YEHEZKIEL 6:10 - KITAB NU TUMPU ALLA LELE MA'IMAI'

¹⁰ Jadi nu sumbu'je nu aha taalu' Akumo ahi' nu Tumpu ka' mule' iwi-iwi' na pokinde anu binee'-Kumo hi aha misa' ola samata-mata bau pompahatakut anu madi' ko gunanyo.”

YEHEZKIEL 6:10 ပူးပေါင်းရင်းမြစ်များ

YEREMIA 44:28

Me pa' to pia-piangkuka na mian na daagi' tumuu' ka' daagi' minsusule' i Yehuda lengkat mae i Mesir. Sahingga iwi-iwi' na mian nu Yehuda anu kiijo' i Mesir montoaje pa' potatae nu aha kabai pa' potataeng-Ku na anu ko bukutinyo.

YEHEZKIEL 12:25

Aku Tumpu Anu Matangkas na Kuasanyo motataemo hi bansang Israel, ka' iwi-iwi' na anu Ku taloakon tionyo ahi' jadimo, mad'mo daagi' mongabali'. Potombihing mae o, belemiu mian anu sola' motomuhuk! Tempo'nyo beleyum daagi' tutuu' Ku baumo na iwi-iwi' anu pinoto'ing-Kumo hi beleyum. Aku, Tumpu Anu Matangkas na Kuasanyo notataemo.”

YEHEZKIEL 22:14

Daagi' ahi' baani kabai daagi' ahi' mahoson na beleyum montangkakon lima nu beleyum de Ku poko hukumo na beleyum? Aku, Tumpu Anu Matangkas na Kuasanyo notataemo ka' Aku mule' momposidamo apaa na anu pinoto'ing-Kumo.

YEHEZKIEL 5:13

Beleyum mongoa'imo tambuha'-Ku anu taha-tahahumo ka' mule' Aku mangamu'mo sampe Aku puasmo. Salatan iwi-iwi' aijo' jadimo atina'je ka beleyum palesaya taalu' Akumo ahi' na Tumpu anu notataemo hi beleyum kalana Aku notambuha'imo beleyum madi' tulu-tulutan.

YEHEZKIEL 6:11

Tumpu Anu Matangkas na Kuasanyo notataemo, “Lasaimo na kasusa'an! Polotando'mo, Haangmo moli-molibos kalana iwi-iwi' na palabuatan ma'idek ka' anu moko pahumimi' bibinaumo nu bansa Israel. Aha silakamo kalana lewa' mahampate, kalana madi'mo ko anu okaan tiba panyakit anu molele.

YEHEZKIEL 6:7

Iyaya mae daagi' ko anu opatei, ka' aha anu daagi' tumuu' monsumbu'je taalu' Akumo ahi' na Tumpu.

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

ZAKHARIA 1:6

Aha to nabi-nabi posaihon-Ku haha aijo' pinoto'ing-Kumo na to pale-palentang-Ku ka' mule' to poki-pokinde'-Ku da opoto'i hi mompolee' nu belemiu. Panyo aha madi' nompajuli sahingga aha tionyo ahi' montanggung apaa na anu jadi saidi' mae imihinyo. Lantas aha nompele-pele'mo ka' mule' nongakuimo tukoonyo nu aha Akumo na Tumpu Anu Daka' na Kuasanyo mohukumo aha sitimbang tiba kasala'an nu aha ka' susumo ahi' anu tinantukan-Kumo.”