YEHEZKIEL 5:15 - KITAB NU TUMPU ALLA LELE MA'IMAI'

¹⁵ De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

YEHEZKIEL 5:15 ပူးပေါင်းရင်းမြစ်များ

1 TOMU-TOMUNDO' 9:7

saba' Ku laa'mo na mian nu Israel anu pinalesayamo hi beleng-Ku haha aijo' da bolimo jojoong i lipu' anu binee'-kumo hi aha. Ka' mule' Ku pala'imo na Laigan aiya anu tinantukan-Kumo bau ponsomban Aku. Iyaya mae mian nu Israel saja' opopo ambang ka' okokojoi.

2 TAWARIKH 29:8

Lantas Tumpu notambuha'mo sahingga nohukumo mian nu Yehuda ka' Yerusalem. Ka' belemiu iwi-iwi' nonsumbu'mo apaa na anu binaumo nu Tumpu aijo' nompotolokengkengmo ka' kinabuhukmo.

MAZMUR 39:11

Alinakonmo mae na hukuman anu binee'mo mae nu Belento aiya hi belengku, kalana aku me ise-ise sinilakamo kalana dinokemo mae nu Belento.

MAZMUR 79:4

Kami tinimbalimo han anu lewa' o aluu ka' okokojoi nu to bansa-bansa anu mompaha ohani, aha lewa' mongkokojoi ka' mongalu kami.

YESAYA 26:9

Santuu'ku saja' monginau' Belento de pihimo kinyonyoangku montaha'imani Belento de subu-subumo. De Belento momputusimo palakala nu dunia aiya, nu sumbu'je nu mian anu jojoong idunia aiya apaa na anu sahondo-hondonyo.

YESAYA 43:28

Aha to ima-imam nu beleyum nohumimi'imo Laigan-Ku. Sahingga Israel Ku bee'mo da lewa' o, alu, lee' i Yakub Ku pojohokmo da opateimo.”

YEREMIA 23:40

Ku pojadimo na aha da ma'ambangmo ka' madi'mo kohalaga'nyo sampe toka sidu-sidutu' ka' mule' uki' nu aha madi'mo nu kolilimi nu mian.”

YEREMIA 29:18

Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.

MOHAANGI 2:15

Iwi-iwi' na anu motulu mongalu beleyum, kalana ihansunmo songko-songko na beleyum Aha naha lilokanmo ka' notatae, “Te aijo'mo na kota' anu talalo hondo ma'ima' kota'anu nunu buulakon nu dunia?”

MOHAANGI 2:16

Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

YEHEZKIEL 11:9

Belemiu Ku sabatakonmo mompala'i kota' aiya ka' Ku bee'mo hi mian anu i salipu'an mae. Aku mombee'imo hukuman mate hi belemiu.

YEHEZKIEL 14:8

Akuje na mongewa ia, ka' mompojadimo ia salaku sonto' hi mian sangga'at. Ku sabatakonje na ia da bolimo maninggalum tiba mian da'isan, mian anu palesayamo hi beleng-Ku, sahingga nu sumbu'je nu aha na Aku taalu' Akumo ahi' na Tumpu.

YEHEZKIEL 16:41

Nu papuimo nu aha na laigan nu belemiu iwi-iwi' ka' mompokaumo to bou-boune monsakisi hukuman anu opokonamo hi belemiu. Sumo aijo' na Aku mompobelenti palabuatan nu belemiu sasaja' masala'. Beleyum madi'mo daagi' sola' mombagi-bagiakon palasen hi to sinta-sinta nu beleyum.

YEHEZKIEL 16:57

Ka' palabuatan ma'idek anu binaumo nu beleyum ma'isa sinumbu'? Uuka aiya beleyum pinokakanamo ahi' tiba ia; beleyum tinimbalimo sisik anu sola' okokojoi nu mian Edom, nu mian Filistin, tiba anu mompaha ohani beleyum sangga'at mongkaddeki beleyum.

YEHEZKIEL 23:32

Tumpu Anu Matangkas na Kuasanyo notatae, “Isi nu sasangkin nu utus tu'a nu beleyum tionyo ahi' nu onyop nu beleyum. Sasangkin aijo' daka' ka' maleeng. Isinyo kaho' powedu tiba pongkokojoi nu mian anu tionyo ahi' nu tanggung nu bele nu apaa na nu taloakon nu mian.

YEHEZKIEL 25:17

Ku piboatimo na mohukum aha ka' Ku potudunmo na tambuha'-Ku sampeje ahi' Aku ma'osamo. De nu oa'imo nu aha na tambuha'-Ku nu sumbu'je nu aha taalu' Akumo ahi' na Tumpu.”

YEHEZKIEL 30:19

Sumo aijo' na Aku mohukum Mesir, sahingga nu sumbu'je nu aha taalu' Akumo ahi' na Tumpu.”

YEHEZKIEL 5:16

Ku hansunimo na palasadia'an nu anu okaan nu beleyum ka' mule' mompojohokmo mian anu jojoong hi beleyum da susa'mo i anu okaan. Aha saidi' mae mongoa'imo mosia na kosakisanyo na mo'ohop sumomo ahi' hihis nu pana' anu matajom hondo na monsusuk ka' mompateimo beleyum.

YEHEZKIEL 5:8

Sahingga Aku, Tumpu Anu Matangkas na Kuasanyo mompoto'imo saba' Akumo na sampobali' nu beleyum. Beleyum Ku hukumje i ahop nu to bansa-bansa sangga'at.

IMAMAT 26:32

Lipu' nu belemiu Ku ideimo ingko-ingkot sahingga sampobali' nu belemiu anu nonjojoongimo kiijo' tolokengkengmo na montoa anu ingideanmo hondo aijo'.

NAHUM 1:2

Tumpu madi' mongka'oho' ko anu molingkudui, mian anu molawan Ia tionyo mohumpak hukuman. Kalana talalomo pinusa, Ia nombalosimo kasala'an nu aha.

1 KORINTUS 10:11

Iwi-iwi' anu haha aijo' tinimbalimo hi aha, da bau sonto' hi to mia-mian sangga'at. Ka' iwi-iwi' aijo' tinulismo suele da timbali pompotuka' hi kita. Kalana kita tempo' uuka tumuu' i tempo'mo nu kakiamatan.

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.

PO'ULE' INGULIT 28:46

Balaa' haha aijo', salaku tanda hukuman nu Tumpu hi belemiu ka' hi lee' nu belemiu sampe toka sidu-sidutu'.