YEHEZKIEL 40:4 - KITAB NU TUMPU ALLA LELE MA'IMAI'

⁴ Mo'ane aijo' notataemo mae hi belengku, “O manusia anu madi' tumuu' batu, potombihing mae ima-ima' ka' opalahatikan iwi-iwi' na anu ku potoa hi beleyum, kalana makisud aijo' sahingga beleyum binoamo mae no uuka. Poto'i hi aha iwi-iwi' bansang Israel apaa na anu tinoamo nu beleyum.”

YEHEZKIEL 40:4 ပူးပေါင်းရင်းမြစ်များ

YESAYA 21:10

Bansaku Israel! Beleyum pinahampeja'akomo ka' lewa'mo ilanda'an sumomo batu nu gandum. Uuka aiya ku poto'imo hi beleyum lele ma'ima' anu ihongongkumo hi Tumpu Anu Daka' na Kuasanyo, Tumpu nu aha Israel.

YEREMIA 26:2

Tumpu notataemo mae hi belengku, “Lako mamba tuminjo' ipopasan nu Laigan-Ku ka' potataemo hi aha mian anu jojoong Yehuda anu toka mae monsombah ikiijo'. Poto'i hi aha iwi-iwi' na anu Ku palentahkon hi beleyum da opoto'iakon hi aha. Boli oga'ai mau ola sangkiding.

YEHEZKIEL 2:1

nontaloakon, “O, manusia anu madi' tumuu' pati tinjomo. Aku kahanda'mo motatae hi beleyum.”

YEHEZKIEL 2:3

“O, manusia anu madi' tumuu' batu, beleyum Ku saimo mamba hi aha mian nu Israel anu notomuhukmo madi'mo montuluti mae Aku. Aha aijo saja' ahi' motomuhuk madi' sala' susumo ahi' mompolee' mae nu aha.

YEHEZKIEL 3:17

“O, manusia anu madi' tumuu' batu, beleyum Ku hangkatmo da monjagai bansa Israel. Potokakon na pokinde'-Ku anu Ku bee' hi aha sumo uuka,

YEHEZKIEL 43:10

Lantas po ule'mo mae notatae na Tumpu, “O manusia anu madi' tumuu' batu, poto'i hi aha mian nu Israel, na Laigan-Ku aiya ka' pokau na aha da mompotutugakon apaa na anu tinanga'anmo nu aha. Obau na aha da mongoa'i ambang kalana dosa' nu aha iwi-iwi'.

YEHEZKIEL 44:5

ka' Tumpu notataemo mae hi belengku, “O manusia anu madi' tumuu' batu, palahatikan ima-ima' apaa na anu tinoamo nu beleyum ka' ihongomo nu beleyum. Ku poto'imo hi beleyum iwi-iwi' na palentah tiba atulan mongkona Laigan-Ku aiya. Tulis ima-ima' ihehe na anu timbali opobee' minsoop i Laigan-Ku ka' mule' ihehe na anu madi' opobee'.

YEHEZKIEL 47:6

Lantas mian aijo' notataemo mae hi belengku, “O manusia anu madi' tumuu' batu, palahatikan ima-ima' na aiya iwi-iwi'.” Lapas aijo' po ule'mo aku binoanyo ninsusule' nontusakonmo kaunyo aijo',

MATIUS 10:27

Apaa na Kutaloakon hi beleyum i uno nu pintung tionyo o ulit miu ijingka de sinaamo. Ka' apaa na anu o oyongakon i bihingum, o sisikakon hi mian da'isan aijo' mana-manasa!

MATIUS 13:9

Lapas na Ia nonsisikakon kantuang aijo' i Yesus notataemo, “De ko bihing pohongomo!”

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

1 KORINTUS 11:23

Kalana pinogulu'akonkumo hi komiu, aijo' ihumpaku lengkat mae hi Tumpu: aijo'mo pihi-pihi salatan i Yesus, Tumpunto kinabisa'anmo, Ia nongalamo roti,

PO'ULE' INGULIT 32:46

i Musa notataemo, “Palahatikan na palentah iwi-iwi' anu binee'kumo hi belemiu sinaa aiya. Opotingan hi to ana-anak nu belemiu, da aha sabole-bole mombau iwi-iwi' na atulan nu Tumpu.