YEHEZKIEL 5:10 - KITAB NU TUMPU ALLA LELE MA'IMAI'

¹⁰ Tuuma tiba tinanyo mongkaanmo posi anaknyo ka' mule' anak mongkaanmo tuuma tiba tinanyo. Sumo aijo' na aha Ku hukum, ka' anu daagi' tumuu' Ku ga'a-ga'atakonmo oboa i iwi-iwi na tampat.

YEHEZKIEL 5:10 ပူးပေါင်းရင်းမြစ်များ

2 TOMU-TOMUNDO' 6:29

Kalana aijo' kami nongunjangmo anaku momona lantas kinaanmo mami. Dodododopnyo salatan pinoitangkumo na anaknyo da o unjangmo mami, anaknyo pinosuluknyomo!”

NEHEMIA 1:8

O Tumpu, o'inau' na potatae nu Belento anu tinaeakonmo i Musa apaa na anu pinalentahkonmo nu Belento, tukoonto, de kami mian nu Israel madi' tulu-tulutan hi belento, kami obagi-bagimo nu Belento mamba i bansa-bansa sangga'at.

MAZMUR 44:11

Pinojohokmo nu Belento na kami mopalaimo mompala'i sampobali' mami ka' ingagoanmo nu aha na halata' mami.

YESAYA 49:26

Ku potimbalimo na sampobali' nu beleyum da mangoa i baso', sahingga aha mompaha pate-pateimo. Jadi iwi-iwi' na manusia saidi' mae monsumbu'mo, taalu' Akumo ahi', na Tumpu Anu momposalamat beleyum; Anu Mahoson hondo, Tumpu i Yakub Anu nontobusmo beleyum.”

YESAYA 9:20

Aha mian nu Manasye tiba aha mian nu Efraim mompaha tumbu-tumbuhimo lantas mosangalumo mongewa Yehuda. Panyo Tumpu daagi' ahi' tataap motambuha' ka' tataap mule' ahi monabu'akon hukuman.

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEREMIA 19:9

Sampobali' montumbuhimo mae kota' aiya, ka' bala usahamo mompatei miannyo anu jojoong ikiijo'. Nontumbuhi aijo' tinalalomo hondo na kino ideknyo, sahingga aha to mia-mian anu i uno nu kota' aiya nompaha kakaanmo sangalunyo ka' mule' ahi' posi to ana-anak nu aha suele.”

YEREMIA 44:12

Ka' de maluanyo aha mian nu Yehuda anu daagi' tinontuha' suele ko kahanda' mamba i Mesir, da jojoongmo kiijo' mae, saba' aha suele silakamo ahi' iwi-iwi'. Aha iwi-iwi' anu tu'amo kabai anu daagi' anak silakamo i Mesir i uno nu pahampatean, kabai kalana kasusa'anmo i anu okaan. Mian timbalimo mabuhuk na montoa kantumuu'an nu aha ka' lewa'mo mongalu aha. Sanggo nu aha lewa'mo opake salaku bau pongkutuki.

YEREMIA 49:32

Tumpu nompoto'i mule' hi Nebukadnezar, “Agoimo na unta nu aha iwi-iwi' aijo' ka' mule' sinin na potuu'on nu aha! To mia-mian anu singkapmo ginunting kodo-kodo' na ubak nu aha Ku bee'mo mamba pa' iyaya mae. Ku potokamo mae na balaa' hi aha lengkat iyaya mae.

YEREMIA 49:36

Ku puhakonmo na mombun mamba hi Elam lengkat mae iyaya na tampat, ka' momposungkehetmo miannyo anu jojoong ikiijo' mamba iyaya mae sahingga madi' ko sa'angu' na lipu' na madi' kinalambanan nu mian anu nalai mae lengkat i Elam.

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

YEREMIA 9:16

Aha Ku bee'mo hi to bansa-bansa anu madi' nu sumbu' nu aha kabai mompolee' nu aha. Saja'mo Ku sai na suludadu anu montumbuhi aha sampe Ku pateimo na aha ingko-ingkot.”

MOHAANGI 2:20

O Tumpu toamo ahi' ka' palahatikan na aha anu sinsalamo nu belento aijo'! Pa' daagi ko anu toho'mo binau nu belento susumo aijo'? Tinanyo nongkaanmo posi anaknyo anu talalo hondo nu kalibosi, imam tiba nabi pinateanmo i uno nu Laigan nu belento anu susi'.

MOHAANGI 4:10

Talalo hondo okabuhuk na balaa' aijo' anu nontuda'i mo mianku anu palesayamo sahingga to tina-tina anu ma'ima' na kinyonyoanyo nongunjangmo posi anaknyo da bau pongisi kompong.

