YEHEZKIEL 6:6 - KITAB NU TUMPU ALLA LELE MA'IMAI'

⁶ Iwi-iwi' na kota' nu aha Israel ohansunimo, iwi-iwi' na mezbah tiba pilogotnyo o'ideimo ka' oposungkehetmo, anu sola'pompapuan kamangian obiha-biha'mo, ka' mule' iwi-iwi apaa na anu binaumo nu aha madi'mo daagi' otoa.

YEHEZKIEL 6:6 ပူးပေါင်းရင်းမြစ်များ

1 TOMU-TOMUNDO' 14:23

Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

MAZMUR 115:8

O' amalakon da sumo aijo'mo na uki' nu to mia-mian anu nombaumo sumo aijo' ka' iwi-iwi' na mian anu pinalesayamo hi ia.

YESAYA 1:31

Susumo hat motoyo'mo ola kalana bohotika' nu apu, sumo aijo'mo na aha anu balakuasa saidi' mae posi palabuatanmo nu aha ma'i-ma'idek na monsilakai aha, ka' madi'mo o anu moko ala mompobelenti han anu hansunmo aijo'.

YESAYA 2:18

To pilo-pilogot imadi'anmo ingko-ingkot.

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YESAYA 64:10

Iwi-iwi na kota' susi' nu Belento sumomo ahi' padang tampat anu mateges Yerusalem tinimbalimo padang tampat anu kinunmo ka' ilingmo.

YEREMIA 10:22

Potombihing mae! Daagi' ko lele koonyo nu aha sa'angu' na bansa isasu utara nompopobuhukmo mae. Suludadu nu aha mompojadimo kota-kota' nu Yehuda liingmo ka' madi'mo daagi' ko anu monjojoongi. Dedeng nu alas maninsulukmo kiijo' mae.”

YEREMIA 17:3

ka' mule' ibawo nu bungkutnyo iwi-iwi' anu isambiha' nu kota'. Kalana iwi-iwi' na tampat anu ponsomban pilogot anu pipinotinjomo nu belemiu isongko-songko na lipu' ka' mule' kalana iwi-iwi' na dosa' anu bibinaumo nu belemiu, sahingga Ku posidamo na sampobali' nu belemiu da mongatomo sinin na halata' tiba kakaya'an nu belemiu.

YEREMIA 2:15

Sampobali'nyo mohu'akonmo ia susumo singa tano'nyo opokunmo ka' madi'mo daagi' ko isinyo iwi-iwi' na kota'nyo mingkotmo nu toyo'i nu apu opojohokmo madi'mo ko anu monjojoongi.

YEREMIA 34:22

Ku bee'imo tanda da aha po ule'mo mae minsusule' ikota' aiya, lantas montumbuhimo mae, ka' mongkuasaimo, ka' nu papumo nu aha. Sinin na kota' nu Yehuda Ku pojadimo susumo padang tampat anu mateges anu madi'mo nu jojoongi nu mian. Aku, Tumpu notataemo.”

YEREMIA 51:18

Bapilogotan haha aijo' madi' ko angga'nyo patut okokojoi ka sola' opopo ambang. De maluanyo tokamo na tempo'nyo, aha memang silakamo.

YEREMIA 9:10

Aku, i Yeremia notatae, “Aku humangmo ka' susamo na kinyonyoa kalana padang tampat nu hemput anu mateges ka' aita' ibungkutnyo iwi-iwi' anu nanggasmo kinumahengkengmo ka' mule' madi'mo tinulu nu mian. Lewo' nu potuu'on madi'mo daagi' ko anu ihongo, binatang anu lumahap tiba binatang-binatang sangga'at nopalaimo ka' imadi'anmo.”

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

YEREMIA 9:19

Kiita' mae i Sion ihongomo na lewo' nu mian humang, “Kita silakamo ka' talalomo ingambangan. Lipu'to tionyo ahi' opala'intomo, laiganto iwi-iwi' hansunmo ka' motanatamo.”

