YEHEZKIEL 5:11 - KITAB NU TUMPU ALLA LELE MA'IMAI'

¹¹ Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

YEHEZKIEL 5:11 ပူးပေါင်းရင်းမြစ်များ

2 TOMU-TOMUNDO' 21:4

Pinoto'imo nu Tumpu tukoonyo Yerusalem na tampat katokaan-Nyo, ka' tampat ponsomban Ia, panyo aijo' i Laigan nu Tumpu, singkapmo binauan i Manasye mezbah ponsomban pilogot.

2 TOMU-TOMUNDO' 21:7

Pontandai Pilogot boune Asyera pino'una'nyomo i uno nu Laigan nu Tumpu, padahan tampat aijo' pinoto'imo nu Tumpu hi Daud ka' hi Salomo anaknyo momo'ane. “Laigan-Ku tiba kota' Yerusalem aiya, pinile'an-Kumo hi sampulu' ka' ohua' na tulunan nu bansa Israel, anu jojoong i da'erah aiya, aiyamo na tampat anu tinantukan-Ku salaku tampat ponsomban Aku.

2 TOMU-TOMUNDO' 23:12

Mezbah haha aijo' anu binau nu to tomu-tomundo' nu Yehuda anu aita i atopnyo i bawo nu to sali-salipi' i Tomundo' Ahas, ingideannyomo Ka' suele iwi-iwi' na mezbah anu binau i Tomundo' Manasye anu aijo' i ohu-ohua' na natan nu Laigan nu Tumpu, ingideanmo i Yosia ka' ingalinnyomo i Bangka'nyo nu Kidron.

2 TAWARIKH 33:4

Pinoto'imo nu Tumpu tukoonyo sampe toka sidu-sidutu' Yerusalem aijo'mo na tampat ponsomban Ia. Panyo kiijo' mae i Laigan nu Tumpu aijo', binaumo i Manasye na mezbah bau ponsomban to pilo-pilogot.

2 TAWARIKH 33:7

Patong nu pilogot pino'una'nyomo i uno nu Laigan nu Tumpu, padahan tampat aijo' polo'mo pinoto'i nu Tumpu Allah hi Daud ka' hi Salomo anaknyo momo'ane, “Laigan-Ku i Yerusalem aiya, anu pinile'an-Kumo hi anu sampulu' ka' ohua' na da'erah tulunan nu aha Israel aijo'mo na tampat anu tinantukanmo bau tampat ponsomban Aku sampe toka sidu-sidutu'.

2 TAWARIKH 36:14

Ka' mule' Laigan nu Tumpu anu tinantukanmo nu Tumpu bau ponsomban butong-Nyo pinohumimi'mo nu to pola-polaya' Yehuda, to ima-imam; ka' mian da'isan, kalana aha suele nonsombahmo pilogot ka' nombatukimo kabiasa'an nu kantumuu'an anu baladosa' tiniho i bansa-bansa anu mompaha'ohani aha.

AYUB 27:22

Balaa' anu nontuda'imo ia aijo' madi'mo nonginau' kalibosan, jadi bemanau' sahanyo ahi' nopalaimo molio paninsulukan.

MAZMUR 107:39

Panyo aha pinatundu'mo ka' madi'mo nanjoo' kalana kasansala'an ka' talalomo pinosakisa hondo.

MAZMUR 95:11

Sahingga kalana anu notambuha'mo, aku binasumpa'mo, aha madi'mo timbali minsoop i lipu' aijo' da milawe hingga-hinggat tiba aku.”

YEREMIA 10:24

Doke mae na kami o Tumpu panyo boli ahi' talalomo opolanit na mondoke mae. Ka' boli ahi' mohukum mae kami de Belento hau-haunyomo pusa, kalana tantu kami silakamo ingko-ingkot.

YEREMIA 16:18

Dosa' tiba palabuatan ma'idek nu aha Ku balosakonmo nu hukuman pinduan lipat, kalana aha nohenyuimo lipu'-Ku nu pilogot manjoo' hondo. Pilogot haha aijo' madi' konyawanyo sumomo ahi' bangke' nu mian anu sinilakamo.”

YEREMIA 32:34

Pakalaus laigan anu binau da bau tampat ponsomban mae Aku ihumimi'anmo nu aha aijo'mo aha nompo una'mo bapilogotan nu aha anu mompobubun ilu itampat aijo'.

YEREMIA 44:4

Aku saja'mo nompokau namba hi belemiu to posa-posaihon-Ku aijo'mo to nabi-nabi, anu nontewa' aha da bolimo mombau palabuatan anu ma'idek anu Ku ka'ideki aijo'.

MOHAANGI 2:17

Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

YEHEZKIEL 11:18

De aha minsusule'mo mae, iwi-iwi' na pilogot anu mahumimi' ka' okahegati tionyo ahi' nu alin nu aha na anu ingalamo nu aha.

YEHEZKIEL 11:21

Panyo aha to mia-mian anu saja' mongka'ima'i monsombah pilogot anu mahumimi' ka' okahegati Ku hukumo kalana kalakuan nu aha anu ma'idek aijo'.” Sumo uuka na potatae nu Tumpu Anu Matangkas na Kuasanyo.

