YEHEZKIEL 5:12 - KITAB NU TUMPU ALLA LELE MA'IMAI'

¹² Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

YEHEZKIEL 5:12 ပူးပေါင်းရင်းမြစ်များ

YESAYA 1:24

Kalana aijo' Tumpu Anu Daka' na Kuasanyo, Tumpu Israel notatae, “O, mian anu monsampobali' Aku, Ku balosakonmo na idekku hi belemiu sahingga belemiu madi'mo monsusa'i Aku.

YEREMIA 13:24

Ku ga'a-ga'atakonmo na belemiu susumo ota' nu tilabakonmo nu mombun anu lengkat mae ipadang tampat anu mateges.

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

YEREMIA 15:2

De nu pokilawa nu aha hi beleyum, pa' moya na tionyo ahi' kalambanan nu aha, taami sumo uuka, ‘Tumpu notatae, anu tinantukanmo silaka kalana masakit bakasmo da ia silakamo nu panyakit. Anu tinantukanmo silaka i uno nu pahampatean bakasmo da ia silaka i uno nu pahampatean. Anu tinantukanmo silaka kalana mo ohop bakasmo da ia silakamo nu ohop! Anu tinantukanmo da ia ohakopmo, bakasmo da ia oboamo salaku miana nu ihakopmo!’

YEREMIA 15:9

Tina nu anak, anu popitu' na anaknyo mo'ane sinilakamo pinoso'mo kalana binotmo na ningkinyonyoa. Kantumuu'annyo madi'mo binalasahaya ingoa'annyo ia madi'mo ingadatan ka' mule' ingambanganmo. Sampobali' nu belemiu pinalentah-ngKumo da mompateimo anu daagi tumuu' atina' hi belemiu. Aku, Tumpu, notataemo.”

YEREMIA 21:9

Batu-batu mian anu jojoong i uno nu kota' saidi' mae silakamo nu pahampatean, kasusa'an i anu okaan, kabai panyakit anu molele. Panyo aha anu mosabatmo mangakumo kalah hi aha mian nu Babel anu hau-haunyomo montumbuhi kota' aiya na tumuu' ahi' madi'mo opatei.

YEREMIA 24:10

Ku potokamo hi aha na pahampatean, kasusa'an i anu okaan, ka' panyakit anu molele sahingga aha ingko-ingkot silakamo ka' madi'mo daagi ko anu tontuha' ilipu' aiya anu binee'-Kumo hi aha ka' hi mompolee' nu aha.”

YEREMIA 42:22

Kalana aijo', tutugi; kiijo' mae ilipu' anu kahanda' olambani nu belemiu ka' jojoongmo tataap kiijo' mae, belemiu silakamo i uno nu pahampatean, kabai kalana kasusa'anmo i anu okaan, kabai kalana panyakit anu molele.”

YEREMIA 44:27

Aku bala usahamo da belemiu silakamo ka' madi'mo mohumpak ka'ima'an i uno nu kantumuu'an, sampe belemiu silakamo iwi-iwi' mau pa' kalana pahampatean kabai kalana panyakit anu molele.

YEREMIA 9:15

Kalana aijo' potombihing mae apaa na anu Kubau, Aku, Tumpu Anu Mahakuasa, Tumpu Allah nu Israel; mian anu palesayamo hi beleng-Ku Ku bee'imo sosu'anon anu mapakat da okaan tiba lasung da o'inum.

YEREMIA 9:16

Aha Ku bee'mo hi to bansa-bansa anu madi' nu sumbu' nu aha kabai mompolee' nu aha. Saja'mo Ku sai na suludadu anu montumbuhi aha sampe Ku pateimo na aha ingko-ingkot.”

YEHEZKIEL 12:14

Iwi-iwi' na anu jojoong ilaigan nu tomundo', tibamo to mia-mian anu sola' mombee'i pokinde' i tomundo' ka' mule' anu monjagai itomundo' aijo' Ku ga'a-ga'atakonmo iyaya mae na tampat. Aha Ku loloi'mo ka' Ku pateimo.

YEHEZKIEL 14:17

Sahingga Ku potokamo mae na pahampatean ilipu' aijo' ka' Ku pakatumo mae na toongon anu bau pahampate toto heba-hebat da bau pompatei manusia kabai binatang.

YEHEZKIEL 14:19

Sahingga Ku potokamo mae na panyakit anu molele ilipu' aijo', ka' Ku lubatakonmo mae na tambuha'-Ku hi aha, sahingga maumo ahi' binatang kabai manusia osilakaimo.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 16:42

Atina'je ka' Aku madi'mo motambuha' ka' tendamo na kinyonyoang-Ku, Aku madi'mo sola' motambuha' kabai sola' mombata-batai.

YEHEZKIEL 21:22

Atina'je ka' sinumbu'nyo taalu' pana' anu totoong ilimanyo koanan ko tulisannyo Yerusalem! Aijo' alati'nyo itomundo' tionyo ahi' montumbuhimo kota' Yerusalem, ka' tolo aismo salaku tanda mahampatemo ka' mompalentahmo suludadunyo mongatun bau pohobo'akon ka' aijo' opokona isabatan daka' nu Yerusalem ka' montambuni nu tano' da bau jalan pontumbuhian ka' mongkekekmo got.

