YEHEZKIEL 40:5 - KITAB NU TUMPU ALLA LELE MA'IMAI'

⁵ Lantas aku nontoamo Laigan nu Tumpu anu tinikuban nu pagan mesen. Mo'ane aijo' notampu'unimo nongukun pagan mesen aijo' nu kau' anu bau pongukunnyo, ko mantannyo totolu' na meten. Sahingga sinumbu'mo na pagan mesen aijo' ko tangkasnyo totolu' na meten ka' mule' ko butolunyo suele totolu' na meten.

YEHEZKIEL 40:5 ပူးပေါင်းရင်းမြစ်များ

MAZMUR 125:2

Susumo to bungku-bungkutnyo nontiikubimo Yerusalem, sumo aijo'mo na Tumpu nonjagai mian anu palesayamo hi Ia, uuka aiya sampe toka sidu-sidutu'.

YESAYA 26:1

Tempo'nyo aijo' mian monyanyimo nyanyian sumo uuka itano' nu Yehuda: “Mahoson hondo na kota' aiya; Tumpu na nombau benteng-Nyo, i aiya na kita salamat.

YESAYA 60:18

Madi'mo daagi' ko lele mongkona kasinggian ilipu' nu beleyum, ka' mule' mongkona kahansunan ka' anu o'idei i daerah nu beleyum. Susumo pagan mesen Aku monjagaimo beleyum, ka' beleyum mompuji'mo Aku salaku anu Nomposalamatmo beleyum.

YEHEZKIEL 41:8

Pimpi' mesen sasu sambiha'nyo nu suo'nyo haha aijo' kobutolunyo ohua' ka' mintonga' na meten. Laigan aijo' ko sabatannyo anu bau kalambanan mokiijo' isuo'nyo haha aijo' anu isasu utara Laigan nu Tumpu ka' mule' sabatan sangga'at anu bau kalambanan mokiijo' isuo'nyo haha aijo' anu isasu salatan. Duhu-duhuk na Laigan nu Tumpu daagi' pentrasinyo kobolanyo ohua' ka' mintonga' na meten; ko tangkasnyo totolu' na meten lengkat i tano' ka' binau pokakana susumo fundasi nu suo'nyo haha aijo' ipimpi' mesen nu Laigan nu Tumpu. I olot nu pentrasi tiba laigan haha aijo' anu bau kajojoongan nu to ima-imam daagi' mule' ahi' ko dasanyo anu kobolanyo sampulu' na meten, sasu kowi ka' koanan i Laigan nu Tumpu.

YEHEZKIEL 42:15

Nokolapas na mo'ane aijo' nongukun Laigan nu Tumpu sasu unonyo binoanyomo na aku isambiha'nyo nontulu sabatan daka' sasu kabete'an, lantas nongukunmo bahagian titikup Laigan nu Tumpu.

YEHEZKIEL 42:20

Jadi daerah Laigan nu Tumpu nongakohimo tano' anu sulapa' opat, ukulannyo 250 meten toto sambiha' na bahagian. Tano' aijo' nu tikubi nu pagan mesen salaku bau pongga'at daerah anu samata-mata katokaan nu Tumpu tiba daerah anu bau katokaan nu mian da'isan.

YEHEZKIEL 43:13

Sumo uuka na ukulan nu mezbah tiniho ikulan anu pinake nongukun Laigan nu Tumpu. Duhu-duhu' na tengke nu mezbah daagi' ko gotnyo koleengnyo mintonga' na meten ka' mule' kobolanyo suele mintonga' na meten, ka' sonibinyo sasu sambiha'nyo kotangkasnyo sa'angu' na meten obagi opat.

ZAKHARIA 2:5

Tumpu binalajanji'mo tukoo-Nyo Iamo na timbali pagan apu na montikubi kota' aijo' da monjagai ka' mule' Ia jojoongmo ikiijo' tiba kakuasa'an-Nyo ka' Ia talasanggomo.”

PO'ULE' INGULIT 3:11

I tomundo Og me sausa'nyo ia, na mian nu aha Refaim. Peti' pinongisian ia sinilaka batu na pina'at ko mantanyo opat na meten ka' ko bolanyo ohanimo ohua' na meten na sukatannyo anu tinantukan. Sampe tempo' uuka aiya daagi' timbali otoa kiijo' i Raba kota nu aha mian Amon.)

ANU PINOTO'I HI YOHANES 21:12

Mesen titikub matangkas ka' daka', ka' mule' sampulu' ka' ohua' na sabatannyo anu daka', ka' nu jagai nu sampulu' ka' ohua' na malaikat. I sabatan daka' haha aijo' tinulismo na to sanggo-sanggo nu sampulu' ka' ohua' na tulunan mae nu bansa Israel.