YEHEZKIEL 23:28

Tumpu Anu Matangkas na Kuasanyo notatae, “Ku bee'mo na beleyum hi aha to mia-mian anu nompobubunmo nu ka'ideki nu beleyum.

YEHEZKIEL 23:38

Ka' misa' ola sijo'. Aha suele ahi' nohumimi'imo Laigan-Ku Ka' sinaa nu Sabat anu pinotataap-Kumo aijo'.

YEHEZKIEL 23:39

I sinaa pipinompateianmo nu aha to ana-anak-Ku ka' sinombahkonnyomo hi to pilo-pilogot, ua-ua'aha na anu moto utus aijo' tinokamo mae i Laigan-Ku ka' nohumimi'imo!

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 29:15

anu madi' hondo mahoson isongko-songko na dunia. Ku pojadi na belemiu madi' hondo mahoson sahingga belemiu madi' moko ala mompalentah bansa-bansa sangga'at kabai ko bubuun hi aha.

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

YEHEZKIEL 43:8

Naipuan mae tomundo' nu aha haha aijo' nombaumo buan nu aita' sabatan tiba ohi' nu sabatan nu laigan nu aha golo-golot ka' buan nu sabatan tiba ohi' nu sabatan nu Laigan-Ku, sahingga me sa'angu' na pimpi' na mongoloti. Aha nohumimi'imo sanggong-Ku anu susi' nu saduakon nu palabuatan nu aha anu okahegatimo. Kalana aijo' Ku silakaimo na aha nu tambuha'-Ku.

YEHEZKIEL 44:7

Aha nohumimi'imo Laigan-Ku, kalana hau-haunyo lompo'nyo tiba baso'nyo nu koloban osombahkonmo hi beleng-Ku aha mompobee'mo to mia-mian anu isalipu'an mae minsoopmo i unonyo padahan madi' sinunat ka' anu madi' montuluti Aku. Kalana palabuatan-palabuatan nu aha anu okahenyui aijo', aha nolanggaimo palajanjian-Ku tiba aha.

YEHEZKIEL 5:7

Tumpu Anu Matangkas na Kuasanyo notatae, “O, Yerusalem, potombihing mae! Beleyum madi'mo nontuluti iwi-iwi na palentang-Ku ka' mule' iwi-iwi na atulan-Ku: beleyum talalo hondo madi' mompajuli nu lingkuduimo na bansa-bansa sangga'at anu mompaha ohani beleyum ka' mule' nontulutimo adat nu bansang haha aijo'.

YEHEZKIEL 7:20

U'utu mae aha binulonmo nu mainan nu aha anu toto ima-ima', panyo kalana aijo' nu pake nu aha bau bapilogotan haha aijo' anu okahegati, sahingga Tumpu nompojadimo halata' hu aha aijo' da tinimbali anu okabuhuk.

YEHEZKIEL 7:4

Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

YEHEZKIEL 7:9

Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

YEHEZKIEL 8:15

Tumpu nompokilawamo mae hi belengku, “O, manusia anu madi' tumuu' batu, tinoamo nu beleyum na han aijo'? Daagi' lebe manjoo' mule' na aku okahegati.”

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

YEHEZKIEL 9:5

Ihongongku na Tumpu notatae hi mian sangga'at, “Batuki na ia mamba isongko-songko na kota' ka' pateimo na mian madi' timbali o, ampuni.

IMAMAT 15:31

Tumpu nompokaumo i Musa mompo'ingat bansa Israel da sabole-bole monginau' hipian na aha mahumimi' ka' hipian na aha madi'mo mahumimi', da aha madi' mohumimi'i Kemah nu Tumpu anu aijo' i totonga' nu kemah nu aha. De aha mohumimi'i Kemah aijo', aha silakamo.

AMOS 8:7

Tumpu, bansa nu Israel, binasumpa'mo “Aku totu-totu'u madi' mongkolilimi kalakuan nu aha anu ma'idek.

ZAKHARIA 11:6

Aku madi'mo daagi' kokalibosan maumo pa'hihe na mian ilipu' aiya. Ku bee'mo iwi-iwi' na miannyo hi aha anu balakuasa. Aha aijo' mohansunimo lipu' aiya, ka' Aku madi'mo mompo ago aijo' ikakuasa'an nu aha.”

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

ROMA 11:12

Kalana bansa Yahudi nombaumo sala' ka' madi'mo nohongo-hongo pongka'oho' nu Tumpu, sahingga bansa-bansa sangga'at binalakatanmo nu Tumpu. Apaa mule' de pompahasumbu'an nu bansa Yahudi tiba Tumpu nompo'ule'mo na'ima'; tantu lebe daka' na balakat anu Nubee' nu Tumpu!

ROMA 11:21

Kalana de Tumpu madi' nolibos, sahingga nongalinmo mian nu Yahudi anu susumo to panga-panga', anu panga'nyo ahi' memang totu-totu'u aijo', boli taha'iman Ia molibos na mongalin kita Utus!

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

IBRANI 6:13

Tempo'nyo Tumpu binajanji' hi Abraham, Ia binasumpa'mo tukoonyo, nu bauje apaa na anu jinanji'nyomo. Ka' kalana madi' ko anu lebe matangkas molingkudui Tumpu, sahingga Ia binasumpa'mo i posi sanggo-Nyo.