YEHEZKIEL 24:13

O, Yerusalem palabuatan nu beleyum pala-palaganta aijo' nohumimi'imo butong nu beleyum. Aku, nompisobamo nompobelesi' beleyum panyo madi' ahi' kinogunanyo, kalana bele nu tataap ahi' mahumimi'. Beleyum madi'mo po ule' belesi' sahingga Ku potudunmo na tambuha'Ku hi beleyum.

YEHEZKIEL 33:27

Atas sanggong-Ku, Tumpu anu tumuu', Tumpu Anu Matangkas na Kuasanyo, to mia-mian anu jojoong i kota' haha aijo' anu singkapmo i hansun silakamo opatei. Aha anu jojoong i tampat padang anu ewa nu kaanmo nu binatang anu mahangas. Aha anu matisuluk i iwi-iwi na bungkutnyo ka' i to lia-liang silakamo kalana panyakit anu molele.

YEHEZKIEL 36:19

Aha Kuhukumo sitimbang tiba kalakuan nu kantumuu'an nu aha, ka' aha Ku ga'a-ga'atakonmo mamba ilipu-lipu' nu mian anu isali'an.

YEHEZKIEL 43:8

Naipuan mae tomundo' nu aha haha aijo' nombaumo buan nu aita' sabatan tiba ohi' nu sabatan nu laigan nu aha golo-golot ka' buan nu sabatan tiba ohi' nu sabatan nu Laigan-Ku, sahingga me sa'angu' na pimpi' na mongoloti. Aha nohumimi'imo sanggong-Ku anu susi' nu saduakon nu palabuatan nu aha anu okahegatimo. Kalana aijo' Ku silakaimo na aha nu tambuha'-Ku.

YEHEZKIEL 5:10

Tuuma tiba tinanyo mongkaanmo posi anaknyo ka' mule' anak mongkaanmo tuuma tiba tinanyo. Sumo aijo' na aha Ku hukum, ka' anu daagi' tumuu' Ku ga'a-ga'atakonmo oboa i iwi-iwi na tampat.

YEHEZKIEL 5:17

Misa' ola kasusa'an i anu okaan panyo panyakit suele anu molele Ku potokamo mae, ka' mule' buhingison ka' pahampatean anu mompateimo mian anu jojoong atina' hi beleyum, tiba binatang anu toto maha-mahangas mompateimo to ana-anak nu aha. Akumo na Tumpu, anu notataemo.”

YEHEZKIEL 5:2

Sambagian tionyo ahi' nu papui itotonga' nu kota' aijo' de lapasmo na otumbuhi. Ka' sambagian mule' tionyo ahi' nu posusuk i bajak nu beleyum lantas nu lajangakonmo titikup ikota' aijo'. Ka' mule' sambagian anu imihi-mihinyo tionyo ahi' nu sambuangakon mokiita' ilanga, lantas Ku loloi'mo nu bajak-Ku.

YEHEZKIEL 6:8

Daagi' sangkiding na bagian na Ku potumuu' na aha madi opatei panyo aha oga'a-ga'atakonmo mamba hi bansa-bansa sangga'at;

YEHEZKIEL 7:15

I songko-songko na jalan daagi' ko pahampaten, isongko-songko na laigan daagi'mo ko panyakit anu molele ka' madi'mo ko anu okaan. Maumo pa' ihe na anu isambiha' nu kota' saidi' mae silakamo i uno nu pahampatean ka' anu jojoong i kota' silakamo nu panyakit ka' silakamo nu ohop.

YEHEZKIEL 7:3

Tumpu notatae, “O, Israel, uuka aiya tinokamo na ka ahenannyo nu beleyum. Beleyum mongoa'imo tambuha'-Ku. Kuputusimo na hukuman nu beleyum sitimbang tiba palabuatan nu beleyum mahu-mahumimi' atina'.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

AMOS 9:4

De aha nu boamo nu sampobali', Ku palentahje da aha opatei. Kahanda'-Ku da ohopu'imo na aha, ka' madi'mo montulungi aha.”

AMOS 9:9

Ku palentahmo da o tapiimo na bansa Israel susumo mian montapii gandum i kiapan. Da o'alini iwi-iwi' na anu madi' ko gunanyo anu aijo' hi aha, Ku pokalangkabutmo na aha hi to bansa-bansa.

ZAKHARIA 7:14

Sumomo ahi' tambusisi' na Aku nonsapui aha, sahingga aha talapakisa jinojoongmo ahi' i lipu' nu aha anu i salipu'an mae. Tano' anu maomuk iliingmo hondo ka' madi'mo ko anu monjojoongi ka' mule' kinuunmo.”

PO'ULE' INGULIT 28:65

Kiijo' mae hi bansa haha aijo' madi' mohumpak kasanangan nu kantumuu'an, ka' madi' ko tampat anu timbali osanggo anumo nu belemiu; Tumpu mompotimbalimo belemiu da hentemo hondo-hondo madi'mo ko anu otaha'imani.

ANU PINOTO'I HI YOHANES 6:8

Aku nontoa, lantas nondinmo sa'angu' na ajahan anu me'es. Anu nonsake'i sanggonyo Kapatean. Aitu mae i hikunyo, batu-batuk, ka' ohani hondo na Dunia Kapatean. Dunia aiya o bagi opat sambagian na obee' hi aha da nukuasai nu aha, da nupatei nu aha i uno nu pahampatean, kasusa'an i anu o kaan, panyakit anu molele, ka' nukaan nu to bina-binatang anu bahangihi'.