YEHEZKIEL 43:4 - KITAB NU TUMPU ALLA LELE MA'IMAI'

⁴ Jingka anu jongkilaban hondo aijo' nontulu mae sabatan daka' sasu kabete'an lantas ninsoopmo i uno nu Laigan nu Tumpu.

YEHEZKIEL 43:4 ပူးပေါင်းရင်းမြစ်များ

NOSABATMO 40:34

Lapas aijo' nintatau'mo mae na kundom nonsaputmo Kemah nu Tumpu ka' Kemah aijo' najingkamo hondo, tandanyo Tumpu tinokamo.

NOSABATMO 40:35

Mokonyo aijo' i Musa madi'mo noko ala ninsoop i Kemah aijo'.

YESAYA 60:1

Tinjomo ka' timbalimo jingka, o Yerusalem, kalana jingka kasalamatan nu beleyum tinokamo; Tumpu monjingkaimo belemiu nu Kuasa-Nyo.

YEHEZKIEL 1:28

ka' manjoo' hondo na ngahan nu buhitnyo mimbalu-balu'mo tandalo'. Aijo'mo na jingka anu lonsinoan hondo salaku tanda daagi'mo ko Tumpu tinoka. Nontoa aijo' aku tinombahangkangmo dumo-dumon itano'. Lantas ihongongkummo na potatae

YEHEZKIEL 11:23

Lapas aijo' jingka anu majingka hondo aijo' nompala'imo Yerusalem ka' nolalinmo aita' ibungkutnyo isasu kabete'an nu kota' aijo'.

YEHEZKIEL 3:12

Lantas Roh nu Tumpu nohangkatmo aku ka' aitu mae ihikungku ihongongkumo na potatae susumo gohung na kodaka'nyo nontaloakon, “Opuji' na Tumpu anu talasanggo kiita' i suluga'!”

YEHEZKIEL 43:1

Lapas mule' mo'ane aijo' nomboamo aku isabatan daka' anu mongahopi kabete'an,

YEHEZKIEL 43:2

ka' ikiijo mae tinoangkumo na jingka anu jongkilaban hondo lengkat mae isasu kabete'an anu salaku tanda saba' Tumpu Israel tokamo mae. Potatae nu Tumpu ihongo sumomo ahi' buhok nu ndalangon, ka' mule' dunia najingkamo kalana jingka nu katokaanmo nu Tumpu.

YEHEZKIEL 44:2

Tumpu notataemo mae hi belengku, “Sabatan daka' aiya tataap otumban ka' madi' timbali otuhea'akon. Madi' timbali kosamian anu montuhea'akon ka' mompinsoopi, kalana Aku, Tumpu Allah nu Israel, ninsoopmo i Laigan-Ku nontulumo sabatan daka' aiya. Jadi sabatan daka' aiya tionyo ahi' tataap otumban.

YEHEZKIEL 44:4

Lapas mule' mo'ane aijo' nomboamo aku i sabatan daka' sasu utara anu mompaha ahop tiba Laigan nu Tumpu. Aku nompalahatikanmo ka' tinoangkumo na Laigan nu Tumpu aijo' jiningkanmo nu jingka anu jongkilaban salaku tandanyo tinokamo na Tumpu. Lantas aku tinolodadupumo ka' nonsombahmo,