YEHEZKIEL 12:19

Poto'iakonmo hi iwi-iwi' na bansang apaa na anu pinoto'ing-Kumo, Aku Tumpu Anu Matangkas na Kuasanyo, taloakon hi mian anu jojoong i Yerusalem anu daagi' jinojoong itano' nu aha. Aha saidi' mae langkakatanmo de hau-haunyomo mongkaan ka' mule' langkakatanmo de hau-haunyomo monginum. Tano' nu aha saidi' mae kunmo, kalana iwi-iwi' na mian anu jojoong ikiijo' me saja' molanggai atulan.

YEHEZKIEL 16:39

Beleyum Ku bee'mo hi sinta nu beleyum haha atina' ka' nu hobo'akonmo nu aha na tampat-tampat anu sola' pinasala'an nu beleyum ka' nonsombah pilogot. Iwi-iwi' na baju ka' pakean mosoni' tiba salaka anu puso-pusok hi beleyum nu agoimo nu aha sahingga beleyum langgo'mo.

YEHEZKIEL 30:13

Tumpu Anu Matangkas na Kuasanyo notatae, “Ku hansunimo na kapalesaya'an anu madi' totu'u tiba to pilo-pilogot anu kiijo' i Memfis. Madi'mo daagi' ko tomundo'nyo kiijo' Mesir. Iwi-iwi' na mian anu jojoong ikiijo' Ku pojadimo mabuhuk.

YEHEZKIEL 5:14

Beleyum timbalimo bakas nu kahansunan ka' to bansa-bansa anu mompaha ohani beleyum mongkokojoimo beleyum; mian anu motulu madi'mo mati ohani hi beleyum.

YEHEZKIEL 6:4

Iwi-iwi' na mezbahnyo otua'akonmo ka' mule' anu sola' pompapuan kamangian opahambiha'akonmo. Iwi-iwi' na mian anu ikiijo' opateimo i ahop nu pilogotnyo.

YEHEZKIEL 6:7

Iyaya mae daagi' ko anu opatei, ka' aha anu daagi' tumuu' monsumbu'je taalu' Akumo ahi' na Tumpu.

HOSEA 10:2

To mia-mian anu kinyonyoanyo tageo' aijo' uuka aiya montanggung ahi' dosa'nyo. Tumpu Allah mohansunimo mezbah nu aha ka' montua' akonmo patong nu pilogot nu aha.

HOSEA 10:8

Tampat-tampat anu ponsomban pilogot anu aita maei to bungku-bungkutnyo nu Betel tampat nu aha mian Israel monsombah pilogot ohansunimo. Hii' tibaa hemput tumuu'mo i mezbah nu aha. Lantas aha moloboo'imo to bungku-bungkutnyo, “Tabuhimo mae na kami!” Ka' hi to puge-puge'nyo, “Tuda'mo mae na kami!”

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.

MIKHA 1:7

Iwi-iwi' na patong anu mahan na olinyo ohansunimo ka' balang anu binee'mo hi to bou-boune anu mokalaja' i kuil opapuimo, ka' mule' iwi-iwi' na pilogotnyo ohansunimo. Balang haha aijo' anu ohumpak de aha monsombahmo pilogot momombee'i kalumba'an nu tano'. Uuka aiya iwi-iwi' aijo' oboamo nu sampobali' da bau palasombahan salaku pontalimakase hi to pilo-pilogot nu aha.”

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

MIKHA 5:13

Iwi-iwi' na tugu nu Pilogot boune, Asyera i lipu' nu belemiu Ku hobo'akonmo ka' mule' to kota-kota' nu belemiu anu ko bentengnyo Ku hansunimo.

HABAKUK 2:18

Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

1 SAMUEL 5:4

Panyo dodododopnyo subu-subu tinoa nu aha na patong aijo' unanabu'mo mule' daha-dahapa i ahop nu Peti' Palajanjian aijo'. Kinopinduannyo aijo' ubak nu patong aijo' tiba limanyo ohu-ohua' nopato'mo ka natitimpasmo i ahop nu sabatannyo; Ola butongnyo nu patong aijo' na daagi sa'a-sa'angu'. (