YEHEZKIEL 40:6 - KITAB NU TUMPU ALLA LELE MA'IMAI'

⁶ Lapas aijo' ia nambamo i pagan mesen aijo' anu mongahopi sasu kabete'an. Ia noliba'mo i ojannyo ka' salatan tinokamo aita' mae ingukunnyomo na aita' buannyo nu tumban, ko bolanyo totolu' na meten.

YEHEZKIEL 40:6 ပူးပေါင်းရင်းမြစ်များ

1 TAWARIKH 9:18

Sampe sinaa aiya to mia-mian anu lengkat hi aha sa'anakan binee'an kalaja monjagai Sabatan Daka' nu Tomundo' sasu kabete'an. Naipuan mae mian haha aijo' aha sa'anakan binee'an kalaja monjagai sabatan daka' anu mokiijo' i sasu kemah nu aha mian Lewi.

1 TAWARIKH 9:24

Opat na sabatan: sa'angu' sasu utara, sa'angu' sasu Selatan, sa'angu' sasu kabete'an ka' sa'angu' sasu kinsoban. Toto sa'angu' na sabatan haha aijo' samian na aha mian nu Lewi anu mongkapalai aha anu monjagai aijo'.

MAZMUR 84:10

Balakatiakon mae na tomundo' mami, O, Tumpu, jagaiakon mae na mian anu pinile'anumo nu Belento.

YEREMIA 19:2

da mamba hingga-hinggat tiba aha i Bangka'nyo nu Hinom montulu Sabatan Daka' Beling. Toka ikiijo' mae ku poto'imo apaa na anu pinotun-Nyomo mae hi belengku.

YEHEZKIEL 10:18

Lantas jingka anu majingka hondo salaku tanda Tumpu tokamo, ka' mompala'imo sabatan pinsoopan i Laigan nu Tumpu ka' molalinmo mokiita' i malaekat haha aijo'.

YEHEZKIEL 11:1

Lantas aku ihangkatmo nu Roh nu Tumpu ka' binoamo isabatan daka' Timur i Laigan nu Tumpu, sabatan anu mo'ahop sasu kabete'an. Ikiijo' tinoangku 25 na mian, galu-galumo ikiijo' ua'aha na polaya' nu bansa aijo'mo i Yaazanya anak i Azur tiba Pelaca anak i Benaya.

YEHEZKIEL 40:20

Lapas mule' mo'ane aijo' nongukunmo sabatan daka' sasu utara anu montulu mokiijo' ihatanyo sasu unonyo.

YEHEZKIEL 40:22

Ka' suele dasanyo daka-daka', iwi-iwi' na tolongannyo, ka' iwi-iwi' na ukilannyo aijo'mo kau' palem pokakana susumo anu kiijo' i sabatan daka' sasu kabete'an. Popitu' na langku-langku' nu ojan anu kajalanan mamba mokiijo' i sabatan daka' ai-aijo', ka' aijo' mae i puusnyo daagi' ko dasanyo daka-daka' anu mongahopi popasan anu i sambiha'nyo nu Laigan nu Tumpu.

YEHEZKIEL 40:24

Ka' mule' mo'ane aijo' nomboamo aku i sabatan daka' sasu salatan ka' nongukunmo. Sinumbu'je taalu' sabatan daka' aijo' pokakana susumo sabatan daka' haha aijo' sangga'at.

YEHEZKIEL 40:26

Popitu' na langku-langku' anu bau kalambanan mokiijo' i sabatan daka' ai-aijo' ka' mule' dasanyo daka-daka' suele daagi' aijo' mae i puusnyo, mongahopi popasan sasu sambiha'nyo Laigan nu Tumpu. Mesen haha aijo' anu ibahagian unonyo anu mongahopi jalan ise-ise' binunga-bungan nu ukilan-ukilan kau' palem.

YEHEZKIEL 40:5

Lantas aku nontoamo Laigan nu Tumpu anu tinikuban nu pagan mesen. Mo'ane aijo' notampu'unimo nongukun pagan mesen aijo' nu kau' anu bau pongukunnyo, ko mantannyo totolu' na meten. Sahingga sinumbu'mo na pagan mesen aijo' ko tangkasnyo totolu' na meten ka' mule' ko butolunyo suele totolu' na meten.

