YEHEZKIEL 48:13 - KITAB NU TUMPU ALLA LELE MA'IMAI'

¹³ Tano' nu aha mian nu Lewi haha aijo' komantannyo 12,5 kilometen lengkat mae isasu kabete'an lamba-lamba sasu kinsoban, ka' kobolanyo 5 kilometen lengkat mae isasu utara lamba-lamba isasu salatan ka' mompahaduhus tiba tano' nu aha to ima-imam.

YEHEZKIEL 48:13 ပူးပေါင်းရင်းမြစ်များ

NOSABATMO 23:19

Sataun toka sataun belemiu tionyo ahi' momboa i Laigan nu Tumpu Allah nu belemiu, gandum anu momonanyo pinadak nu belemiu. Antoknyo nu anak nu domba kabai anak nu mee' madi' timbali okola' tiba juu' nu susu nu tinanyo.”

YEHEZKIEL 45:3

Sambahagian na tano' aijo' anu komantannyo 12,5 kilometen ka' kobolanyo 5 kilometen aijo'mo na oposadia pombauan Laigan nu Tumpu, aijo'mo daerah anu susi' hondo.

YEHEZKIEL 45:5

Sambahagian mule' na tano' aijo' anu ko ewanyo 12,5 kilometen okali 5 kilometen aijo'mo na oposadia bau bagi nu aha mian Lewi anu mokalaja i uno nu Laigan nu Tumpu. Ikiijo'mo na pombauan kota' anu bau kajojoongan nu aha.

YEHEZKIEL 48:12

Kalana aijo' kona hi lee' mae i Zadok aijo' tionyo ahi' obee'i tano' anu pinosadiamo isohipi' nu tano' anu saidi' mae obee'mo hi aha mian nu Lewi. Ka' tano' anu pinosadiamo aijo' susi' hondo.

YEHEZKIEL 48:14

Maumo ola sanjangan na tano' aijo' madi' timbali nu pobaluk nu aha kabai nu potolos nu aha; bahagian anu ma'ima' hondo na tano' nu aha Israel madi' timbali molalin hi lima nu mian sangga'at, kalana tano' aijo' pinosadiamo bau bagi nu Tumpu ka' iamo na tumpu-Nyo.

IMAMAT 25:34

Panyo hemput padang anu ohani i kota nu aha tulunan bansa Lewi madi' timbali opobaluk. Aijo' aha mian nu Lewi na tumpunyo sampe toka sidu-sidutu'.

LUKAS 10:7

Jojoong ola i sa'angu' na laigan. Talima apaa na anu nubagiakon i kiijo' hi komiu, kalana mian mokalaja ko hak montalima tamboonyo. Bolimo molali-lalin lengkat i laigan sa'angu' mamba i laigan sangga'at.

PO'ULE' INGULIT 12:19

Ojaga boli sampe belemiu mompojohok aha sa'anakan mian nu Lewi mohumpak kasusa'an hau-haunyo belemiu jojoongmo i lipu' aijo'.