YEHEZKIEL 6:14 - KITAB NU TUMPU ALLA LELE MA'IMAI'

¹⁴ Memang Ku tangkakonmo na limang-Ku ka' mohansunimo lipu' nu aha, sahingga timbalimo liing hondo lengkat pe'e mae itampat anu Mateges sasu Salatan toka-toka ikota' Ribla anu isasu utara. Itampat-tampat anu nu jojoongi nu aha mian Israel madi' ko samian na anu oposalamat. Sahingga nu sumbu'je nu aha mian iwi-iwi' taalu' Akumo ahi' na Tumpu.”

YEHEZKIEL 6:14 ပူးပေါင်းရင်းမြစ်များ

MAZMUR 138:7

Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

YESAYA 24:1

Tumpu monsilakaimo tano' sahingga mategesmo ka' mule' liingmo. Nu bali-balikakonmo na aita' kilitnyo nu tano' ka' mule' mongga'a-ga'atakonmo miana nu monjojoongi.

YESAYA 24:7

Anggur mateekmo na tumuu' ka' ueenyo nu anggur susa'mo na mohumpak. Miana nu naipuan mae lame' uuka aiya susa'mo.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YESAYA 9:12

Bansa Israel ma'isa ahi' nompele-pele' mau aha ihukumo nu Tumpu Anu Daka' na Kuasanyo: aha ma'isa ahi' binalatobat hi Ia.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

YEREMIA 25:11

Songko-songko na lipu' aiya Ku pojohokmo da hansunmo ka' liingmo. Bansa-bansa anu mompaha ohani saidi' mae tulutmo hi tomundo' Babel pitumpulu' na taun na kopinnyo.

YEREMIA 48:22

Dibon, Nebo, Bet-Diblataim,

YEHEZKIEL 12:15

De aha Ku ga'a-ga'atakonmo oboa hi aha bansa-bansa sangga'at i iwi-iwi na lipu' nu mian anu isalipu'an atina'je ka' nusumbu' nu aha taalu' Akumo ahi' na Tumpu.

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 15:8

Aha madi'mo tinulu-tulutan hi beleng-Ku, kalana aijo' tano' aijo' Ku pojadimo tano' anu mateges. Aku Tumpu Anu Matangkas na Kuasanyo notataemo.”

YEHEZKIEL 16:27

Uuka aiya Aku bagalagimo mohukum beleyum ka' po ule'mo Ku ala na balakat anu binee'-Kumo hi beleyum. Ku bee'mo na beleyum hi aha mian nu Filistin anu mongkaddeki beleyum ka' anu bubunmo na montoa palabuatan nu belemiu mahu-mahumimi' atina'.

YEHEZKIEL 25:7

Mokonyo aijo' belemiu Ku bee'mo hi to bansa-bansa anu toka mae montololangi ka' mongagoi iwi-iwi' na halata' nu belemiu. Sumo aijo' na Aku monsilakai belemiu, sahingga madi'mo timbali sa'angu' na bansa ka' madi'mo mule' ko posi lipu'. Sahingga nu sumbu'je nu belemiu taalu' Akumo ahi' na Tumpu.”

YEHEZKIEL 33:28

Lipu' aijo' Ku pojadimo padang tampat anu mateges ka' liingmo, ka' kakuasa'an nu kabubunakon nu aha aijo' mingkotmo. To bungku-bungkutnyo nu Israel timbalimo liing hondo, sahingga madi' ko mian anu baani motulu ikiijo'.

YEHEZKIEL 35:9

Lipu' nu belemiu Ku pojadimo tampat padang anu ewa sampe toka sidu-sidutu', ka' iwi-iwi na kota' nu beleyum madi'mo daagi' nu jojoongi nu mian. Sahingga nu sumbu'je nu belemiu taalu' Akumo ahi' na Tumpu.

YEHEZKIEL 7:1

Tumpu notataemo mae hi belengku,

YEHEZKIEL 7:4

Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

ZEFANYA 1:4

Kuhukumo na mian anu jojoong i Yerusalem ka' anu i songko-songko na Yehuda. Tuha' nu anu lewa' bau ponsomban Baal Ku hansunimo na anu i tampat-tampat haha aijo'. To mia-mian anu lewa' mombau ada-adat nu Baal okolilimimo madi'mo daagi o'inau'.