YEHEZKIEL 5:16 - KITAB NU TUMPU ALLA LELE MA'IMAI'

¹⁶ Ku hansunimo na palasadia'an nu anu okaan nu beleyum ka' mule' mompojohokmo mian anu jojoong hi beleyum da susa'mo i anu okaan. Aha saidi' mae mongoa'imo mosia na kosakisanyo na mo'ohop sumomo ahi' hihis nu pana' anu matajom hondo na monsusuk ka' mompateimo beleyum.

YEHEZKIEL 5:16 ပူးပေါင်းရင်းမြစ်များ

2 TOMU-TOMUNDO' 6:25

sahingga anu okaan sinusa'mo i uno nu kota', sadang ubak nu keledai sa'angu' olinyo ualumpulu'mo na doi salaka, ka' ohua' na ons na kotolan nu malapati' olinyo olima' na doi salaka.

MAZMUR 7:13

De maluanyo kalakuan nu aha madi' mongabali' saba' Ia nompotoukamo toongon anu bau pompatei. Ia nomboitmo bajak-Nyo ka' kahanda'mo ahi' mompeletakon pana'-Nyo lantas nompeletakonmo hihis-Nyo iwi-iwi' anu ko apunyo.

YESAYA 3:1

Memang Tumpu Anu Daka' na Kuasanyo mongalamo iwi-iwi' na palasadia'an i Yerusalem tiba i Yehuda aijo'mo au okaan ka' mule' uee. Ka' suele iwi-iwi' na mian anu nu taha'imani nu aha:

YEREMIA 52:6

Itanggan kino osio'nyomo bitu'on ko opatnyomo tauno ai-aijo', tempo'nyo balaa' kasusa'an i anu okaan tinahahumo hondo sahingga mian da'isan madi'mo daagi' ko anu okaan,

MOHAANGI 3:12

Ia nompotajumo pompelet-Nyo ka' pinopatu-Nyomo mae hi belengku na hihisnyo.

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 4:16

Lapas aijo' Ia po ule' mule' notatae, “O, manusia anu madi' tumuu' batu, Aku nohansunimo palasadia'an anu okaan i Yerusalem. Sahingga bata-batamo na to mia-mian ka' mombatasimo anu okaan nu aha tiba uee anu nu inum nu aha.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

YEHEZKIEL 5:17

Misa' ola kasusa'an i anu okaan panyo panyakit suele anu molele Ku potokamo mae, ka' mule' buhingison ka' pahampatean anu mompateimo mian anu jojoong atina' hi beleyum, tiba binatang anu toto maha-mahangas mompateimo to ana-anak nu aha. Akumo na Tumpu, anu notataemo.”

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.