YEHEZKIEL 45:18 - KITAB NU TUMPU ALLA LELE MA'IMAI'

¹⁸ Tumpu Anu Matangkas na Kuasanyo notataemo hi mian anu palesayamo hi belenyo, “Kona itanggan sa'angu' bitu'on sa'angu' belemiu tionyo ahi' momposusi'mo Laigan-Ku monsombahkonmo sa'angu'na sapi' lakinyo anu daagi' bata'nyo ka' mule' anu madi' kokulangnyo apa-apaa.

YEHEZKIEL 45:18 ပူးပေါင်းရင်းမြစ်များ

NOSABATMO 12:2

“Bitu'on aiya timbalimo bitu'on anu bau tanggan nu belemiu anu saja' o inau' sataun toka sataun.

NOSABATMO 40:2

“Bau na Kemah-Ku i tanggan sa'angu' bitu'on sa'angu'.

YEHEZKIEL 43:19

Ola ahi' imam lee' mae i Zadok anu lee' mae nu tulunan nu bansa Lewi na timbali toka mae i ahop-Ku mongatun palasombahan osombahkon. Aku, Tumpu Anu Matangkas na Kuasanyo na nompalentahkonmo han aijo'. Bee'i na aha sa'angu' na sapi' mo'anenyo anu daagi' bata'nyo da bau koloban pongampuni dosa'.

YEHEZKIEL 43:20

Ala na baso'nyo sangkiding ka' sapuakon itanduk haha aijo' anu opa-opat ipasu'nyo anu aita' mae itudunyo nu mezbah ka' suele ipasu'nyo haha aijo' bahagian sasu unonyo ka' mule' iduhu-duhu'nyo nu mezbah aijo'. Tiba jalan sumo aijo' na beleyum momposusi'mo mezbah aijo' ka' samata-mata Akumo na tumpunyo.

YEHEZKIEL 43:22

Dodop mule' beleyum tionyo ahi' monsombahkon sa'angu' na mee' lakinyo anu madi' ko kulangnyo apa-apaa da bau koloban pongampuni dosa'. Posusi' na mezbah aijo' nu baso' nu mee' aijo' susumo beleyum nombaumo sapi' lakinyo anu daagi' bata'nyo aijo'.

YEHEZKIEL 43:23

De lapasmo na beleyum mombau aijo', alamo na sapi' sa'angu' anu daagi' bata'nyo tiba sa'angu' na mee' anu daagi' bata'nyo ohu-ohua' aijo' anu madi' ko kulangnyo apa-apaa,

YEHEZKIEL 43:26

Pitunsinaa na to ima-imam tionyo ahi' mombau atulannyo montahbiskan mezbah aijo' ka' momposadia da timbali opake.

YEHEZKIEL 45:20

Bau mule' sumo aijo' kakona itanggan popitu' bitu'onmo ai-aijo' kona hi batu-batu mian anu binaladosa'mo maumo anu madi' tinotonggolakon kabai kalana anu madi' sinumbu'. Tiba jalan anu sumo aijo' na belemiu monjagaimo kasusian nu Laigan-Ku.

YEHEZKIEL 46:1

Tumpu Anu Matangkas na Kuasanyo notatae, “Sabatan daka' sasu kabete'an anu kalambanan mokiijo' ipopasan sasu unonyo tataap otumban kopinnyo anon sinaa tempo' opake mokalaja. Sabatan daka' aijo' ola timbali otuhea'akon de sinaamo nu Sabat tiba de Molame'akonmo Bitu'on Bu'ou.

IMAMAT 16:16

Tiba jalan anu sumo aijo' ia momposusi'mo Salipi' anu Susi' hondo, anu i humimi'anmo nu aha bansa Israel kalana dosa' nu aha iwi-iwi'. Kemah nu Tumpu tionyo ahi' oposusi' kalana ia binau i totonga' nu kemah nu aha bansa Israel ka' kinonamo nu kapahumimi'an nu aha.

IMAMAT 16:33

lantas mombaumo anu bau pomposusi' Salipi' anu Susi' hondo, ka' bahagiannyo sangga'at i Kemah nu Tumpu, mezbah, to ima-imam ka' iwi-iwi' na bansa nu aha Israel.

IMAMAT 22:20

Boli monsombahkon binatang anu ko panyakitnyo kalana Tumpu madi' montalima.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.