YEHEZKIEL 5:6 - KITAB NU TUMPU ALLA LELE MA'IMAI'

⁶ Panyo Yerusalem madi'mo nontalima palentah-ngKu ka' lebemo na'idek ilingkuduannyomo na bansa-bansa sangga'at, ka' mule' lebemo madi' tulu-tulutan ilingkuduannyomo na nega-negara anu mompaha ohani. Yerusalem nolanggimo sinin na palentang-Ku ka' mule' madi'mo nontuluti sinin na atulan-Ku.”

YEHEZKIEL 5:6 ပူးပေါင်းရင်းမြစ်များ

2 TOMU-TOMUNDO' 21:11

“I Tomundo' Manasye ma'idek hondo. Kalakuan ma'idek anu binaunyomo nolingkuduimo kalakuan nu mian nu Kana'an. Kalana ia nombaumo hahan anu mompalesaya pilogot, sahingga ia nonsaduakonmo mian nu Yehuda binaladosa'mo.

2 TOMU-TOMUNDO' 21:9

Panyo mian nu Yehuda madi' montuluti Tumpu, ka' i Manasye, ola mule' ahi' nompaka saduakon aha da mombau dosa' haha aijo' anu lebe ma'idek nolingkuduimo dosa' anu binaumo nu to bansa-bansa anu i laa'mo nu tumpu nompala'i Kana'an tempo'nyo mian nu Israel anu pinalesayamo hi Tumpu aijo' ninsoopmo i lipu' aijo'.

NEHEMIA 9:34

Mompolee' mami, tomundo', imam ka' mule' to tu'a-tu'anyo, nolanggaimo atulan nu Belento ka' madi'mo nontapali. Iwi-iwi' na palentah tiba pokinde' anu binee'mo nu Belento, madi'mo pinajuliannyo ka' madi'mo mule' lewa' pinotombihing.

NEHEMIA 9:35

Binee'anmo nu Belento to tomu-tomundo' anu nompalentahmo mian anu palesayamo hi Belento, salatan aha jinojoongmo i tano' anu ewa hondo ka' ma'omuk anu bibinee'mo nu Belento. Panyo aha madi' nongkakabasakon kantumuu'an nu aha anu ma'i-ma'idek aijo'. Madi' mongka'oho' tulut totu-totu'u hi Belento ka' mule' madi' monsombah Belento.

MAZMUR 106:20

Aha nontolosimo Tumpu anu talasanggo nu patong susumo sapi' anu ola mongkaan hemput.

MAZMUR 78:10

Aha nolanggaimo palajanjian nu Tumpu hi aha, ka' madi' mongka'oho' tulu-tulutan hi atulannyo.

NOSABATMO 16:28

Lantas Tumpu notataemo hi Musa, “Sampe toka hipian na belemiu madi' mongka'oho' mohongo-hongo iwi-iwi' na palentah-ng-Ku?

YEREMIA 11:10

Aha nombaumo dosa' bibinaunyo nu mompolee' nu aha kalana madi'mo nontuluti Aku, aha nonsombahmo pilogot sangga'at ka' madi'mo ka'oho' montuluti palentah-ngKu. Mau Israel kabai Yehuda nolanggaimo palajanjian anu binaung-Kumo tiba mompolee' nu aha.

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEREMIA 8:5

Panyo kadaka' na belemiu mian anu palesayamo hi beleng-Ku na sabau-baunyo ahi' palabuatan anu ma'idek ka' mohikumo mae Aku? Belemiu nontoongimo hondo-hondo ipilogot nu belemiu ka' madi'mo mae minsusule' hi beleng-Ku.

YEHEZKIEL 11:12

Sahingga nu sumbu'je nu belemiu taalu' Akumo ahi' na Tumpu, ka'belemiu Ku hukumo kalana nolanggaimo iwi-iwi na atulan-Ku ka' madi'mo nontuluti iwi-iwi' na palentah-ngKu panyo nontulutimo iwi-iwi na atulan nu bansa-bansa anu mompaha ohani belemiu.”

YEHEZKIEL 16:51

Memang Samaria ma'idek na palabuatannyo, panyo dosa'nyo madi' mompomintonga' i dosa-dosa' nu beleyum. Kalakuan nu beleyum na molingkudui lebe ma'idek mule'. To utu-utus nu beleyum anu toto bou-boune de obandingkan tiba beleyum na ugaat ahi' timbali o'anggap madi' kokasala'annyo. Beleyum tionyo ahi' mongoa'i ma'ambang ka' mongakui na idekmo na palabuatan!”

DANIEL 9:15

O, Tumpu, Tumpu mami, Belento nompotoamo mae kuasa nu Belento nonomboamo aha mian anu palesayamo hi Belento nosabat lengkat mae i Mesir, ka' kuasa nu Belento aijo' daagi' saja' tataap o, inau'. Kami nombaumo dosa' ka' mule' nombaumo kasala'an.

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

DANIEL 9:8

To tomu-tomundo' mami, to pola-polaya' tiba aha mompolee' mami nonombaumo hahan anu moko ambang ka' mule' binaladosa'mo hi Belento o, Tumpu.

ZAKHARIA 7:11

Panyo mian anu palesayamo hi beleng-Ku, talalo hondo panggaga ka' madi' hondo kahanda' mompotombihing, aha ola ahi' mompiiti bihing nu aha da madi' mohongo-hongo.

1 KORINTUS 5:1

Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.