YEHEZKIEL 5:17 - KITAB NU TUMPU ALLA LELE MA'IMAI'

¹⁷ Misa' ola kasusa'an i anu okaan panyo panyakit suele anu molele Ku potokamo mae, ka' mule' buhingison ka' pahampatean anu mompateimo mian anu jojoong atina' hi beleyum, tiba binatang anu toto maha-mahangas mompateimo to ana-anak nu aha. Akumo na Tumpu, anu notataemo.”

YEHEZKIEL 5:17 ပူးပေါင်းရင်းမြစ်များ

2 TOMU-TOMUNDO' 17:25

Tempo'nyo aha momona jinojoong i kiijo' aha madi'mo nongadati Tumpu; aijo' na sababnyo Tumpu nompodaagi'mo to singa-singa anu lewa' monsa'u sambahagian na aha.

NOSABATMO 23:29

Aha madi' Ku pominsan na molaa' iwi-iwi' i uno nu sataun, da tano' aijo' boli ola opobakas, ka' binatang anu mongkaan sangko binatangnyo boli mae ma'uha.

YEREMIA 15:3

Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas.

YEHEZKIEL 14:15

Sahingga Ku potokamo mae na binatang anu toto maha-mahangas da monsa'u mian anu jojoong ilipu' aijo' sahingga daerah aijo' okabuhukmo hondo ka' madi' ko mian anu baani motulu ikiijo'.

YEHEZKIEL 14:19

Sahingga Ku potokamo mae na panyakit anu molele ilipu' aijo', ka' Ku lubatakonmo mae na tambuha'-Ku hi aha, sahingga maumo ahi' binatang kabai manusia osilakaimo.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 17:21

Suludadunyo anu toto hoso-hoson silakamo i uno nu pahampatean ka' anu moko ala mopalai mosungke-sungkehetmo pa' moya. Sahingga nu sumbu'je nu mian anu palesayamo hi beleng-Ku taalu' Akumo ahi' na Tumpu anu notataemo.”

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

YEHEZKIEL 21:3

taalu' Aku, Tumpu nompoto'imo mae sumo uuka, ‘Aku aiya sampobali' nu beleyum. Ku keatmo na bajak-Ku ka' mompateimo belemiu iwi-iwi' mau anu ma'ima' na kinyonyoanyo kabai anu manonong.

YEHEZKIEL 21:32

Belemiu nu kaanmo nu apu ingko-ingkot. Baso' nu belemiu mobubusmo iposi lipu' nu belemiu ka' madi'mo daagi kosamian na anu daagi monginau belemiu. Aku, Tumpu notataemo'.’ ”

YEHEZKIEL 22:14

Daagi' ahi' baani kabai daagi' ahi' mahoson na beleyum montangkakon lima nu beleyum de Ku poko hukumo na beleyum? Aku, Tumpu Anu Matangkas na Kuasanyo notataemo ka' Aku mule' momposidamo apaa na anu pinoto'ing-Kumo.

YEHEZKIEL 23:47

Pahambunu'akonmo na aha nu batu ka' tumbuhimo nu baja'. To ana-anak nu aha pahangkolotakonmo ka' mule' laigan nu a ha singkapmo papui.

YEHEZKIEL 26:14

Anu Ku potuha' memo ahi' sa'angu' na batu anu madi'mo ko anu montumuu'i, tampat pontimpa'an buani' nu aha mian anu mompagala ikan. Kota' aijo' madi'mo daagi' po ule' obau. Aku Tumpu Anu Matangkas na Kuasanyo notataemo.”

YEHEZKIEL 28:23

Ku potokamo mae na panyakit anu molele ka' mompojohokmo baso' mo ili atina' i iwi-iwi na jalan nu beleyum. Beleyum nu tumbuhimo nu sampobali' isongko-songko na tampat ka' miannyo anu jojoong itina' opateimo. Sahingga nu sumbu'je nu beleyum taalu' Akumo ahi' na Tumpu.’ ”

YEHEZKIEL 30:12

Ku po'otimo na Kaunyo nu Nil ka' songko-songko na Mesir obee'mo hi aha mian anu ma'idek na kinyonyoanyo. Aha to mia-mian anu isalipu'an mae Ku pokaumo mohopu'i songko-songko na lipu' aijo'. Aku, Tumpu notataemo.”

YEHEZKIEL 33:27

Atas sanggong-Ku, Tumpu anu tumuu', Tumpu Anu Matangkas na Kuasanyo, to mia-mian anu jojoong i kota' haha aijo' anu singkapmo i hansun silakamo opatei. Aha anu jojoong i tampat padang anu ewa nu kaanmo nu binatang anu mahangas. Aha anu matisuluk i iwi-iwi na bungkutnyo ka' i to lia-liang silakamo kalana panyakit anu molele.

YEHEZKIEL 37:14

Aku mompuhakonmo santuu' i uno nu butong nu aha da aha tumuu'mo, lantas aha Ku pobee'mo jojoong iposi lipu' nu aha. Sahingga nu sumbu'je nu aha taalu' Akumo ahi' na Tumpu. Aku Tumpu notataemo ka' memang ahi' mompojadimo.”

YEHEZKIEL 38:22

Ia Ku hukumo nu panyakit anu molele ka' mule' baso' na mobubus. Ujan daka' tiba ujan eis, apu tiba belelang Ku bubusakonmo mokaiyong hi ia ka' mule' hi suludadunyo ka' mule' hi aha bansang jonjoo' anu nanintuangmo tiba ia.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

YEHEZKIEL 5:16

Ku hansunimo na palasadia'an nu anu okaan nu beleyum ka' mule' mompojohokmo mian anu jojoong hi beleyum da susa'mo i anu okaan. Aha saidi' mae mongoa'imo mosia na kosakisanyo na mo'ohop sumomo ahi' hihis nu pana' anu matajom hondo na monsusuk ka' mompateimo beleyum.

YEHEZKIEL 6:1

Tumpu notataemo mae hi belengku,

YEHEZKIEL 6:12

Aha iwi-iwi' mongoa'imo tambuha'-Ku anu taha-tahahumo. Aha tomia-mian anu majo'on kiijo' mae i pinomboan ka' pinompojoongan masakitmo lantas silakamo; anu aiya ohani silakamo kalana mahampate, ka' tuha'nyo silakamo kalana madi'mo ko anu okaan.

IMAMAT 26:22

Ku potokamo mae na to bina-binatang anu mahangas atina' hi belemiu. Binatang haha aijo' monsa'umo to ana-anak nu belemiu, mompateimo potuu'on nu belemiu, ka' mohopu'imo belemiu, sahingga konjoo'nyo nu belemiu memo sangkiding hondo ka' to jala-jalan i lipu' nu belemiu liingmo.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

PO'ULE' INGULIT 32:24

Aha matemo kalana nusihabimo nu sakit ka' mo'ohopmo, ka' kalana panyakit anu okabuhuk. Ku pojohokmo na aha da nusa'umo nu binatang anu mahangas, ka' nubahe' nu ulo anu ko bisa'nyo.

ANU PINOTO'I HI YOHANES 6:8

Aku nontoa, lantas nondinmo sa'angu' na ajahan anu me'es. Anu nonsake'i sanggonyo Kapatean. Aitu mae i hikunyo, batu-batuk, ka' ohani hondo na Dunia Kapatean. Dunia aiya o bagi opat sambagian na obee' hi aha da nukuasai nu aha, da nupatei nu aha i uno nu pahampatean, kasusa'an i anu o kaan, panyakit anu molele, ka' nukaan nu to bina-binatang anu bahangihi'.