YEHEZKIEL 43:3 - KITAB NU TUMPU ALLA LELE MA'IMAI'

³ Anu tinoa aijo' pokakanamo susumo anu tinoangku tempo'nyo Tumpu tinoka mae nohansuni Yerusalem, ka' mule' pokakana susumo anu tinoangkumo i Kaunyo Kebar. Lantas aku tinolodadupumo ka' nonsombah.

YEHEZKIEL 43:3 ပူးပေါင်းရင်းမြစ်များ

YEREMIA 1:10

Sinaa aiya Ku bee'mo hi beleyum na kusa da mongkuasai bansa-bansa tiba kalaja'an-kalaja'an – kuasa da timbali montua'akon ka' timbali mohobo'akon, da timbali mompobahangkang ka' da timbali monsilakai, da timbali mompotinjo, ka'da timbali monsu'an.”

YEHEZKIEL 3:23

Sahingga aku nambamo i bangka'nyo ka' ikiijo' tinoangkumo na jingka jongkilaban hondo anu montandai Tumpu daagi'mo ikiijo' susumo anu toho'mo tinoangku isonibi nu Kaunyo Kebar. Lantas aku tinombahangkangmo dumo-dumon itano',

YEHEZKIEL 32:18

“O manusia anu madi' tumuu' batu, haangmo kalana ko anumo sinilaka na aha mian da'isan nu Mesir. Pakatumo na aha da mambamo i dunia nu mian anu sinilakamo hingga-hinggat tiba lipu-lipu' sangga'at anu mahoson.

YEHEZKIEL 44:4

Lapas mule' mo'ane aijo' nomboamo aku i sabatan daka' sasu utara anu mompaha ahop tiba Laigan nu Tumpu. Aku nompalahatikanmo ka' tinoangkumo na Laigan nu Tumpu aijo' jiningkanmo nu jingka anu jongkilaban salaku tandanyo tinokamo na Tumpu. Lantas aku tinolodadupumo ka' nonsombahmo,

YEHEZKIEL 8:4

Lantas aku nonsakisimo jingka anu majingka hondo salaku tanda Tumpu nu Israel tinokamo, pokakana susumo anu tinoangkumo tempo'nyo aku kiijo' mae i sonibi nu Kaunyo Kebar.

YEHEZKIEL 9:1

Lapas aijo' Tumpu Allah notataemo daka-daka', “Po uukamo mae o, tomia-mian anu montalimamo hukuman-Ku ikota' aiya. Boa mae na iwi-iwi' na toongon nu belemiu anu bau pahampate.”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

YEHEZKIEL 9:3

Lantas jingka anu majingka hondo salaku tanda Tumpu nu Israel tinokamo, jingkanyo lengkat mae aijo' hi to mala-malaekat, lantas nolalinmo namba i sabatan pinsoopan i Laigan nu Tumpu. Lantas ilagamo nu Tumpu na mian anu nompusok hude lenan aijo' ka' Ia notatae,

YEHEZKIEL 9:5

Ihongongku na Tumpu notatae hi mian sangga'at, “Batuki na ia mamba isongko-songko na kota' ka' pateimo na mian madi' timbali o, ampuni.