YEHEZKIEL 7:10 - KITAB NU TUMPU ALLA LELE MA'IMAI'

¹⁰ Sinaa katokaan mae nu balaa' bansa Israel tinokamo. Kasinggian nu mompalentah jadimo iyaya mae. Kasombongan nu mian mompaka jadimo.

YEHEZKIEL 7:10 ပူးပေါင်းရင်းမြစ်များ

MAZMUR 89:32

de aha madi' mompajuli anu tinantukan-Kumo ka' madi'mo montuluti atulan-Ku,

AMSAL 14:3

Kalana kaponga'annyo, mian anu waweng saja mosi puji butongnyo; panyo mian anu pande nu jagai nu posi potataenyo.

AMSAL 16:18

Mian anu takabun mohumpak kahansunan; kobubuun ahennyo madi'mo ohalagai.

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 21:12

Tinaamanku, “Daagi' subu tokamo mae, panyo po ule' ahi' malom. De daagi' mompokilawa, yo po ule'je toka mae mompokilawa.”

YESAYA 28:1

Silakamo na kota' anu nunu takabunakon nu to mia-mian anu saja' malangu aijo' hi aha Israel! Kaimaannyo luso'mo sumomo bunga anu mangkalualemo aita' i ubak nu aha. Silakamo na kota' anu matangkas hondo itotonga' nu bangka'nyo anu ma omuk, nunu takabunakon nu to mia-mian anu taha-tahahumo na malangu.

YEHEZKIEL 12:23

Jadi poto'imo hi aha mian nu Israel, taalu' Aku, Tumpu Anu Matangkas na Kuasanyo mombee'imo bau pontaami sumo uuka; Potatae aijo' Ku hapusimo sahingga madi'mo daagi' po ule' otaloakon nu aha Israel. Salaku bau pombolosi poto'i hi aha taalu' tempo'nyo tinokamo ka' apaa na anu pinoto'imo mae nu Tumpu tionyo ahi' jadimo.

YEHEZKIEL 19:14

Batang nu anggur aijo' kinaanmo nu apu anu nolele, panga'nyo tiba bua'nyo nopapumo ingko-ingkot. Panga'nyo tempo uuka aiya madi'mo nahoson, madi'mo timbali obau tokon nu kalaja'an. Aijo'mo na haang anu saja' opo uli-ulit na onyanyiakon nu aha mian.

YEHEZKIEL 21:10

Ia pinotajomo da timbali mompatei, pinolonde'mo da jongkilaban. Hi aha mian anu palesayamo hi belengku madi'mo daagi' kokalame'an kalana iwi-iwi' na pokinde' tiba hukuman anu pinoto'imo madi' na pajuli nu aha.

YEHEZKIEL 21:13

kalana Aku hau-haunyomo monguji' mian anu palesayamo hi beleng-Ku, de aha madi' mongka'oho' mompoko ima'i kalakuan nu aha saba' iwi-iwi' aijo' jadimo ahi' hi aha'.’

YEHEZKIEL 7:12

Tempo'nyo malia'mo toka, sinaanyo ingohanimo! Mian anu mongoli tiba mian anu mompobaluk madi'mo daagi' ko anu opihumpa-humpak na ka untungannyo, kalana hukuman nu Tumpu mongkonamo iwi-iwi' na mian.

YEHEZKIEL 7:6

Uuka aiya iwi-iwi' sinampemo. Uukamo aiya na ka ahenannyo nu beleyum. Madi'mo daagi' ko anu otaha'imani nu beleyum.

YEHEZKIEL 7:9

Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

NOMBILANGMO 17:8

Dodododopnyo, salatan i Musa ninsoopmo i Kemah nu Tumpu, tinoanyo tokon i Harun aijo'mo tokon nu tompukan nu tulunan mae nu aha bansa Lewi ninsumpemo. Tokon aijo' mulaimo nimbuhak, nimbuhakmo ka' nimbua'mo ketapang anu motu'amo!

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”