YEHEZKIEL 6:9 - KITAB NU TUMPU ALLA LELE MA'IMAI'

⁹ ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

YEHEZKIEL 6:9 ပူးပေါင်းရင်းမြစ်များ

2 TOMU-TOMUNDO' 16:10

Tempo'nyo i Tomundo' Ahas nambamo i Damsyik da singkabot tiba i tomundo' Tiglat-Pileser, ia nontoamo mezbah i kota' aijo'. Lantas pinakatunyomo na sonto' hi Imam Uzia kiijo' mae i Yerusalem ka' suele sukatannyo nu mezbah aijo' anu tionyo ahi' otiho totu-totu'u toto sa'angu' na sonto'nyo.

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

MAZMUR 137:1

I sonibi nu kaunyo anu kiijo' i Babel kami sumuhangmo ka' lewa'mo humang de monginau'mo Sion.

MAZMUR 78:40

Talalomo ahi' na aha saja' notumuhuk hi Ia, ka' nonsakiti kinyonyoa-Nyo tempo'nyo aha kiijo' mae i tampat padang anu mateges.

YESAYA 43:24

Beleyum madi'mo nongoli kamangian mano-manohong da papu mae hi beleng-Ku, madi'mo mae nompopuas Aku nu lompo' nu koloban anu okolot nu beleyum. Ola mule' ahi nombee'imo mae tanggungan Aku, nu dosa-dosa' nu belemiu, nonsusa'imo mae Aku nu kasala'an-kasala'an nu beleyum.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YESAYA 7:13

Lantas i Nabi Yesaya notataemo, “De sumo itina', potombihing mae lee' i Tomundo Daud! Ma'isa sukup na belemiu monguji' kasabanan nu manusia sahingga belemiu monguji mule' kasabanan nu Tumpu Allah?

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 3:6

Tempo'nyo i Tomundo' Yosia nompalentah, Tumpu notataemo mae hi belengku sumo uuka; “Pa' tinoamo nu beleyum apaa na anu binaumo nu aha Israel, boune anu madi' tulu-tulutan aijo'? Ia nompala'imo Aku ka' nombaumo palabuatan masala' aita' mae itoto sa'angu' na puge'nyo anu matunjo ka' mule' ipatuu nu kau toto sangkau anu tambok na honnyo.

YEREMIA 51:50

Tumpu notataemo hi aha mian nu Israel anu kiijo' mae i Babel, “Belemiu madi'mo jadi pinatean! Jadi' lako'mo uuka aiya! Bolimo daagi' montanda'i! Maunyomo ahi' belemiu majo'on lengkat ilaigan, panyo inau' mae ahi' na Aku, Tumpu Allah nu belemiu, ka' suele ahi' o'inau' na Yerusalem.

YEHEZKIEL 12:16

Ola sangkiding na bagian na aha aijo' na Ku posalamat da madi' silaka i uno nu pahampatean, kabai silaka nu ohop, ka' panyakit anu molele, da kiijo' mae hi aha bansa-bansa nu mian anu isalipu'an aijo' aha sinsumbu'je taalu' aha nombaumo anu mahumimi' hondo. Sahingga aha mongakuije taalu' Akumo ahi' na Tumpu.”

YEHEZKIEL 16:43

Aku mohukumo beleyum kalana beleyum madi'mo daagi' nonginau'mae mosia na Aku nompalakaimo beleyum tempo'nyo nai puan mae daagi' ise'. Palabuatan nu beleyum ma'i-ma'idek atina' na nonsabapi Aku nontambuha'i beleyum. Kadaka' palabuatan nu beleyum anu oka-okahegati atina' iwi-iwi' daagi' mule' nu paka tuangi nu palabuatan masala'? Aku Tumpu Anu Matangkas na Kuasanyo notataemo.”

YEHEZKIEL 16:61

Beleyum saidi' mae tonginau'mo i palabuatan-palabuatan nu beleyum ka' ma ambangmo de to utu-utus nu beleyum Ku sule'akonmo mae hi beleyum. Aha saidi' mae' Ku pojadimo susumo to ana-anak nu beleyum, maumo ahi' han aijo' madi' ninsoop i uno nu palajanjian-Ku tiba beleyum.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YEHEZKIEL 20:24

kalana aha madi'mo nontuluti iwi-iwi na palentah-ngKu ka' mule' nolanggaimo atulan-Ku, ka' mule' nohumimi'imo sinaa nu Sabat ka' tataap monsombah to pilo-pilogot anu saja' nu sombah nu mompolee' nu aha.

