YEHEZKIEL 6:13 - KITAB NU TUMPU ALLA LELE MA'IMAI'

¹³ Bangke' nu mian anu singkapmo sinilaka motanatamo aijo' itampat-tampat bapilogotan tiba itampat-tampat mezbah, ka' mule sika-sika timpasmo aita' i puge'nyo toto tangka-tangkas, ka' mule' aita' ibawo nu bungkutnyo, ka' mule' ipatuu nu kau' anu toto tambo-tambok na honnyo, ka' mule' i patu nu kau' anu toto daka-daka' na batangnyo, o'alamo kodo-kodo' na sisik, iyaya mae na tampat anu sola' pontunuan nu aha koloban anu nu sombahkon nu aha hi pilogot. Sahingga toto samian monsumbu'je taalu' Akumo ahi' na Tumpu.

YEHEZKIEL 6:13 ပူးပေါင်းရင်းမြစ်များ

1 TOMU-TOMUNDO' 14:23

Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

2 TOMU-TOMUNDO' 16:4

I Ahas nonsombahkonmo koloban ka' nompapuimo kamangian i tampat haha aijo' anu lewa' ponsomban pilogot i bungkutnyo ka' i patu nu kau' anu toto tambo-tambok na honnyo.

YESAYA 1:29

Aha ma'ambangmo kalana lewa'mo nonsombah to ka-kau' ka' nontantukan ale' da baumo bagi nu to pilo-pilogot.

YESAYA 37:20

O, Tumpu, Tumpu mami, posalamat mae na kami da madi' nu patei nu aha mian Asyur haha aijo' da iwi-iwi' na bansa idunia aiya monsumbu' saba' ola-olanyomo ahi' Belento na Tumpu.”

YESAYA 66:17

Tumpu notatae, “Iwi-iwi' na mian anu momposusi'mo butongnyo ka' modoso'mo lantas mambamo i ale' anu lewa' ponsomban pilogot ka' monsombahmo aha saidi' mae mingkotmo tiba to mia-mian anu mongkaan bau' tiba bokoti' ka' mule' anu okaan sangga'at oka-okahumimi'i.

YEREMIA 13:27

Tinoang-Kumo na belemiu nombau hahan anu Ku ka'ideki. Tinoang-Kumo na belemiu nololoi' to pilo-pilogot sangga'at ipuge'nyo tiba i ale', sumomo ahi' samian na mo'ane anu nongka'ima'imo bengkele' nu mian sangga'at kabai sumomo ahi' ajahan tinokamo na napisunyo hi ajahan behenyo. O mian anu jojoong i Yerusalem, silakamo na belemiu! Hipianje na belemiu madi'mo mombau palabuatan iwi-iwi' anu ma'idek?”

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

YEREMIA 3:6

Tempo'nyo i Tomundo' Yosia nompalentah, Tumpu notataemo mae hi belengku sumo uuka; “Pa' tinoamo nu beleyum apaa na anu binaumo nu aha Israel, boune anu madi' tulu-tulutan aijo'? Ia nompala'imo Aku ka' nombaumo palabuatan masala' aita' mae itoto sa'angu' na puge'nyo anu matunjo ka' mule' ipatuu nu kau toto sangkau anu tambok na honnyo.

YEHEZKIEL 18:6

Ia madi' monsombah pilogot nu aha Israel kabai mongkaan koloban palasombahan itampat-tampat ponsomban to pilo-pilogot. Ia madi' toho' monggoda bengkele' nu mian sangga'at kabai moduhusmo boune anu tinokamo na adat nu aha boune.

YEHEZKIEL 20:28

Aku nombomo mae aha itano' anu jinanji'-Kumo hi aha. Salatan aha nontoamo puge'nyo haha aita' anu toto tangka-tangkas ka' mule' kau' anu toto tambo-tambok na honnyo aha nomsombahkonmo koloban itampat haha aijo'. Aha nonsaduakonmo da Aku notambuha' kalana koloban-koloban anu opotunu ka' mule' aha nonsombahkonmo anggur nu aha.

YEHEZKIEL 23:41

Lantas aha sinumuhangmo ikamale'an anu ma'ima'an. I ahopnyo kaho kaanon anu pinosadiamo, tiba kamangian ka' lanya' nu zaitun anu binee'-Kumo hi aha.

YEHEZKIEL 43:7

“O manusia anu madi' tumuu' batu, aiyamo na kajojoongan-Ku. Aiyamo na tampat kajojoongan-Ku itotonga' nu aha mian Israel ka' mompalentahmo aha sampe toka sidu-sidutu'. Maumo aha kabai to tomu-tomundo' nu aha, madi'mo daagi' mohumimi'i sanggong-Ku anu susi', nu saduakon nu aha monsombahmo pilogot kabai kalana mongkolobanakonmo bangke' nu to tomu-tomundo' nu aha itampat aiya.

HOSEA 4:13

I tampat-tampat ponsomban pilogot i puge'nyo ka' i bungkutnyo belemiu nonsombahkonmo koloban ka' nompapuimo kamangian i patu nu to kau-kau' anu daka' ka' hoopi' nahonnyo kalana ikiijo mae tampat anu koongon. Panyo apaa na ka'ahenannyo? To lalangkoyang nu belemiu nasala'mo, ka' to moni-monian nu belemiu boune nasala'mo!

ZEFANYA 1:10

Isinaa aijo', “Sumo aijo' na koonyo nu Tumpu saidi' mae ohongoje na haang i Sabatan daka' Ikan. Lewo' nu tando' saidi' mae ohongomo lengkat mae ikampung anu sala'je binau ka' onyi' nu anu mohobo' daka' hondo kahongoanmo mae lengkat i iwi-iwi na puge'nyo.