahan anu konjoo'nyo sumo gombuan nu kihi-kihi'.

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

MOHAANGI 2:3

I uno nu kapusan-Nyo anu tala-talalomo kino suhu-suhut kahosaonan nu Israel binau-Nyomo da pinatundu'mo Salatan kita tinumbuhanmo nu sampobali' Ia madi'mo nontulungi. Susumo apu binanyela-nyelakmo anu nontoyo'imo apa-apaa sumo aitumo na tumpu nontambuha'i kita iwi-iwi'.

MOHAANGI 2:4

Susumo sampobali' Ia nompotajumo pompeletnyo ka' nompopatumo mae hihisnyo hi kita Iwi-iwi' na mian anu nomposanangmo kinyonyoanto ningkotmo na pinatean-Nyo Sinumbuhakon-Nyomo na kapusan-Nyo susumo apu nokiijo' i uno nu kota' Yerusalem aiya.

NOMBILANGMO 10:9

Ka' de belemiu mahampate i lipu' nu belemiu montinjohakon kabaanian mongahopi sampobali' anu montumbuhi mae, puuhimo ka' po'onyi' na tolompet haha aijo'. Sahingga Aku, Tumpu Allah nu belemiu na montulungi ka' momposalamat belemiu da sampobali' nu belemiu boli mae monsilakai.