YEHEZKIEL 43:7 - KITAB NU TUMPU ALLA LELE MA'IMAI'

⁷ “O manusia anu madi' tumuu' batu, aiyamo na kajojoongan-Ku. Aiyamo na tampat kajojoongan-Ku itotonga' nu aha mian Israel ka' mompalentahmo aha sampe toka sidu-sidutu'. Maumo aha kabai to tomu-tomundo' nu aha, madi'mo daagi' mohumimi'i sanggong-Ku anu susi', nu saduakon nu aha monsombahmo pilogot kabai kalana mongkolobanakonmo bangke' nu to tomu-tomundo' nu aha itampat aiya.

YEHEZKIEL 43:7 ပူးပေါင်းရင်းမြစ်များ

YEHEZKIEL 43:9

Panyo otampu'uni uuka aiya aha tionyo ahi' bolimo daagi' monsombah pilogot ka' molalinmo ahi' bangke' nu to tomu-tomundo' nu aha. Lapas aijo' Aku jojoongmo ahi' itotonga' nu aha sampe toka sidu-sidutu'.”

MAZMUR 47:8

Tumpu atina'mo na Tomundo' isongko-songko na dunia, opuji' na Ia nu nyanyian anu ma'ima' hondo!

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

ANU PINOTO'I HI YOHANES 22:3

I uno nu kota aijo' madi' ko apa-apaa anu kinonamo nu kutuk nu Tumpu. Kasuhangan nu Tumpu ka' Anak nu Domba aijo' tokamo saidi' mae i uno nu kota aijo'. To posa-posaihon-Nyo saidi' mae monsombahje Aha,

YEHEZKIEL 20:39

Tumpu Anu Matangkas na Kuasanyo notataemo, “O, to mia-mian nu Israel, uuka aiya yayamo belemiu. Saboleh-bolehmo ahi' pombau dosa' monsombahmo pilogot nu belemiu haha atina'! Panyo jaga lapas mae na atina' belemiu tionyo ahi' montulutimo Aku ka' madi'mo ahi' daagi' mohumimi'i sanggong-Ku anu susi' kalana momboamo palasombahan hi pilogot nu belemiu haha atina'.

YEHEZKIEL 1:26

Aita' mae i bawo nu anu susumo pinoboloyuk mae, daagi' ko anu pokakana sumo tampat kajojoongan batu nilam na binau ka' aita' suha-suhang daagi' ko anu susumo manusia.

MAZMUR 99:1

Tumpu aijo'mo na Tomundo'; to bansa-bansa langkakatan. Ia sumuhang aita' i to mala-malaekat, dunia gayu'an.

1 TAWARIKH 28:2

I Daud tinuminjomo i ahop nu aha ka' notatae, To utu-utusku sangko bansangku, potombihing mae! Pininmo na aku kino kahanda' mombau sa'angu' na laigan anu mahoson hondo da bau pompo'una'an Peti' Palajanjian nu Tumpu, da bau panintinjoan nu Tumpu Allah-nto. Aku nompotoukamo anu obau sa'angu' na laigan tampat ponsomban Ia.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

YOËL 3:17

“O, Israel uuka aiya osumbu'mo nu belemiu, saba' Akumo na Tumpu nu belemiu. Aku jojoong i Sion, i bungkutnyo anu Aku na tumpunyo. Sahingga Yerusalem suele timbalimo kota' anu susi' mian anu isalipu'an mae madi'mo daagi mompinsoopi.

HOSEA 14:8

Aha po ule'mo mae minsusule' hi beleng-Ku ka aha Ku jagaimo. Ka' malia'mo hondo na aha mohumpak kasanangan i uno nu kantumuu'an nu aha sumomo gandum tumuu' i ale' anu tano'nyo ma'omuk, ka' susumo ale' nu anggur susumo uee nu anggur nu Libanon sanggo nu aha talasanggomo i yaya mae.

YEHEZKIEL 48:35

Songko-songko na pagan mesen aijo' komantannyo osio' na kilometen. Ka' lengkat itempo' aiya mian nonsanggohimo kota' aijo': “DAAGI' KO TUMPU IKIIJO'!”

YEHEZKIEL 39:7

Panyo aijo' hi aha Israel, Ku poto'imo na sanggong-Ku anu susi' ka' sanggong-Ku aijo madi'mo daagi' ohumimi'i. Sahingga nu sumbu'je nu to bansa-bansa taalu' Akumo ahi' na Tumpu, Tumpu anu susi' lengkat mae hi aha Israel.”