YEHEZKIEL 20:28

Aku nombomo mae aha itano' anu jinanji'-Kumo hi aha. Salatan aha nontoamo puge'nyo haha aita' anu toto tangka-tangkas ka' mule' kau' anu toto tambo-tambok na honnyo aha nomsombahkonmo koloban itampat haha aijo'. Aha nonsaduakonmo da Aku notambuha' kalana koloban-koloban anu opotunu ka' mule' aha nonsombahkonmo anggur nu aha.

YEHEZKIEL 20:43

Ikiijo' mae belemiu tonginau'je iwi-iwi' na palabuatan anu okahegati anu nohumimi'imo butong nu belemiu. Sahingga bubunje na belemiu de tonginau'mo ipalabuatan aijo' iwi-iwi'.

YEHEZKIEL 20:7

Pinalentah-ngKumo na aha da mongalin iwi-iwi na patong anu okahegati anu nu ka'ima'i nu aha aijo', ka' tinewa'-Kumo na aha mohumimi'i butong nu aha nu palabuatan sola' monsombah to pilo-pilogot anu lengkat mae i Mesir, kalana Akumo ahi' na Tumpu Allah nu aha.

YEHEZKIEL 23:30

atina'mo na mompotoka mae uki' ma'i-ma'idek aiya hi beleyum. Beleyum tinimbalimo mian anu saja' masala' hi aha to bansa-bansa ka' nohumimi'imo butong nu beleyum nu pilogot nu aha haha aijo'.

YEHEZKIEL 5:13

Beleyum mongoa'imo tambuha'-Ku anu taha-tahahumo ka' mule' Aku mangamu'mo sampe Aku puasmo. Salatan iwi-iwi' aijo' jadimo atina'je ka beleyum palesaya taalu' Akumo ahi' na Tumpu anu notataemo hi beleyum kalana Aku notambuha'imo beleyum madi' tulu-tulutan.

YEHEZKIEL 6:10

Jadi nu sumbu'je nu aha taalu' Akumo ahi' nu Tumpu ka' mule' iwi-iwi' na pokinde anu binee'-Kumo hi aha misa' ola samata-mata bau pompahatakut anu madi' ko gunanyo.”

YEHEZKIEL 7:16

Sambagian na tumuu' ahi' ka' mopalaimo mamba ibungkutnyo. Ikiita' mae aha sumomo to tomo-tomonsi' dara anu ilaa'mo lengkat mae isongko-songko na bangka'nyo; iwi-iwi' mohehengakonmo dosa-dosa' nu aha.

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

AMOS 2:13

Uuka aiya belemiu Ku nyonyomakon mo i tano' sahingga gananggahan susumo kareta anu talalomo maboat nu gandum na belemiu.

MIKHA 5:13

Iwi-iwi' na tugu nu Pilogot boune, Asyera i lipu' nu belemiu Ku hobo'akonmo ka' mule' to kota-kota' nu belemiu anu ko bentengnyo Ku hansunimo.

ZAKHARIA 10:9

Maumo ahi' gina'a-ga'at-Kumo na aha namba hi bansa-bansa, aha tataap ahi' monginau' mae Aku kiijo' mae. Aha oposalamatmo sumo aitu mule' na to ana-anak nu aha ka' minsusule'mo hingga-hinggat mamba ilipu'nyo.

NOMBILANGMO 15:39

Jambu-jambunyo aijo' salaku bau pompotuka': De otoamo nu belemiu na aijo', belemiu tonginau'mo hi palentang-Ku iwi-iwi', ka' montulutimo. Ka' kalana daagi' ko aijo'nyo belemiu madi' mongkolilimi Aku, sahingga madi'mo montuluti posi pongka'oho' nu butong.

2 PETRUS 2:14

Aha madi' ko kapa'osannyo na mombau dosa', ka' anu nu ka'ima'i aha aijo'mo montoa boune anu lewa' masala'. Ka' mian anu sala'je palesaya ka' anu ma'isa talalo palesaya totu-totu'u, nugoda nu aha. Kinyonyoa nu aha inanayamo nu mangoa. Aha to mia-mian anu kinutukanmo!