YEHEZKIEL 48:11 - KITAB NU TUMPU ALLA LELE MA'IMAI'

¹¹ Daerah anu pinosadiamo aijo' ahamo to ima-imam na tumpunyo anu tulunan mae i Zadok. Aha tinulu-tulutanmo na nombau apaa na anu pinalentahkon nu Tumpu ka' madi' susumo aha mian nu Lewi anu bubu' mae sa'a-sa'angu' na tulunan, nonombaumo dosa' suele tiba aha mian nu Israel sangga'atannyo.

YEHEZKIEL 48:11 ပူးပေါင်းရင်းမြစ်များ

YEHEZKIEL 14:11

Iwi-iwi' aijo' Ku baumo da aha mian nu Israel bolimo daagi' matikojo'on madi'mo mae ohani hi belengku, ka bolimo mule' ohumimi'i nu dosa' na butong nu belemiu. Tiba jalan anu sumo aijo' aha timbalimo mian anu palesayamo hi beleng-Ku, ka' Aku timbalimo Tumpu nu aha.” Aku, Tumpu Anu Matangkas na Kuasanyo notataemo.

YEHEZKIEL 40:46

ka' mule' laigan anu mongahopi utara pinosadia da bau kajojoongan nu to ima-imam anu mokalaja imezbah. Iwi-iwi' na imam haha aijo' tionyo ahi' lee' i Zadok. Kalana hi tulunan mae nu bansa Lewi ola hi lee' i Zadok na timbali mangadap hi Tumpu mombau apaa na anu Nu palentahkon monsombah Ia.

YEHEZKIEL 43:19

Ola ahi' imam lee' mae i Zadok anu lee' mae nu tulunan nu bansa Lewi na timbali toka mae i ahop-Ku mongatun palasombahan osombahkon. Aku, Tumpu Anu Matangkas na Kuasanyo na nompalentahkonmo han aijo'. Bee'i na aha sa'angu' na sapi' mo'anenyo anu daagi' bata'nyo da bau koloban pongampuni dosa'.

YEHEZKIEL 44:10

Tumpu notataemo mae hi belengku, “Ku hukumo na aha mian nu Lewi anu nosangaja'mo aha mian nu Israel sangga'at, aha nohikumo Aku ka' nonsombahmo pilogot.

YEHEZKIEL 44:12

Panyo kalana aha nombaumo pakalaja'an monsombah pilogot hi aha bansa Israel, ka' tiba jalan aijo' sahingga nonsaduakonmo bansang aijo' binaladosa'mo, sahingga Aku, Tumpu Anu Matangkas na Kuasanyo binasumpa'mo saba' aha aijo' tionyo ahi' ohukumo.

YEHEZKIEL 45:4

Tano' aijo' susi', ka' pinosadiamo bau bahagian nu to ima-imam anu obee'imo pakalaja'an mongatur palasombahan i Laigan nu Tumpu. Sambahagian na tano' aijo' pombauanmo laigan nu aha ka' sambahagian mule' pombauanmo Laigan nu Tumpu.

YEHEZKIEL 48:12

Kalana aijo' kona hi lee' mae i Zadok aijo' tionyo ahi' obee'i tano' anu pinosadiamo isohipi' nu tano' anu saidi' mae obee'mo hi aha mian nu Lewi. Ka' tano' anu pinosadiamo aijo' susi' hondo.

IMAMAT 8:35

Pitun sinaa na kopinnyo sinaa ka' pihi, belemiu tionyo ahi' sabole-bole jojoong i ahop nu sabatan nu Kemah mombau apaa na anu pinalentahkonmo nu Tumpu. De belemiu madi' mombau, belemiu matemo. Aijo'mo na pinalentahkon nu Tumpu hi belengku.”

1 PETRUS 5:4

Ka' de saidi' mae Polaya' Anu Talasanggo aijo' tokamo mae, komiu mohumpakmo makota anu jongkilaban, anu madi' toho' mingkot na jongkilabannyo.

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.