YEHEZKIEL 7:12 - KITAB NU TUMPU ALLA LELE MA'IMAI'

¹² Tempo'nyo malia'mo toka, sinaanyo ingohanimo! Mian anu mongoli tiba mian anu mompobaluk madi'mo daagi' ko anu opihumpa-humpak na ka untungannyo, kalana hukuman nu Tumpu mongkonamo iwi-iwi' na mian.

YEHEZKIEL 7:12 ပူးပေါင်းရင်းမြစ်များ

AMSAL 20:14

Anu mongoli saja' motusa' kalana halaga'nyo mahan. Panyo salatan ingolinyomo sanangmo na ia ihalaganyo nu balang anu ihumpaknyomo aijo'.

YESAYA 21:12

Tinaamanku, “Daagi' subu tokamo mae, panyo po ule' ahi' malom. De daagi' mompokilawa, yo po ule'je toka mae mompokilawa.”

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

YEHEZKIEL 12:23

Jadi poto'imo hi aha mian nu Israel, taalu' Aku, Tumpu Anu Matangkas na Kuasanyo mombee'imo bau pontaami sumo uuka; Potatae aijo' Ku hapusimo sahingga madi'mo daagi' po ule' otaloakon nu aha Israel. Salaku bau pombolosi poto'i hi aha taalu' tempo'nyo tinokamo ka' apaa na anu pinoto'imo mae nu Tumpu tionyo ahi' jadimo.

YEHEZKIEL 7:10

Sinaa katokaan mae nu balaa' bansa Israel tinokamo. Kasinggian nu mompalentah jadimo iyaya mae. Kasombongan nu mian mompaka jadimo.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

ZEFANYA 1:14

Sinaa pomputusianmo nu Tumpu malia'mo mae toka ya malia'mo mae, ka' memang malia'mo mae toka. Sinaa aijo' manjoo' hondo na kasansala'an sahingga to sulu-suludadu anu talalo hondo baani maha loboo'anmo kalana madi'mo ko anu otaha'imani!