YEHEZKIEL 48:14 - KITAB NU TUMPU ALLA LELE MA'IMAI'

¹⁴ Maumo ola sanjangan na tano' aijo' madi' timbali nu pobaluk nu aha kabai nu potolos nu aha; bahagian anu ma'ima' hondo na tano' nu aha Israel madi' timbali molalin hi lima nu mian sangga'at, kalana tano' aijo' pinosadiamo bau bagi nu Tumpu ka' iamo na tumpu-Nyo.

YEHEZKIEL 48:14 ပူးပေါင်းရင်းမြစ်များ

NOSABATMO 22:29

Toka i tempo'nyo anu tinantukanmo, sombahkonmo hi beleng-Ku na bua' nu gandum nu belemiu, sambahagian, ueenyo nu anggur nu belemiu, lanya' nu zaitun nu belemiu. Bee' mae hi beleng-Ku na to ana-anak tumpe mo'ane nu belemiu

NOSABATMO 23:19

Sataun toka sataun belemiu tionyo ahi' momboa i Laigan nu Tumpu Allah nu belemiu, gandum anu momonanyo pinadak nu belemiu. Antoknyo nu anak nu domba kabai anak nu mee' madi' timbali okola' tiba juu' nu susu nu tinanyo.”

YEHEZKIEL 48:12

Kalana aijo' kona hi lee' mae i Zadok aijo' tionyo ahi' obee'i tano' anu pinosadiamo isohipi' nu tano' anu saidi' mae obee'mo hi aha mian nu Lewi. Ka' tano' anu pinosadiamo aijo' susi' hondo.

YEHEZKIEL 48:13

Tano' nu aha mian nu Lewi haha aijo' komantannyo 12,5 kilometen lengkat mae isasu kabete'an lamba-lamba sasu kinsoban, ka' kobolanyo 5 kilometen lengkat mae isasu utara lamba-lamba isasu salatan ka' mompahaduhus tiba tano' nu aha to ima-imam.

IMAMAT 23:20

Roti ka' ohua' na anak nu domba aijo' tionyo ahi' osombahkon nu imam salaku palasombahan anu obee' hi Tumpu, ka' aijo' baumo bagi' nu imam. Palasombahan haha aijo' susi'.

IMAMAT 25:32

Panyo aha mian Lewi ko hak maumo pa' tempo' apaa na mololo'i halata' nu aha i to kota-kota anu tinantukanmo hi aha.

IMAMAT 25:34

Panyo hemput padang anu ohani i kota nu aha tulunan bansa Lewi madi' timbali opobaluk. Aijo' aha mian nu Lewi na tumpunyo sampe toka sidu-sidutu'.

IMAMAT 27:28

Madi' ko samian pe'e na timbali mompobaluk kabai montobus apaa na anu samata-mata obee'mo hi Tumpu, pa' aijo' manusia, binatang kabai tano'. Aijo' anumo nu Tumpu sampe toka sidu-sidutu'.

ROMA 8:23

Ka' misa' ola songko-songko na dunia na motusa'; kita suele motusa' i uno nu kinyonyoanto. Kita nohumpakmo Roh nu Tumpu Allah, panyo kita daagi' po'ule' montanda'i Tumpu mompobebas butongto iwi-iwi' ka' mompotimbali kita to ana-anak-Nyo.