YEHEZKIEL 5:8 - KITAB NU TUMPU ALLA LELE MA'IMAI'

⁸ Sahingga Aku, Tumpu Anu Matangkas na Kuasanyo mompoto'imo saba' Akumo na sampobali' nu beleyum. Beleyum Ku hukumje i ahop nu to bansa-bansa sangga'at.

YEHEZKIEL 5:8 ပူးပေါင်းရင်းမြစ်များ

YEREMIA 21:13

Lapas aijo' Tumpu notataemo hi Yerusalem, “O Yerusalem! Tampat nu beleyum lebe matangkas molingkudui bangka'nyo-bangka'nyo anu atina' mompaha ohani beleyum. Beleyum sumomo ahi' puge'nyo nu batu anu matunjo ipadang tampat anu mahata, panyo Ku ewamo na beleyum. Beleyum notataemo kooyum madi' ko samian pe'e na anu moko ala montumbuhi beleyum kabai mohobo'akon benteng-benteng nu belemiu,

YEREMIA 21:5

Akumo ahi' na mompahampateakon belemiu tiba kahosonan anu memang ahi' mahosonmo totu-totu'u, kalana tambuha' anu taha-tahahumo.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 50:7

Aha otumbuhimo ka' osakisamo nu mian iwi-iwi' anu singkabot tiba aha. Iwi-iwi' na sampobali nu mian anu palesayamo hi beleng-Ku notataemo, ‘Apaa na anu binauntomo, madi' sala', kalana mian haha aijo' binaladosa'mo hi Tumpu. Mompolee' nu aha na palesaya ahi' hi Tumpu, jadi sabenannyo aha na sabole-bole ahi' tulu-tulutan hi Ia.’

MOHAANGI 2:5

Tumpu tinimbalimo susumo sampobali'; Ia nontintipmo Israel sampe nahungku'mo Ia nohansunimo iwi-iwi' na benteng tiba laigan nu tomundo' ka' nompojoongmo mian anu sinilaka hi aha anu jojoong i Yehuda.

MOHAANGI 3:3

Pino'uli-ulit-Nyo na aku binobotan-Nyo, sinansinaa madi' kino kalibosan-Nyo.

YEHEZKIEL 11:9

Belemiu Ku sabatakonmo mompala'i kota' aiya ka' Ku bee'mo hi mian anu i salipu'an mae. Aku mombee'imo hukuman mate hi belemiu.

YEHEZKIEL 15:7

Aku mohukumo aha. Maumo ahi' aha madi' kinaan nu apu, panyo apumo ahi' na monsilakai aha. Sahingga nu sumbu'je nu belemiu taalu' Akumo ahi' na Tumpu.

YEHEZKIEL 16:41

Nu papuimo nu aha na laigan nu belemiu iwi-iwi' ka' mompokaumo to bou-boune monsakisi hukuman anu opokonamo hi belemiu. Sumo aijo' na Aku mompobelenti palabuatan nu belemiu sasaja' masala'. Beleyum madi'mo daagi' sola' mombagi-bagiakon palasen hi to sinta-sinta nu beleyum.

YEHEZKIEL 21:3

taalu' Aku, Tumpu nompoto'imo mae sumo uuka, ‘Aku aiya sampobali' nu beleyum. Ku keatmo na bajak-Ku ka' mompateimo belemiu iwi-iwi' mau anu ma'ima' na kinyonyoanyo kabai anu manonong.

YEHEZKIEL 28:22

Poto'i hi aha anu jojoong ikiijo' taalu' Aku Tumpu Anu Matangkas na Kuasanyo notataemo hi aha, ‘Aku aiya sampobali' nu belemiu, o Sidon. Aha to mia-mian mompuji'mo Aku kalana palabuatan-Ku hi beleyum. Salatan Aku mohukumo mian anu jojoong atina' hi beleyum nu sumbu'je nu aha taalu' Akumo ahi' na Tumpu anu susi'.

YEHEZKIEL 30:19

Sumo aijo' na Aku mohukum Mesir, sahingga nu sumbu'je nu aha taalu' Akumo ahi' na Tumpu.”

YEHEZKIEL 34:10

Aku, Tumpu Anu Matangkas na Kuasanyo notataemo hi beleyum, taalu' Aku aiya sampobali' nu beleyum. Dombang-Ku haha atina' po ule'mo Ku ala, ka' madi'mo Ku poki kalesang hi beleyum; belemiu madi'mo daagi' Ku pobee' mompotutugakon apaa na posi kapentingan nu beleyum. Dombang-Ku haha atina' Ku posalamatmo sahingga aha madi'mo daagi' bau kaanon nu belemiu.’ ”

YEHEZKIEL 35:3

Poto'i hi aha mian anu jojoong ikiijo' apaa na anu tinaloakon-Kumo hi aha nu Aku Tumpu Anu Matangkas na Kuasanyo, ‘Aku aiya sampobali' nu belemiu, o, mian anu jojoong aita' mae i bungkutnyo nu Edom! Tano' nu belemiu Ku pojadimo liing hondo madi'mo ko anu monjojoongi, ka' sinin na kota' nu belemiu hansunmo. Sahingga nu sumbu'je nu belemiu taalu' Akumo ahi' na Tumpu.

YEHEZKIEL 39:1

Tumpu Anu Matangkas na Kuasanyo notatae, “O manusia anu madi' tumuu' batu, tambuha'imo na i Gog tomundo' anu balakuasa hondo ilipu' Mesekh, tiba Tubal, ka' poto'i hi ia taalu' Aku aiya sampobali'nyo.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

NAHUM 2:13

“Aku aiya sampo bali' nu beleyum,” na koonyo nu Tumpu Anu Daka na kuasanyo. “To kare-kareta nu beleyum Ku papuimo ingko-ingkot. Suludadu nu beleyum silakamo i uno nu pahampatean. Ka' Ku alamo na iwi-iwi na apaa anu ingalamo nu beleyum hi mian sangga'at. Apa-apaa na anu nu tuntut nu to mia-mian anu nu sai nu beleyum madi' daagi ohongo.”

MATIUS 22:7

Salatan tomundo aijo' nohongo han aijo', ia pinusa hondo. Ia nonsai suludadunyo da mompatei anu lewa' mompatei aijo' ka' nompapui kota nu aha.

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.