YEHEZKIEL 43:9 - KITAB NU TUMPU ALLA LELE MA'IMAI'

⁹ Panyo otampu'uni uuka aiya aha tionyo ahi' bolimo daagi' monsombah pilogot ka' molalinmo ahi' bangke' nu to tomu-tomundo' nu aha. Lapas aijo' Aku jojoongmo ahi' itotonga' nu aha sampe toka sidu-sidutu'.”

YEHEZKIEL 43:9 ပူးပေါင်းရင်းမြစ်များ

1 TOMU-TOMUNDO' 8:13

Uuka aiya binauankumo na Belento laigan daka', anu ma'ima' hondo da bau kajojoongan nu Belento sampe toka sidu-sidutu'.”

MAZMUR 46:5

Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

NOSABATMO 29:45

Aku jojoongmo hi aha bansa Israel ka' timbalimo Tumpu Allah nu aha.

YEHEZKIEL 37:23

Aha madi'mo daagi' mohenyui butong nu aha nu palabuatan mombau dosa' ka' monsombah to pilo-pilogot anu mohenyui aha. Ku pobebasmo na aha da madi'mo mombau iwi-iwi' na kasala'an anu monsaduakon aha madi'mo mompajuli mae Aku. Ku posusi'mo na aha; aha timbalimo mian anu palesayamo hi belengku ka' Aku Tumpu Allahmo nu aha.

YEHEZKIEL 43:7

“O manusia anu madi' tumuu' batu, aiyamo na kajojoongan-Ku. Aiyamo na tampat kajojoongan-Ku itotonga' nu aha mian Israel ka' mompalentahmo aha sampe toka sidu-sidutu'. Maumo aha kabai to tomu-tomundo' nu aha, madi'mo daagi' mohumimi'i sanggong-Ku anu susi', nu saduakon nu aha monsombahmo pilogot kabai kalana mongkolobanakonmo bangke' nu to tomu-tomundo' nu aha itampat aiya.

HOSEA 2:2

Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.