YEHEZKIEL 10:1

Lantas aku nonsindamo nokiita' anu susumo piboloyuk ibuan nu ubak nu malaekat ka' aku notoamo daagi' ko anu sumo tampat kajojoongan, batu nilam na binau.

YEREMIA 17:12

Laigan nu Tumpunto sumomo kajojoongan nu tomundo' anu talasanggo hondo aita' ibungkutnyo anu matangkas salatanmo pe'e momonanyo mae.

YEREMIA 16:18

Dosa' tiba palabuatan ma'idek nu aha Ku balosakonmo nu hukuman pinduan lipat, kalana aha nohenyuimo lipu'-Ku nu pilogot manjoo' hondo. Pilogot haha aijo' madi' konyawanyo sumomo ahi' bangke' nu mian anu sinilakamo.”

YEREMIA 14:21

Inau' na palajanjian nu Belento, boli mae o ambangi nu Belento na kami; palajanjian nu Belento tiba kami boli ahi' madi' opotimbali nu Belento. Yerusalem tampat kasuhangan nu Belento anu talasanggo hondo boli ahi' o ambangi nu Belento.

YEREMIA 3:17

Tempo'nyo aijo' kota' Yerusalem osanggohimo ‘Kajojoongan nu Tumpu'’, ka' iwi-iwi' na bansa sihukmo ikota' aijo' monsombah Aku. Aha madi'mo daagi' montuluti pongka'oho' nu kinyonyoa nu aha anu panggaga ka' ma'idek aijo'.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YESAYA 6:1

Kinakona itaun kikinasilakaanmo i Tomundo' Uzia aku nontoamo Tumpu. Ia suha-suhang ikadela-Nyo tangka-tangkas ka' anu oholomati. Juba'-Nyo monsalingkukubi songko-songko na Laigan nu Tumpu.

MAZMUR 132:14

Ia notatae, “I aiyamo na kajojoongan-Ku sampe toka sidu-sidutu', Aku kahanda'mo mompalentah i tampat aiya.

MAZMUR 99:5

Oholomati ka' opopodaka' na Tumpunto anu talasanggo tolodadupumo i ahop nu kasuhangannyo ka' sombahmo na Ia. Ia talalo hondo Susi'!

MAZMUR 68:18

Pulu'an nu madala na kareta anu otaha'imano; Tumpu tinokamo hi aha, Ia nompotoamo katalasanggoan-Nyo.

NOSABATMO 29:45

Aku jojoongmo hi aha bansa Israel ka' timbalimo Tumpu Allah nu aha.

MAZMUR 46:5

Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

YEHEZKIEL 6:5

Ku paha potatabumo na bangke' nu aha Israel ka' mule' santo buku-buku nu aha Ku taumo i mezbah haha aijo'.

YEHEZKIEL 6:13

Bangke' nu mian anu singkapmo sinilaka motanatamo aijo' itampat-tampat bapilogotan tiba itampat-tampat mezbah, ka' mule sika-sika timpasmo aita' i puge'nyo toto tangka-tangkas, ka' mule' aita' ibawo nu bungkutnyo, ka' mule' ipatuu nu kau' anu toto tambo-tambok na honnyo, ka' mule' i patu nu kau' anu toto daka-daka' na batangnyo, o'alamo kodo-kodo' na sisik, iyaya mae na tampat anu sola' pontunuan nu aha koloban anu nu sombahkon nu aha hi pilogot. Sahingga toto samian monsumbu'je taalu' Akumo ahi' na Tumpu.

NOSABATMO 25:8

Pokau na bansa aijo' mombau sa'angu' na kemah ponsomban Aku, da Aku jojoong hi aha.

1 TOMU-TOMUNDO' 8:13

Uuka aiya binauankumo na Belento laigan daka', anu ma'ima' hondo da bau kajojoongan nu Belento sampe toka sidu-sidutu'.”

2 TOMU-TOMUNDO' 16:4

I Ahas nonsombahkonmo koloban ka' nompapuimo kamangian i tampat haha aijo' anu lewa' ponsomban pilogot i bungkutnyo ka' i patu nu kau' anu toto tambo-tambok na honnyo.

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

ZAKHARIA 13:3

Ka' de daagi' ko mian anu montaloakon tukoonyo ia kahanda' mompoto'i potuunon saba' posi tuumanyomo ahi' tiba tinanyo na motatae hi ia aijo' tukoonyo ia tionyomo ahi' ohukum mate kalana anu tinaeakonnyo aijo' madi' totu'u. De ia tataap mongakui butongnyo salaku nabi saba' ia nu posi jalo'mo nu tuumanyo tiba tinanyo sampe mate.