YEHEZKIEL 47:13 - KITAB NU TUMPU ALLA LELE MA'IMAI'

¹³ Tumpu Anu Matangkas na Kuasanyo notatae, “Aiya na potempasan nu tano' haha aijo' anu obagi-bagiakon hi aha sampulu' ka' ohua' na tulunan nu bansa Israel. Tulunan nu bansa i Yusuf nohumpak ohua' na bahagian.

YEHEZKIEL 47:13 ပူးပေါင်းရင်းမြစ်များ

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

KAJADIAN 48:5

I Yakub notatae mule', “Yusuf, ua-ua'aha na anak nu beleyum i Efraim ka' i Manasye anu i hampe i Mesir aiya ma'isa pe'e aku tinoka i aiya, aijo' sumo-sumomo anakku, pokakanamo sumo i Ruben ka' i Simeon.

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

1 TAWARIKH 5:1

I Ruben aijo'mo na anak tumpe i Yakub. Panyo kalana i Ruben nompatiduhusimo sala'samian na ambuhue' nu tuumanyo, sahingga sanggo nu ambuhue' aijo' madi'mo na'ima', mokonyo' aijo' haknyo salaku anak tumpe madi'mo binee' hi ia, panyo binee'mo hi Yusuf. Maumo sumo aitu, panyo anu baani hondo na lee' i Yakub misa' i Yusuf panyo tulunan nu bansa Yehuda. Ka' anu momona tinimbali tomundo' hi aha mian nu Israel iwi-iwi' aijo'mo nolengkat mae hi tulunan nu bansa Yehuda aijo'.

KAJADIAN 49:26

Balakat nu Tumpu Allah, nu tuuma nu beleyum molingkudui kakaya'an nu to bungku-bungkutnyo anu pininmo hondo. O amalakon da balakat aijo' toka mae iwi-iwi' aita' i ubak i Yusuf, aita' i siakannyo. Iamo na anu talasanggo molingkudui to utu-utusnyo.

YEHEZKIEL 48:29

Tumpu Anu Matangkas na Kuasanyo notatae, “Sumo aijo' na tionyo ahi' mombagi tano' aijo' hi aha to tulu-tulunan nu bansa Israel.”

NOMBILANGMO 34:1

Tumpu nombee'mo palentah haha aijo' hi Musa

YOSUA 16:4

Aijo'mo na da'erah anu binee'mo hi tulunan nu bansa Manasye tiba i Efraim, lee' mae i Yusuf da tano' timbalimo aha na tumpunyo.

YOSUA 17:1

Sambahagian na da'erah sasu kinsoban Kaunyo nu Yordan binee'mo na sangga'at hi to utu-utus lee' mae i Manasye, anak tumpe i Yusuf. I Makhir tuuma i Gilead, aijo'mo na anak tumpe i Manasye. Kalana ia mian anu toho'mo nahampate, sahingga da'erah Gilead tiba Basan anu i sasu kabete'an Kaunyo nu Yordan binee'mo hi ia.

YEHEZKIEL 48:1

Potempasan nu tano' anu isasu utara komantannyo mamba sasu kabete'an lengkat pe'e mae i Ambai anu i Totonga'nyo lantas mompatuimo kota' Hetlon, jalan mamba i Hamat, kota' Hazar-Enan, toka-toka ipotempasan olot nu kota' Damsyik tiba kota' Hamat. Tulunan nu bansa haha aiya tionyo ahi' bubu' mohumpak tano' bola-bola aijo' lengkat ipotempasan sasu kabete'an lambakonnyo toka-toka i Ambai anu i Totonga'nyo, otampu'uni lengkat mae i utara lau-laus mamba isasu salatan. Dan Asyer Naftali Manase Efraim Ruben Yehuda