YEHEZKIEL 6:4 - KITAB NU TUMPU ALLA LELE MA'IMAI'

⁴ Iwi-iwi' na mezbahnyo otua'akonmo ka' mule' anu sola' pompapuan kamangian opahambiha'akonmo. Iwi-iwi' na mian anu ikiijo' opateimo i ahop nu pilogotnyo.

YEHEZKIEL 6:4 ပူးပေါင်းရင်းမြစ်များ

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

2 TOMU-TOMUNDO' 23:14

Tugu iwi-iwi' nu pilogot tiba patong boune Asyera ihobo'akonmo lantas tano' anu pinombauan tugu haha aijo' tiba patong haha aijo' tinambulanmo i Yosia nu to buku-buku nu manusia.

2 TAWARIKH 14:5

Iwi-iwi' na tampat ponsomban pilogot ka'tampat pompapuan kamangian anu i uno nu iwi-iwi' na kota Yehuda pinaha alinanyomo. Sahingga madi'mo lewa' ko anu mompoposia kalaja'annyo aijo', tempo'nyo ia na nompalentah.

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

YEREMIA 43:13

Tugu-tugu nu bapilogotan kiijo' i Heliopolis i Mesir ohansunimo ka' mule' laigan nu to pilo-pilogot nu aha Mesir opapuimo sampe mingkot iwi-iwi'.”

YEREMIA 7:32

Kalana aijo' tokaje mae na tempo'nyo saba' tampat aijo' madi'mo daagi' osanggohi Tofet kabai Bangka'nyo nu Hinom, panyo timbalimo Bangka'nyo nu Pompateian. Tano' aijo' timbalimo tano' anu bau polamunan kalana madi'mo ko tampat sangga'at.

YEHEZKIEL 6:13

Bangke' nu mian anu singkapmo sinilaka motanatamo aijo' itampat-tampat bapilogotan tiba itampat-tampat mezbah, ka' mule sika-sika timpasmo aita' i puge'nyo toto tangka-tangkas, ka' mule' aita' ibawo nu bungkutnyo, ka' mule' ipatuu nu kau' anu toto tambo-tambok na honnyo, ka' mule' i patu nu kau' anu toto daka-daka' na batangnyo, o'alamo kodo-kodo' na sisik, iyaya mae na tampat anu sola' pontunuan nu aha koloban anu nu sombahkon nu aha hi pilogot. Sahingga toto samian monsumbu'je taalu' Akumo ahi' na Tumpu.

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

1 SAMUEL 5:4

Panyo dodododopnyo subu-subu tinoa nu aha na patong aijo' unanabu'mo mule' daha-dahapa i ahop nu Peti' Palajanjian aijo'. Kinopinduannyo aijo' ubak nu patong aijo' tiba limanyo ohu-ohua' nopato'mo ka natitimpasmo i ahop nu sabatannyo; Ola butongnyo nu patong aijo' na daagi sa'a-sa'angu'. (