YEHEZKIEL 47:6 - KITAB NU TUMPU ALLA LELE MA'IMAI'

⁶ Lantas mian aijo' notataemo mae hi belengku, “O manusia anu madi' tumuu' batu, palahatikan ima-ima' na aiya iwi-iwi'.” Lapas aijo' po ule'mo aku binoanyo ninsusule' nontusakonmo kaunyo aijo',

YEHEZKIEL 47:6 ပူးပေါင်းရင်းမြစ်များ

YEHEZKIEL 40:4

Mo'ane aijo' notataemo mae hi belengku, “O manusia anu madi' tumuu' batu, potombihing mae ima-ima' ka' opalahatikan iwi-iwi' na anu ku potoa hi beleyum, kalana makisud aijo' sahingga beleyum binoamo mae no uuka. Poto'i hi aha iwi-iwi' bansang Israel apaa na anu tinoamo nu beleyum.”

YEHEZKIEL 44:5

ka' Tumpu notataemo mae hi belengku, “O manusia anu madi' tumuu' batu, palahatikan ima-ima' apaa na anu tinoamo nu beleyum ka' ihongomo nu beleyum. Ku poto'imo hi beleyum iwi-iwi' na palentah tiba atulan mongkona Laigan-Ku aiya. Tulis ima-ima' ihehe na anu timbali opobee' minsoop i Laigan-Ku ka' mule' ihehe na anu madi' opobee'.

YEHEZKIEL 8:17

Tumpu notatae hi belengku, “O, manusia anu madi' tumuu' batu, tinoamo nu beleyum na aijo'? Aha mian nu Yehuda haha aiya madi' puas de ola mombau hahan anu okahegati haha aijo' ka' palabuatan-palabuatan anu misa'mo palabuatan nu manusia isongko-songko na lipu'. Panyo aha mombau mule' ahi' palabuatan haha aijo' i uno nu Laigan-Ku aiya ka' nonsaduakonmo Aku da nompaka potambuha' mule'. Soba toa mosia na aha mongambangimo mae Aku nu palabuatan anu mahumimi' hondo aiya!

YEHEZKIEL 8:6

Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu jinadimo? Palahatikan na palabuatan-palabuatan anu okahegati bibinaumo nu aha Israel anu nompojo'onmo Aku i Laigan-Ku! Imbo'da Kupotoa hi beleyum hahan anu lebe mahumimi' mule'.”

ZAKHARIA 4:2

Pinokilawanyo mae, “Apaa na anu tinoamo nu beleyum?” “Sa'angu' na sulaan nu sulu' mosoni' na tinutuk,” na koongku. “Aita mae i pupusnyo daagi' ko tampat bau pongisian lanya', ka' anu montikubi popitu' na sulu' ka' toto sa'angu' ko tampat bau pompokonan sumbunyo.

ZAKHARIA 5:2

Malaekat aijo' nompokilawamo mae pa' apaa na anu tinoangkumo aijo'. Tinaamanku, “Sa'angu' na lulunan nu kitab i lumahapmo nokiita' i langa. Komantannyo osio' na meten ka' kobolanyo opat ka' mintonga' na meten.”

MATIUS 13:51

“Pa' komiu mangalati' iwi-iwi' aijo'?” Pinokilawa i Yesus. “Mangalati' Kita Tuumangku!” tinaaman nu aha.