YEHEZKIEL 5:14 - KITAB NU TUMPU ALLA LELE MA'IMAI'

¹⁴ Beleyum timbalimo bakas nu kahansunan ka' to bansa-bansa anu mompaha ohani beleyum mongkokojoimo beleyum; mian anu motulu madi'mo mati ohani hi beleyum.

YEHEZKIEL 5:14 ပူးပေါင်းရင်းမြစ်များ

NEHEMIA 2:17

Panyo mamanga ahi' pinoto'ingkumo hi aha, “Soba toa na kita sinansalamo sumo aiya! Yerusalem me himpupuknyo ka' sabatannyo anu toto daka-daka' pinapuanmo nu apu. Imbo' da kita po'ule'mo mombau pagan mesen nu kota' Yerusalem da kita bolimo lewa' o'alu.”

YEREMIA 19:8

Ku potudunmo hi aha na balaa' anu opalias hondo ikota' aiya sahingga batu-batu mian anu motulu ikiijo' tolokengkengmo ka' mabuhukmo.

YEREMIA 23:40

Ku pojadimo na aha da ma'ambangmo ka' madi'mo kohalaga'nyo sampe toka sidu-sidutu' ka' mule' uki' nu aha madi'mo nu kolilimi nu mian.”

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

MOHAANGI 1:4

I tempo'nu sinaa anu polameananmo madi'mo ko samian pe'e na anu toka i Laigan nu Tumpu Allah. To lalangkoyang anu manyanyi kiijo' mae sinansalamo ka' to ima-imam notusa'mo ka' nompele-pele'mo. Madi'mo ko mian isabatan anu toto daka-daka' Kota' Sion sinongkahanmo nu susa'.

MOHAANGI 1:8

Yerusalem pinosi henyuannyomo na butongnyo Kalana nanjoo'mo na dosa' anu binau nu aha. U'utu mae iwi-iwi' moholomati ia, uuka aiya ola mongkokojoi kalana montoa ilanggo'mo Ia notusa'mo ka' nompele-pele'mo kalana ia na ambangmo.

YEHEZKIEL 12:20

Kota-kota' anu tempo uuka aiya kaho ko miannyo anu monjojoongi saidi' mae ohansunimo ka' mule' ale' nu aha iwi-iwi' mategesmo. Sahingga nu sumbu'je nu aha taalu' Akumo ahi' na Tumpu.”

YEHEZKIEL 16:57

Ka' palabuatan ma'idek anu binaumo nu beleyum ma'isa sinumbu'? Uuka aiya beleyum pinokakanamo ahi' tiba ia; beleyum tinimbalimo sisik anu sola' okokojoi nu mian Edom, nu mian Filistin, tiba anu mompaha ohani beleyum sangga'at mongkaddeki beleyum.

YEHEZKIEL 23:32

Tumpu Anu Matangkas na Kuasanyo notatae, “Isi nu sasangkin nu utus tu'a nu beleyum tionyo ahi' nu onyop nu beleyum. Sasangkin aijo' daka' ka' maleeng. Isinyo kaho' powedu tiba pongkokojoi nu mian anu tionyo ahi' nu tanggung nu bele nu apaa na nu taloakon nu mian.

YEHEZKIEL 33:28

Lipu' aijo' Ku pojadimo padang tampat anu mateges ka' liingmo, ka' kakuasa'an nu kabubunakon nu aha aijo' mingkotmo. To bungku-bungkutnyo nu Israel timbalimo liing hondo, sahingga madi' ko mian anu baani motulu ikiijo'.

YEHEZKIEL 36:34

Nai puan mae to mia-mian mamba motulu i padang-pang tampat nu belemiu nontoamo talalo ahi' kun na tano'nyo panyo belemiu timbali po ule'je mule' mongkalaja tano' aijo'.

YEHEZKIEL 6:6

Iwi-iwi' na kota' nu aha Israel ohansunimo, iwi-iwi' na mezbah tiba pilogotnyo o'ideimo ka' oposungkehetmo, anu sola'pompapuan kamangian obiha-biha'mo, ka' mule' iwi-iwi apaa na anu binaumo nu aha madi'mo daagi' otoa.

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.