YEHEZKIEL 40:7

Ihiku nu sabatan daka' ai-aijo' daagi' ko jalan ise-ise' sa'angu' poti-potimbiha' daagi' ko suo'nyo totolu' suele. Iwi-iwi' na suo'nyo haha aijo' pokakana na kodaka'nyo; sulapa' opat ka' ko mantannyo poti-potimbiha' totolu' na meten. Mesen anu mongga'at suo'nyo toto sa'angu' pokakana na ko butolunyo ohua' ka' mintonga' na meten. Jalan ise-ise' aijo' inantan mule' tinotolu' na meten ka' nokiijo'mo idasanyo daka-daka' anu mongahopi Laigan nu Tumpu. Mo'ane aijo' nongukunmo dasanyo daka-daka' aijo' ka' sinumbu'je taalu' ko bolanyo opat na meten; dasanyo kiijo' ipusnyo nu sabatan daka' sasu unonyo anu ohani hondo tiba Laigan nu Tumpu. Mesen anu mongahopi Laigan nu Tumpu ko butolunyo sa'angu' na meten.

YEHEZKIEL 41:16

binunga-bungan nu kau' salaku bingkainyo, lantas salonyo sampe tolongannyo iwi-iwi'. Tolongannyo haha aijo' timbali opokonai lalansenyo.

YEHEZKIEL 42:15

Nokolapas na mo'ane aijo' nongukun Laigan nu Tumpu sasu unonyo binoanyomo na aku isambiha'nyo nontulu sabatan daka' sasu kabete'an, lantas nongukunmo bahagian titikup Laigan nu Tumpu.

YEHEZKIEL 43:1

Lapas mule' mo'ane aijo' nomboamo aku isabatan daka' anu mongahopi kabete'an,

YEHEZKIEL 43:17

Bahagian anu itotonga'nyo suele ahi' sulapa' opat, toto sa'angu' na sulapa'nyo ukulannyo popitu' na meten, ka' ko sonibinyo sasu sambiha'nyo duhu-duhu' sasu sambiha'nyo ko tangkasnyo sa'angu' na meten obagi opat. (Kobolanyo nu got mintonga' na meten.) Sulapa'nyo bahagian sasu kabete'an daagi' ko ojannyo anu mokiita' itudunyo nu mezbah.

YEHEZKIEL 43:8

Naipuan mae tomundo' nu aha haha aijo' nombaumo buan nu aita' sabatan tiba ohi' nu sabatan nu laigan nu aha golo-golot ka' buan nu sabatan tiba ohi' nu sabatan nu Laigan-Ku, sahingga me sa'angu' na pimpi' na mongoloti. Aha nohumimi'imo sanggong-Ku anu susi' nu saduakon nu palabuatan nu aha anu okahegatimo. Kalana aijo' Ku silakaimo na aha nu tambuha'-Ku.

YEHEZKIEL 44:1

Lapas mule' mo'ane aijo' nomboamo aku mule' isabatan daka' anu isambiha'nyo sasu kabete'an anu aijo' i Laigan nu Tumpu. Sabatan daka' aijo' tumba-tumban,

YEHEZKIEL 46:12

De anu balakuasa kahanda' mombee' palasombahan kasanangan nu kinyonyoa hi Tumpu maumo salaku koloban anu opotunu kabai koloban paladamean, saba' sabatan daka' sasu kabete'an anu bau kalambanan mokiijo' ipopasan anu i unonyo tionyo ahi' otuhea'akonmo da pinsoopannyo mae. Ia tionyo ahi' monsombahkon koloban susumo anu binaunyomo i sinaa nu Sabat panyo salatan minsusule'mo na ia, sabatan daka' aijo' sampamo ahi' otumban.”

YEHEZKIEL 47:1

Mo'ane aijo' nomboa mule' aku isabatan pinsoopan mokiijo' i Laigan nu Tumpu. Aku nontoamo uee mo ili lengkat mae akaong i aluk nu sabatan aijo' mamba isasu kabete'an, susumo suele Laigan nu Tumpu mongahopi sasu kabete'an. Uee aijo' mo ili lengkat mae akaong i aluk nu sabatan Laigan nu Tumpu bahagian salatan montulu sulapa'nyo sasu salatan nu mezbah.

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.