YEHEZKIEL 45:2 - KITAB NU TUMPU ALLA LELE MA'IMAI'

² Da bau pombauan Laigan nu Tumpu oposadiamo itano' aijo' sambahagian anu sulapa' opat, ukulannyo 250 meten toto sambiha' na sulapa'nyo ka' nu tikubi nu lapangan kobolanyo 25 meten, ka' ikiijo'mo na tionyo ahi' pombauan Laigan nu Tumpu.

YEHEZKIEL 45:2 ပူးပေါင်းရင်းမြစ်များ

YEHEZKIEL 27:28

To mia-mian anu sola' talabut atina hi beleyum noloboo'mo kalana aha nabuhukmo. Kihis nu aha tinoka-tokamo i iwi-iwi na sonibi nu ambai na loungnyo.

YEHEZKIEL 42:15

Nokolapas na mo'ane aijo' nongukun Laigan nu Tumpu sasu unonyo binoanyomo na aku isambiha'nyo nontulu sabatan daka' sasu kabete'an, lantas nongukunmo bahagian titikup Laigan nu Tumpu.

YEHEZKIEL 43:21

Lapas aijo' alamo na sapi' lakinyo da bau pohapusi dosa', potunumo itampat anu tinantukanmo, anu isambiha'nyo nu Laigan nu Tumpu anu susi'.

YEHEZKIEL 45:1

Ma'isa pe'e tano' aijo' obagi-bagiakon da timbalimo tano' pusaka' nu totosa'angu' na tulunan nu bansang, tionyo ahi' oposi po iwi'mo sa'angu' na bahagian da bau bagi nu Tumpu. Tano' aijo' tionyo ahai' komantannyo 12,5 kilometen ka' mule' kobolanyo 10 kilometen. Songko-songko na daerah aijo' otantukanmo tano' anu sinusi'mo.

YEHEZKIEL 45:3

Sambahagian na tano' aijo' anu komantannyo 12,5 kilometen ka' kobolanyo 5 kilometen aijo'mo na oposadia pombauan Laigan nu Tumpu, aijo'mo daerah anu susi' hondo.