MOHAANGI 4:16

Tumpu madi'mo daagi' mompalahatikan mian-Nyo anu palesayamo; posi ia mo na nongga'a-ga'atakon aha ka' nombau to ima-imam madi'mo daagi' o'angga'i; to pola-polaya' madi'mo ko anu mongkalibosi.

MOHAANGI 4:3

Sadangkan tinanyo nu serigala momposusumo anaknyo, panyo mianku anu palesayamo talalo hondo buhingison susumo tomonsi' unta i padang.

YEHEZKIEL 12:14

Iwi-iwi' na anu jojoong ilaigan nu tomundo', tibamo to mia-mian anu sola' mombee'i pokinde' i tomundo' ka' mule' anu monjagai itomundo' aijo' Ku ga'a-ga'atakonmo iyaya mae na tampat. Aha Ku loloi'mo ka' Ku pateimo.

YEHEZKIEL 12:15

De aha Ku ga'a-ga'atakonmo oboa hi aha bansa-bansa sangga'at i iwi-iwi na lipu' nu mian anu isalipu'an atina'je ka' nusumbu' nu aha taalu' Akumo ahi' na Tumpu.

YEHEZKIEL 17:21

Suludadunyo anu toto hoso-hoson silakamo i uno nu pahampatean ka' anu moko ala mopalai mosungke-sungkehetmo pa' moya. Sahingga nu sumbu'je nu mian anu palesayamo hi beleng-Ku taalu' Akumo ahi' na Tumpu anu notataemo.”

YEHEZKIEL 20:23

I padang tampat anu kaho bone'nyo aijo', suele Aku nompohosonmo nu sumpa' tukoong-Ku, Ku ga'a-ga'atakonmo na aha mamba isongko-songko na dunia,

YEHEZKIEL 22:15

Ku ga'a-ga'atakonmo na mian anu atina' jojoong hi beleyum mamba hi iwi-iwi' na lipu' ka' bansa ka Ku pobelentimo na palabuatan nu beleyum ma'i-ma'idek atina'.

YEHEZKIEL 36:19

Aha Kuhukumo sitimbang tiba kalakuan nu kantumuu'an nu aha, ka' aha Ku ga'a-ga'atakonmo mamba ilipu-lipu' nu mian anu isali'an.

YEHEZKIEL 5:12

Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

YEHEZKIEL 5:2

Sambagian tionyo ahi' nu papui itotonga' nu kota' aijo' de lapasmo na otumbuhi. Ka' sambagian mule' tionyo ahi' nu posusuk i bajak nu beleyum lantas nu lajangakonmo titikup ikota' aijo'. Ka' mule' sambagian anu imihi-mihinyo tionyo ahi' nu sambuangakon mokiita' ilanga, lantas Ku loloi'mo nu bajak-Ku.

YEHEZKIEL 6:8

Daagi' sangkiding na bagian na Ku potumuu' na aha madi opatei panyo aha oga'a-ga'atakonmo mamba hi bansa-bansa sangga'at;

DANIEL 9:7

O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.

IMAMAT 26:29

Belemiu madi'mo ko kaanon sahingga belemiu mongkaanmo posi to ana-anak nu belemiu.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

AMOS 9:9

Ku palentahmo da o tapiimo na bansa Israel susumo mian montapii gandum i kiapan. Da o'alini iwi-iwi' na anu madi' ko gunanyo anu aijo' hi aha, Ku pokalangkabutmo na aha hi to bansa-bansa.

ZAKHARIA 2:6

Tumpu notatae hi mian anu palesayamo hi Ia, “Aku nomposungkehetmo belemiu namba isongko-songko na tampat. Panyo uuka aiya o to mia-mian anu binoamo ka' pinojoongmo i sa'angu' na tampat pala'imo mae na Babel ka' mule' pinsusule'mo mae i Yerusalem.

ZAKHARIA 7:14

Sumomo ahi' tambusisi' na Aku nonsapui aha, sahingga aha talapakisa jinojoongmo ahi' i lipu' nu aha anu i salipu'an mae. Tano' anu maomuk iliingmo hondo ka' madi'mo ko anu monjojoongi ka' mule' kinuunmo.”

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

PO'ULE' INGULIT 28:64

Tumpu mongga'a-ga'atakonmo belemiu mamba hi bansa-bansa anu i songko-songko na dunia aiya. Ikiijo' mae belemiu monsombahmo to pilo-pilogot anu kau' ka' batu na binau, to pilo-pilogot anu madi' osumbu' nu belemiu ka' suele madi' nusumbu' nu mompolee' nu belemiu.

PO'ULE' INGULIT 32:26

Aku kahanda'mo mompatei aha iwi-iwi', da aha madi'mo lewa' o inau'.

PO'ULE' INGULIT 4:27

Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.