YEHEZKIEL 42:5 - KITAB NU TUMPU ALLA LELE MA'IMAI'

⁵ Suo'nyo iwi-iwi' anu isusunannyo sasu mokiita' lebe soki de obandingakon tiba suo'nyo anu akaong mae i aluknyo, kalana jalan toto ise-ise' i ahop nu suo'nyo anu sasu aita' mae lebe bola de obandingakon tiba anu akaong mae i aluknyo.

YEHEZKIEL 42:5 ပူးပေါင်းရင်းမြစ်များ

YEHEZKIEL 41:15

Mo'ane aijo' nongukun mule' laigan daka-daka' aijo' anu mongahopi popasan isasu kinsoban; kobolanyo 50 meten tibamo pimpi'nyo mesen anu isasu kowinyo ka' koanannyo. Dasanyo-dasanyo anu kiijo' i Laigan nu Tumpu, dasanyo anu sasu ahopnyo, Tampat Anu Susi',

YEHEZKIEL 41:7

Otoa mae isambiha'nyo na pimpi' mesen nu Laigan nu Tumpu aijo' pokakana na kobutolunyo lengkat akaong mae i aluknyo toka-toka mokiita'. Aijo' ipimpi' mesen Laigan nu Tumpu sasu sambiha'nyo, anu isasu sambiha'nyo nu suo'nyo haha aijo' daagi' ko ojan daka' ohua' sahingga mian timbali moliba' lengkat mae ilunduannyo anu i aluknyo mokiita' ilunduannyo anu ko ohua'nyo tiba kototolu'nyo.

YEHEZKIEL 42:3

Sambiha' na laigan aijo' mongahopi gandalia anu kobolanyo sampulu' na meten aijo', ka' sambiha' mule' sangga'at mongahopi salo mesen anu isasu sambiha'nyo nu popasan. Laigan aijo' tolunsusun; toto sa'angu' na susunannyo gagana' tonsoop sasu unonyo nu liu-liu mokiijo' sasu unonyo na anu akaong i aluknyo.

YEHEZKIEL 42:6

Suo'nyo haha aijo' totolu' na susunannyo ka' madi' tinungkon nu to ohi-ohi' susumo laigan toto daka-daka' anu aijo' mompaha ohani.